Sansar News- Nepal's Fast Khabar Online News Portal

पाँच मुक्तक

सुरेन्द्र शाही 'गुलाब कान्छो',बाजुरा
१ महिना पहिले
पाँच मुक्तक


गुटबन्दी संस्कार यो, हामी मिलेर तोड्नु छ ।
मर्दा पार्टीको होइन, नेपाली झण्डा ओढ्नु छ ।।
हंगामा मच्चाउन छोडौं, अब जाती र धर्मको,
विश्व सामु नेपालीले, शान्ति सन्देश छोड्नु छ ।।
२.
कहिले मुसल छु कहिले ओखल जस्तै ।
कहिले सुख्खा छु कहिले दलदल जस्तै ।।
नसक्ने भए रे कोही म बिना जीउन,
भएको छु अचेल उसैको अम्मल जस्तै ।।
३.
रित्तै आयौं जान्छौ रीत्तै, के नै लानु छ सबैले ।
अन्तिम पल्ट सुनपानी, दुईथोपा खानु छ सबैले ।।
जानु है हजुर स्वर्गलोक, आउँछौ हामी बिस्तारै,
ढिलो चाँडो मात्र त हो, त्यतै जानु छ सबैले
४.
चाउरीयो गाला फुल्यो जुँघा तन जवानी छ
उमेर कट्दै गएर के भो ऊ झन जवानी छ ।
अस्थिपन्जर न हो त्यो खोक्रो हुँदै जाने बिस्तारै,
फेरि मात्तिन्छ उन्मादले अझैं यो मन जवानी छ ।।
५.
बिरक्त भो मनपनि, सम्बन्ध नै चुडीएपछी ।
भ्रष्टलाई पार लाउने, मायाको धार कुडीएपछी ।।
छोडी गयौ एक्लै मलाई, मर्नु न बाच्नुको पारी,
कपाल मेरो समाजमा, चारपाटे मुडिएपछी ।।

सर्बाधिक पढिएको

कोरोनाको कहर भोगेका इटालियन नागरिकले दिए संसारलाई यस्तो सन्देश

कोरोनाको कहर भोगेका इटालियन नागरिकले दिए संसारलाई यस्तो सन्देश ३ हप्ता पहिले | संसार न्यूज़

संसारभरी फैलिएको कोरोना भाइरसको संक्रमणले  मानव मनमा उब्जाएको त्रास र…

३७०० फौज बिदाइ गर्दै वुहान फेरि रोयो(हेर्नुस् भिडियोसहित)

३७०० फौज बिदाइ गर्दै वुहान फेरि रोयो(हेर्नुस् भिडियोसहित) २ हप्ता पहिले | संसार न्यूज़

१३ चैत्र, काठमाडौँ । वुहान फेरि रोएको छ । वुहान…

कोरोना कहर : एउटी नर्सकी आमाको अपिल

कोरोना कहर : एउटी नर्सकी आमाको अपिल २ हप्ता पहिले | संसार न्यूज़

मैले मेरो मुटु यहाँहरुको सेवामा पठाएको छु । पिपिए विना…

कोरियामा साहुहरुको रुवाबासी

कोरियामा साहुहरुको रुवाबासी ४ हप्ता पहिले | संसार न्यूज़

कोरोनको त्रासले बिना भिषा काम गरिरहेको प्रवासी श्रमिक धेरै स्वदेश…