९ माघ, पोखरा । गण्डकी प्रदेशका सांसद राजीव गुरुङ (दीपक मनाङे)लाई प्रहरीले पक्राउ गरेको छ । उनलाई बिहीबार प्रहरीले लेकसाइडस्थित एक होटलबाट पक्राउ गरेको हो। अदालतले बिहीबार उनका नाममा पक्राउ पुर्जी जारी गरेको थियो । उनलाई पक्राउ पुर्जी जारी भएको केही समयमै प्रहरीले पक्राउ गरेको हो ।
सांसद मनाङ्गेले एक कार्यक्रममा झापड हानेपछि एन्फा अध्यक्ष गुरुङले जिल्ला प्रहरी कार्यालयमा उजुरी दर्ता गराएका थिए । पोखरामा जारी मुख्यमन्त्री कपको उद्घाटन कार्यक्रममै मनाङ्गेले एन्फा अध्यक्ष गुरुङलाई झापड हानेका थिए ।
मनाङ्गे बुधबार पत्रकार सम्मेलन गर्दै आफूमाथि ठगी गरेका कारण झापड हानेको बताएका थिए । उनले आफ्ना १८ जना खेलाडीलाई गुरुङले अलपत्र पारेको आरोप पनि लगाएका छन् । पत्रकार सम्मेलनमै मनाङ्गे ठगहरुलाई झाप्पड हान्दा रमाइलो लाग्ने प्रतिक्रिया दिएका थिए ।
वि.सं.२०७६ माघ ९ बिहीवार १६:२६ मा प्रकाशित