९ माघ, काठमाण्डौं । लोकसेवा आयोग इलाम कार्यालयले परीक्षा भवन कायम गरिएको सम्बन्धी सूचना जारी गरेको छ ।
लोकसेवा आयोग केन्द्रीय कार्यालय काठमाण्डौंको वि.नं. १६६९४–१६७००\०७६-७७ (खुला तथा समावेशी) एकिकृत संयुक्त रा.प. तृतीय श्रेणी (अप्राविधिक) शाखा अधिकृत वा सो सरह पदका लागि परीक्षा केन्द्र इलाम राखी अनलाइनबाट दरखास्त फारम स्वीकृत गरिएका उम्मेदवारहरुको प्रथम चरणको प्रतियोगितात्मक लिखित परीक्षा विभिन्न मिति र स्थानमा हुने आयोगले जानकारी गराएको छ ।
आयोगका अनुसार परीक्षा मिति माघ २५ गते तोकिएको छ भने १०००१ देखि १०२३० सम्मका २३० उम्मेदवार श्री आर्दश मावि, इलाम, ‘क’ १०२३१ देखि १०४०३ रोल नं का १७२ जना श्री आर्दश मावि, इलाम ‘ख’, १०४०४ देखि १०५६४ सम्मका १६० जना श्री आर्दश मावि, इलाम ‘ग’ र १०५६५ देखि बाँकी सबै श्री आर्दश मावि, इलाम ‘घ’ तोकिएको छ ।
त्यस्तै प्रवेश पत्र विना उम्मेदवारलाई परीक्षामा सम्मिलित नगराइने भएकाले अनिवार्यरुपमा प्रवेश पत्र ल्याउन पनि आयोगले अनुरोध गरेको छ ।
वि.सं.२०७६ माघ ९ बिहीवार १६:३७ मा प्रकाशित