२४ माघ, काठमाडौं । प्रमुख प्रतपक्षी दल नेपाली कांग्रेसको संसदीय दलको बैठक सम्पन्न भएको छ । शुक्रवार विहान सिंहदरबारस्थित संसदीय दलको कार्यालयमा बसेको दलको बैठकले वर्तमान सरकार र नेकपा कांग्रेसलाई सिध्याउने खेलमा लागेको निष्कर्ष निकालेको छ । बैठकमा कंग्रेस नेताहरुले सरकार र नेकपाले कोही व्यक्तिमाथि नभई कांग्रेस माथि नै आक्रमण गरेको बताएका थिए ।
साथै बैठकले अख्तियार दुरुपयोग अनुसन्धान आयोग ‘ओली आयोग’मा रुपान्तरण भएको आरोप लगाएको छ । संसदीय दलको बैठकले विजयकुमार गच्छदारमाथिको मुद्दा राजनीतिक पूर्वाग्रहपूर्ण भएको तत्कालिन शाही आयोगजस्तै अख्तियार पनि ‘ओली आयोग’ बनेको निश्कर्ष निकालेको छ ।
गच्छदारमथि मुद्दा दर्ता भएपछि बिहीबारको प्रतिनिधिसभा बैठक अवरुद्ध गरेको कांग्रेसले त्यसलाई निरन्तरता दिने निर्णय समेत संसदीय दलबाट गरेको छ ।
वि.सं.२०७६ माघ २४ शुक्रवार १३:१३ मा प्रकाशित