Sansar News- Nepal's Fast Khabar Online News Portal

कविता : म मान्छे हूँ

द्धारिका क्षेत्री, खर्साङ भारत
२ हप्ता पहिले
कविता : म मान्छे हूँ

ट्याप्प टाँसिएर बसेको
त्यो आकाशको विशाल छातीबाट
एक साँझ
सुटुक्कै झर्नु है तिमी
ऐ जून
म उभिएको धरातलमा ।
मलाई, एउटा सिङ्गै रात
तिमीसित बिताउनु छ ।
मेरो मनभित्रको हजारौं कौतुहलहरु
तिमीलाई भेटेर मेटाउनु छ ।

खुल्ला आकाशमा मग्न घुम्ने अधिकार
कसले दिएको तिमीलाई
भनी सोध्नु छ ।
चंचले ताराहरुमाझ एक्लै डुल्छौ तिमी,
शंकाको घेरामा किन पर्दैन तिम्रो संस्कार
अब खोज्नु छ ।
अन्धकारसित लहसिदैं काटेको रातहरुको हिसाब
तिमीसित माग्नु छ ।
आकाशसंगको तिम्रो अबैध सम्बन्धको इतिहास
मलाई सुन्नु छ ।
मलाई तिम्रो हरेक खोट गन्नु छ
घामसँगको तिम्रो तालमेल बारे जान्नु छ ।

आफ्नो छेउमा तिमीलाई राख्नु छ
तिम्रो रुपको शीतलता मलाई चाख्नु छ ।
अहौ !!
सबैलाई मख्खै पार्ने तिम्रो मुस्कान !
तिम्रो मुस्कानको चम्किलो आवरण
कोट्याइ कोट्याइ हटाउनु छ
र तिमीभित्रको त्यो कुरुप धब्बा
सारा दुनियाँलाई देखाउनु छ
नाप्नु छ मलाई तिम्रो दागहरुको आयतन
खोताल्नु छ त्यसको गहिराई
र तिमीलाई बेस्सरी दुखाउनु छ ।
त्यसैले तिमी सुटुक्कै आउनु है
एक साँझ,
मलाई, एउटा सिङ्गै रात
तिमीसित बिताउनु छ
निलाम गर्नु छ मलाई तिम्रो सुन्दर अस्तित्व ।
मान्छे हूँ म
मलाई मेरो गुण देखाउनु छ
मलाई मानव धर्म निभाउनु छ ।।

सर्बाधिक पढिएको

अख्तियारको भनाई गलत –संविधानविद् आचार्य

अख्तियारको भनाई गलत –संविधानविद् आचार्य २ हप्ता पहिले | संसार न्यूज़

संविधानविद्  डा.  भिमार्जुन आचार्यले अख्तियार दुरुपयोग अनुसन्धान आयोगले ललित निवास…

कहाँ-कहाँ अनि कहिले हुँदै छ भुतपूर्व सैनिक सम्मेलन ? नाम दर्ताका लागि के-के कागजात चाहिन्छ त ?

कहाँ-कहाँ अनि कहिले हुँदै छ भुतपूर्व सैनिक सम्मेलन ? नाम दर्ताका लागि के-के कागजात चाहिन्छ त ? ६ दिन पहिले | संसार न्यूज़

५ फागुन, काठमाण्डौ । नेपाली सेनाको व्यवस्थापन तथा नेपाली सेना…

नेकपाको प्रवास कमिटीले पूर्णता पायो, हेर्नुहोस् कुन देशको नेतृत्व कस्ले गरे त ?

नेकपाको प्रवास कमिटीले पूर्णता पायो, हेर्नुहोस् कुन देशको नेतृत्व कस्ले गरे त ? २ हप्ता पहिले | संसार न्यूज़

२४ माघ, काठमाण्डौं । नेपाल कम्युनिष्ट पार्टी (नेकपा) ले आफ्नो…

बहालवाला तथा भु.पु सैनिकका लागि स्वास्थ्य सेवा सम्बन्धी सूचना

बहालवाला तथा भु.पु सैनिकका लागि स्वास्थ्य सेवा सम्बन्धी सूचना ३ हप्ता पहिले | संसार न्यूज़

२० माघ, काठमाडौं । नेपाली सेनाले बहालवाला तथा भुपु सैनिक…