१४ फागुन, युगाण्डा । युगाण्डाका लागि मानार्थदूतमा डा. सुधिर रुपारेलिया नियुक्त भएका छन् ।
नेपाल र नेपालीलाई माया गर्ने तथा युगाण्डामा रहेका नेपालीका अभिभाव मानिने डा. रुपालिया यु्गाण्डाका चर्चित व्यवसायी तथा उद्यमी व्यक्तिव हुन् । डा. सुधिरलाई नेपाल सरकारले मानार्थ दूतमा नियुक्त गरेको हो ।
उनको औपचारिक बहाली मार्च पहिलो हप्ता हुने बताइएको छ । उनले इजिप्टका लगि नेपाली राजदूत झविन्द्र प्रसाद अर्यालबाट सो औपचारिक जिम्मेवारी ग्रहण गर्नेछन् ।
युगाण्डा र नेपाल सरकारबीच कुटनैतिक सम्बन्ध स्थापना भएको ३ वर्षभित्रै नेपालले भारतीय मुलका युगाण्डाली नागरिकलाई सो जिम्मेवारी दिएको हो ।
संयुक्त राष्ट्रसंघका लागि नेपाली दूत दुर्गा प्रसाद भट्टराई र युगाण्डेली दूत डा. एडोनियाले कुटनैतिक सम्बन्धमा हस्ताक्षर गरेका थिए ।
डा. रुपालियाको नियुक्ति सँगै युगाण्डामा रहेका नेपालीहरु खुसी भएका छन् ।
वि.सं.२०७६ फागुन १४ बुधवार १३:४२ मा प्रकाशित