९ माघ, काठमाण्डौं । नेपाल व्यवस्थापन संघ (म्यान) को १९ औं प्रवन्ध समितिको सदस्यहरुको निर्वाचन तथा मतदान सम्बन्धी सूचना जारी गरिएको छ ।
संघको १९ औं प्रबन्ध समितिका सदस्यहरुको निर्वाचन इलेक्ट्रोनिक प्रविधिबाट २०७६ माघ २४ गते तद्अनुसार (फवरी ७, २०२०) शुक्रवार होटल याक एण्ड यति, दरवारमार्ग काठमाडौंमा हुने जानकारी संघले गराएको छ ।
त्यस्तै यस वर्ष इलेक्ट्रोनिक प्रविधिबाट मतदान गर्ने भएकोले मतदान गर्ने सम्बन्धमा जानकारी प्रदान गर्ने उद्देश्यले २०७६ माघ १० गते शुक्रवार संघको सभाकक्ष कमलादी काठमाडौंमा दिउसो ३ बजेदेखि ५ बजेसम्म मतदात गर्ने तरिका (डेमो) प्रदर्शन गर्ने भएकोले इच्छुक सदस्यहरुलाई उपस्थितिको लागि अनुरोध समेत संघले गरेको छ ।
निर्वाचन सम्बन्धी विस्तृत कार्यक्रम संघको वेभसाइट www.man.org.np मा पनि हेर्न सकिने छ ।
वि.सं.२०७६ माघ ९ बिहीवार १३:५८ मा प्रकाशित