Sansar News- Nepal's Fast Khabar Online News Portal

म्यानमार ‘मोर्टार’ आक्रमणमा २१ विद्यार्थी घाइते

एएफपी
१ हप्ता पहिले

२ माघ, याङ्गोन ।  बिहीबार म्यानमारको उत्तरी रखाइन राज्यमा एक विद्यालयमा ‘मोर्टार’ आक्रमण हुँदा कम्तीमा २० बालबालिका घाइते भएका छन् । रखाइन राज्यमा म्यानमारको सेनाले लामो समयदेखि आराकन सशस्त्र विद्रोही (एए) ले जातीय मुक्तिका लागि गरेको आन्दोलनविरूद्ध युद्ध गरिरहेको छ ।

बिहीबारको आक्रमण बुटिडाउङ नगरको एक बस्ती जजिकै भएको हो, जहाँ म्यानमारले सशस्त्र विद्रोहीविरूद्ध लामो समयदेखि लड्दै आएको छ । आक्रमण सरकारी सेना वा विद्रोहीले गराएका भन्नेबारे पुष्टि हुनसकेको छैन ।

गत वर्षको जनवरीदेखि दुई पक्षबीच चलेको द्वन्द्वले चर्को रूप लिएपछि दर्जनौँ सर्वसाधारणको मृत्यु भएको छ भने सयौँ घाइते भएका छन् । यसबीचमा उक्त स्थानबाट करिब एक लाख स्थानीय विस्थापित भएका छन् ।

एएले जातीय रखाइन बौद्धमार्गीहरूको स्वतन्त्रताका लागि लडिरहेको दाबी गरेको छ । रखाइन क्षेत्र म्यानमारका अल्पसङ्ख्यक मुसलमान समुदाय रोहिंज्याहरूको बाहुल्यता भएको क्षेत्र हो ।

खाम्वे गाउँका शिक्षक थार आय माउङ्गले एएफपीलाई फोनमार्फत बिहीबार दिएको जानकारीमा उनले भने, “विद्यालयमा भएको आक्रमणमा २१ जना विद्यार्थी घाइते भएका छन् । आक्रमणबाट घाइते भएकी एक बालिकालाई हात र खुट्टामा गम्भीर चोट लागेको र अन्य विद्याथीहरूलाई पनि शरीरका विभिन्न भागमा चोट लागेको लागेको छ ।”घाइते भएका विद्यार्थीहरू बौद्धमार्गी खामी समुदायका रहेका बताइएको छ ।

“बिहीबार बिहान सरकारी सेना र विद्रोही एए समूहबीच विद्यालयबाट करिब तीन किलोमिटर टाढा भिडन्त भइरहेको थियो,” उनले थपे । हामीले विद्यालयदेखि टाढा युद्ध भएका कारण गोलाबारूद विद्यालयसम्म नआउने सोचेर कक्षा सञ्चालन गरिरहेका थियौँ तर एक्कासी मोर्टार विद्यालय परिसरमा खसेको थियो ।

माउङदाव जिल्लाका प्रशासन प्रमुखले घटनाको पुष्टि गरेका छन् तर घाइतेहरूको सङ्ख्या भने १९ रहेको उनले बताए ।
उनले विद्यालयमा सेनाले आक्रमण गर्नुपर्ने कारण नभएको तर कहिलेकाही सेनाको विद्रोहीले लुटेका हतियार यस्ता घटनामा प्रयोग हुने गरेका म्यानमार सेनाका पश्चिमी कमाण्डका प्रवक्ता कर्नेल विन ताओले बताए ।

हाम्रो लुटिएको हतियार विद्यालयमा हानेर सेनाले आक्रमण गरेको भनी उनीहरूले गलत दाबी गरिरहेको प्रवक्ता ताओले बताए । यस घटनाबारे विद्रोहीको भनाइ राख्न गरेको प्रयास सफल हुनसकेन ।

सर्बाधिक पढिएको

अख्तियारको भनाई गलत –संविधानविद् आचार्य

अख्तियारको भनाई गलत –संविधानविद् आचार्य २ हप्ता पहिले | संसार न्यूज़

संविधानविद्  डा.  भिमार्जुन आचार्यले अख्तियार दुरुपयोग अनुसन्धान आयोगले ललित निवास…

कहाँ-कहाँ अनि कहिले हुँदै छ भुतपूर्व सैनिक सम्मेलन ? नाम दर्ताका लागि के-के कागजात चाहिन्छ त ?

कहाँ-कहाँ अनि कहिले हुँदै छ भुतपूर्व सैनिक सम्मेलन ? नाम दर्ताका लागि के-के कागजात चाहिन्छ त ? ६ दिन पहिले | संसार न्यूज़

५ फागुन, काठमाण्डौ । नेपाली सेनाको व्यवस्थापन तथा नेपाली सेना…

नेकपाको प्रवास कमिटीले पूर्णता पायो, हेर्नुहोस् कुन देशको नेतृत्व कस्ले गरे त ?

नेकपाको प्रवास कमिटीले पूर्णता पायो, हेर्नुहोस् कुन देशको नेतृत्व कस्ले गरे त ? २ हप्ता पहिले | संसार न्यूज़

२४ माघ, काठमाण्डौं । नेपाल कम्युनिष्ट पार्टी (नेकपा) ले आफ्नो…

बहालवाला तथा भु.पु सैनिकका लागि स्वास्थ्य सेवा सम्बन्धी सूचना

बहालवाला तथा भु.पु सैनिकका लागि स्वास्थ्य सेवा सम्बन्धी सूचना ३ हप्ता पहिले | संसार न्यूज़

२० माघ, काठमाडौं । नेपाली सेनाले बहालवाला तथा भुपु सैनिक…