Sansar News- Nepal's Fast Khabar Online News Portal

ब्लड क्यान्सर रोगले पीडित अर्जुनको याचना, सहयोगमा जुटे अष्ट्रेलियाबासी नेपाली

संसार न्यूज़
२ महिना पहिले
ब्लड क्यान्सर रोगले पीडित अर्जुनको याचना, सहयोगमा जुटे अष्ट्रेलियाबासी नेपाली

५ माघ, अष्ट्रेलिया । ब्लड क्यान्सरले पीडित अर्जुन तिमल्सिनाको उपचारका लागि अष्ट्रेलियावासी नेपाली जुटेका छन् ।

ब्रिसवेनको नेपाली समाजमा सक्रिय रहेका सामाजिक अभियन्ता पोखराका तिमल्सिनालाई ब्लड क्यान्सर भएपछि उनले गरेको याचनालाई सहयोग गर्न त्यहाँस्थित विभिन्न नेपाली संघ संस्था आर्थिक सहयोग संकलनका लागि जुटेका हुन् ।

पोखरा घर भई अष्ट्रेलियाको ब्रिसवेनमा श्रीमती सहित बस्दै आएका ३० वर्षीय तिमल्सिनालाई अचानक क्यान्सर देखिएपछि त्यहाँका नेपाली समाजले चिन्ता व्यक्त गर्दै सबैलाई सहयोगको अनुरोध गरेका छन् । तिमल्सिनालाई सहयोग गर्न अनुरोध गर्दे एनआरएनए ब्रिसबेनका उपाध्यक्ष उमेश खड्काले ब्रिसबेन लगायत अन्य राज्यका नेपालीलाई पनि दुःखमा हातेमालो गरिदिन अनुरोध गरेका छन् ।

त्यस्तै कास्की समाजका अध्यक्ष टिका भुर्तेलले ब्लड क्यान्सर जस्तो समस्याले पीडित रहेका तिमल्सिनाको उपचारका लागि लामो समय र खर्च धेरै लाग्ने भएकाले सबै संघसंस्था मिलेर उनको जीवन कसरी बचाउने भन्नेमा लागि परेको बताउछन् ।

क्यान्सरले पीडित तिमल्सिनाले अस्पतालको शैथ्याबाट अनुरोध गर्दै सहयोग रकम गोफन्ड एकाउन्टमार्फत् मात्र संकलन गरिदिन अनुरोध गरेका छन् ।

श्रीमतीलाई नर्सिङ पढाउनका लागि डिपेन्डेड भिसामा अष्ट्रेलिया लगेका तिमल्सिनाको क्यान्सर देखिएकै साता छोरी जन्मिएकी छन् । पढाई सकेर अष्ट्रेलियामै संघर्ष गर्न थालेका तिमल्सिनालाई यस्तो समयस्या देखिएपछि परिवार चिन्ता बढेको छ ।

श्रीमतीलाई सुत्केरी व्यथा लागेर अस्पताल भर्ना भएका बेला सामान्य झाडा पखाला लागेपछि रगत परीक्षण गर्दा तिमल्सिनामा क्यान्सर देखिएको बताइएको छ । अहिले किमो दिएर उपचार गराइरहेका तिमल्सिनालाई ३ महिनाभित्र बोनम्यारो प्रत्यारोपण गर्न चिकित्सकले सुझाव दिएका छन् । प्रत्यारोपणका लागि झण्डै ३ लाख डलर लाग्ने चिकित्सकले जनाएको पनि तिमल्सिनाका भाइ अर्जुन तिमल्सिनाले जनाएका छन् । उनी बोनम्यारो प्रत्यारोपणका लागि परीक्षण गर्न अष्ट्रेलिाय पुगेको बताइएको छ ।

एकसाता अघि मात्र तिमल्सिनालाई क्यान्सर पत्ता लागेको थियो । त्यसपश्चात एनआरएनए क्विन्सल्याण्ड, कास्की समाजका प्रतिनिधिहरुले तिमल्सिनालाई अस्पतालमै भेटेर आर्थिक सहयोग जुटाउनका लागि छलफल तथा योजना बनाएको बताइएको छ ।

उक्त योजना अनुसार क्विन्सल्याण्डमा सक्रिय रहेका नेपाली संघसंस्थाले सहयोग जुटाउन सुरु गरेका हुन् ।

आर्थिक सहयोगका लागि नेपाली संघ कुइन्सल्याण्ड, कास्की समाज अष्ट्रेलिया, नेपलिज एशोसियसन अफ कुइन्सल्याण्ड (एनएक्यु), कुइन्सल्याण्ड नेपलिज कम्युनिटी सेन्टर (क्युएनसिसि) र विभिन्न युवा क्लबलगायतका संस्थाहरु जुटेका हुन् ।

त्यसैगरी तिमल्सिनाको नाममा गो फन्ड मि नामक वेवसाइटबाट सहयोग संकलन सुरु गरिएको छ । उक्त फन्डमा अहिलेसम्म २१ हजार डलर संकलन भएको समेत बताइएको छ ।

सर्बाधिक पढिएको

प्रधान सेनापति छात्रवृत्ति सम्बन्धी सूचना

प्रधान सेनापति छात्रवृत्ति सम्बन्धी सूचना ३ हप्ता पहिले | संसार न्यूज़

२४ फागुन, काठमाण्डौं । नेपाली सेनाको कल्याणकारी योजना निर्देशनालय वलाध्यक्ष…

कोरोनाको कहर भोगेका इटालियन नागरिकले दिए संसारलाई यस्तो सन्देश

कोरोनाको कहर भोगेका इटालियन नागरिकले दिए संसारलाई यस्तो सन्देश २ हप्ता पहिले | संसार न्यूज़

संसारभरी फैलिएको कोरोना भाइरसको संक्रमणले  मानव मनमा उब्जाएको त्रास र…

३७०० फौज बिदाइ गर्दै वुहान फेरि रोयो(हेर्नुस् भिडियोसहित)

३७०० फौज बिदाइ गर्दै वुहान फेरि रोयो(हेर्नुस् भिडियोसहित) ४ दिन पहिले | संसार न्यूज़

१३ चैत्र, काठमाडौँ । वुहान फेरि रोएको छ । वुहान…

कोरोना कहर : एउटी नर्सकी आमाको अपिल

कोरोना कहर : एउटी नर्सकी आमाको अपिल ५ दिन पहिले | संसार न्यूज़

मैले मेरो मुटु यहाँहरुको सेवामा पठाएको छु । पिपिए विना…