काठमाडौँ । बलिउडकी चर्चित अभिनेत्री कंगना रणावत र अजय देवगनको प्रेम सम्बन्धलाई लिएर एक समय बलिउडमा एकदमै चर्चा हुने गरेको थियो ।
सन् २०१० मा आएको चलचित्र “वान्स अपन अ टाइम इन मुम्बई”को सुटिङको समयमा उनीहरु एकअर्कासँग नजिकिन पुगेका हुन् । उक्त चलचित्रको समयमा उनीहरु अन स्क्रिन मात्र होइन अफ स्क्रिन रोमान्स पनि गरिरहेको हुन्थे । उनीहरु सुटिङमा सँगै आउने जाने गर्थे भने भ्यानिटी भ्यानमा कयौँ समय सँगै बिताउने गर्थे ।
अजय र कंगनाको प्रेम सम्बन्धले बलिउडमा निकै चर्चा पाइसकेको थियो । यसै क्रममा बलिउडकी अर्की सुपरहिट अभिनेत्री तथा अजयकी धर्मपत्नी काजोल देवगनले जब यो कुरा थाहा पाइन् तब उनले आफ्ना पति अजयलाई धम्की दिन बाध्य भएकी थिइन् । उनले कंगनासँग नजिकीन र काम गर्न बन्द नगरे आफू छोराछोरी सहित घर छोडेर जाने धम्की दिएकी थिइन् ।
काजोलको यो धम्की पछि अजयले प्रेमीका भन्दा नजिक श्रीमती रहेको र आफ्नो जिम्मेवारीको महसुस गर्दै कंगनासँगको प्रेमसम्बन्ध तोड्ने निर्णय लिए । तर, कडा स्वभावकी कंगनाले अजयलाई सजिलै नछोड्ने कसम खाँदै उनले आफ्नो हातका नसा काट्ने, सुसाइड गर्ने समेत धम्की दिएकी थिइन् ।
मिडिया रिपोर्टका अनुसार कंगनाले दिएको यो धम्कीलाई वास्तै नगरी अजयले उनलाई फर्केर पनि हेरेनन् । उक्त घटना पछि कंगनासँग अजय बिस्तारै टाढा हुँदै गए र परिवार सम्हाल्न थाले । अहिले कंगना र अजय एकअर्काको मुख हेर्न पनि नचाहेको भनाई छ ।
वि.सं.२०७६ माघ २० सोमवार १२:१२ मा प्रकाशित