म कति इमान्दार तिम्रो लाली चोरिन ।
बार-बार भेट भयो कुनैपाली चोरिन ।
सर्वस्व तिमीले सुम्पेकै हो बिस्वास गरेर
दिल दिमाग सुन्दर मुहार काली चोरिन ।
हरेक सेयरहरु बुलन्द थिए सुनि बस्यौ
तिम्रो हाँसो न हत्केलाको ताली चोरिन ।
तिम्रा बगैंचाका फूलहरू कति ढकमक्क
मेरा पनि हुन्थे तर तिम्रो माली चोरिन ।
रिसाएर आँखा तर्दै खै के–के भन्दै रह्यौ
तिम्रो मुखबाट निस्किने ति गाली चोरिन ।
वि.सं.२०७६ फागुन १० शनिवार ०९:३९ मा प्रकाशित