Sansar News- Nepal's Fast Khabar Online News Portal

मुखै रसाउने अनि मिठो मानिने चटपटे, के भन्छन् त व्यवसायी र ग्राहकहरु ?

संसार न्यूज़
५ महिना पहिले
मुखै रसाउने अनि मिठो मानिने चटपटे, के भन्छन् त व्यवसायी र ग्राहकहरु ?

११ फागुन, काठमाण्डौं । प्राय सबैलाई मनपर्ने र छिट्टो मिठ्ठो खाजा चटपटे भएको छ । अहिले नेपालको जुनसुकै ठाउँमा चटपटे पानीपुरी पसल पाउन सकिन्छ । नेपालमा कमै मानिस त्यस्ता होलान् चटपटे नखाने मानिस । राजधानीमा जहाँ त्यही चटपटे पसलहरु देख्न सकिन्छ ।

स्वास्थ्यको दृष्णिकोटबाट चटपटे अस्वस्थकर हुने भए पनि हेराइ अनुसार चटपटे पानीपुरी स्वस्थकर र अस्वस्थकर हुने भनाइ पनि पाइन्छ । चटपटे अमीलो, पीरो, नुनीलो हुने भएकाले पनि सवैको रोजाइमा पर्ने गर्दछ । विशेषत युवाहरु वर्गहरुको प्रिय खानामा चटपटे गनिन्छ ।

चटपटे अन्य खाजाजस्तै महँगो नभएर १०- २० रुपैयाँमा पनि किन्न सकिने तथा कम लगानी गरेर कम मेहनतमा छिटै तयार रहने चटपटेबाट राम्रो आम्दानी हुने हुनाले यो धेरै साना व्यवसायीको रोजाइमा पनि पर्ने गरेको छ । विशेषत तराईका साना व्यवसायी यसप्रति आकर्षित छन् । साथै पछिल्लो समय महिलाहरुले पनि यसलाई मुख्य उर्पाजनको बाटो बनाएर जीवन धानेको पनि पाइन्छ ।

चटपटे पसलमा भेटिएका युवा अजय मण्डलले खानको लागि स्वस्थकर नमानिए पनि वसिवियालोका लागि चटपटे खाने गरेको बताउँछन् । तर भृकुटीमण्डपकी चटपटे व्यवसायी शान्ती कँडेल भने आफूले चटपटेमा अखाद्य सामग्री मिसावट नगर्ने र आवश्यक सामग्री घरबाट नै ल्याउने गरेको बताउँछिन् । उनले पसल राखेको १५ महिना भएको वताउदै पहिले व्यापार राम्रो हुने गरे पनि अहिले बस स्टप हटाएपछि व्यापारमा कमि आएको बताउछिन् ।

यस्तै उनले आफ्नो आम्दानी बाट ३००० समाज कल्याण परिषद्लाई र फोहोर लाई ३०० रुपैयाँ मासिक भाडा बुझाउने गरेको बताइन् । कंडेल आफ्नो आम्दानीले घरखर्चमा सहयोग पगेको समेत बताउँछिन् ।

केहि राम्रो जीवन जीउने आशाका साथ बर्दिबासबाट काठ्माडौ आएकी अर्की चटपटे व्यापारी दिलमायाँ श्रेष्ठको पनि उस्तै भनाई छ । यहि दशै ताका १ लाख रुपैयाँमा ठेला पसल किनेर चटपटे पसल सञ्चालन गरेकी हुन् श्रेष्ठले । सुरुवाती दिनहरुमा दैनिक ३ देखि ४ हजारसम्म विक्रि हुने गरे पनि अहिले भने ४ देखि ५ हजार सम्म मात्र विक्रि हुने गरेको वताउछिन् । अहिले पसलको भाडा तिर्न पनि धौ–धौ भएको वताउछिन् ।

भृकुटीमण्डपमै चटपटे वेचेर ५ वर्ष बिताएकी ओखलढुङ्गाकी लक्ष्मी घिमीरे भने पहिले जति व्यापार नभए पनि दैनिक १००० रुपैयाँ भन्दा बढी आम्दानी हुने गरेको वताउछिन् । उनीले आफुले चटपटे वनाउँदा बजारमा पाइने अमीलो भेनिगर प्रयोग नगर्ने कारण स्वस्थ हुने बताउँदै पानी, अमीलो मसला स्वास्थलाई असर नपार्ने खाद्य वस्तु मात्रै प्रयोग गर्ने बताइन् । यहि चटपटे व्यवसाय गरेर श्रीमानलाई थोरै मात्र भए पनि घर खर्चमा सहयोग गरेको बताउँछिन् ।

यस्तै, छिमेकी मुलुक भारतबाट भारतीय नागरिकहरु विभिन्न व्यापार व्यवसाय गर्नका लागि आउने गरेको पाइन्छ । भुकुटीमण्डपस्थित फनपार्कको गेट छेउमा पनि चटपटे पानीपूरी पसलको लस्कर देख्न सकिन्छ । जहाँ भारतीय नागरिकहरु चटपटे पानीपूरी बेच्न बसेका र बेच्दै गरेका देख्न सक्छौं ।

१५, १६ वर्ष अगाडी नेपाल आएर चाटपटे व्यापार गर्दै आएका भारतिय नागरिक राम जी शाह आफ्नो व्यापार भएका कारण कसैले पनि अस्वस्थकर चटपटे नवनाउने बताए । उनले आफ्नो आम्दानीलाई नेपालकै बैकमा जम्मा गर्ने र आफ्नो घर नेपाल भारत सिमा नजिक पर्ने भएकाले घर जादाँ वा नेपालमै भुक्तानी गर्ने गरेको बताए ।

स्वस्थकर नभए पनि चटपटेले फुर्तिलो र ताजा गराउने भएकाले आफुले खानेगरेको हेमा तामाङको अनुभव छ । यस्तै, झापाका दर्पण लिम्बु चटपटे पिरो, अमीलो ठिक्क मात्रामा खादा स्वस्थ्यलाई असर नपार्ने बताउँदै दिक्क लाग्दो समयमा खाँदा शरिरमा पुनर्ताजगी ल्याएको उनको अनुभव छ ।

सिंजाली प्रशिक्षार्थी पत्रकार हुन्

सर्बाधिक पढिएको

हाँसीखुसी विवाह मण्डपबाट विदा गरेकी छोरीले जब दुलाहाको घर नपुग्दै आत्महत्याको बाटो रोजिन्

हाँसीखुसी विवाह मण्डपबाट विदा गरेकी छोरीले जब दुलाहाको घर नपुग्दै आत्महत्याको बाटो रोजिन् ३ हप्ता पहिले | संसार न्यूज़

२ असार, काठमाण्डौं । हाँसी खुसी विवाहको मण्डपबाट विदा भएकी…

आज १४६२ जनाले कोरोनालाई जितेर घर फर्किए, निको हुनेको संख्या ४६५६ पुग्यो

आज १४६२ जनाले कोरोनालाई जितेर घर फर्किए, निको हुनेको संख्या ४६५६ पुग्यो १ हप्ता पहिले | संसार न्यूज़

१७ असार, काठमाण्डौं । नेपालमा पछिल्लो २४ घण्टामा १,४६२ जना…

वलिउड  नायक सुशान्तले आत्महत्या गरेसँगै अभिनेत्री वर्षाले गरिन् आफ्नो बारे यस्तो खुलासा

वलिउड नायक सुशान्तले आत्महत्या गरेसँगै अभिनेत्री वर्षाले गरिन् आफ्नो बारे यस्तो खुलासा ३ हप्ता पहिले | संसार न्यूज़

वलिउडका अभिनेता सुशान्त सिंह राजपुतले आत्महत्या गरेसँगै सामाजिक सन्जालहरुमा दुईथरी…

आज पनि ८२३ जना कोरोना संक्रमणबाट निको भएर घर फर्किए, हेर्नुहोस् कुन प्रदेशमा कति निको भए त ?

आज पनि ८२३ जना कोरोना संक्रमणबाट निको भएर घर फर्किए, हेर्नुहोस् कुन प्रदेशमा कति निको भए त ? १ हप्ता पहिले | संसार न्यूज़

१९ असार, काठमाण्डौं । नेपालमा कोरोना संक्रमणबाट ८२३ जना मुक्त…