२० फागुन, बेल्जियम । बेल्जियमा एक नेपाली युवाको रेलको लिकमा खसेर मृत्यु भएको समाचार छ ।
पर्वतको जलजला गाउँपालिका धाइरिङ घर भई परिवासँगै बेल्जियमको लुभेन शहरमा बस्दै आएका अन्दाजी २८÷२९ वर्षीय सुमन जैसीको रेलको लिकमा खसेर मृत्यु भएको बताइएको छ ।
लुभेनबाट १५ मिनेटको दूरीमा रहेको आस्कोट ट्रेन स्टेशनको लिकमा खसेका उनलाई प्रहरीले मृत भेटेका थिए । प्रहरीले स्थानीय समय अनुसार रातको १२ बजे परिवारलाई खबर गरेको पनि श्रोतले बताएको छ ।
उनी आमाबाबु र श्रीमतीसँगै लुभेनमा बस्दै आएका थिए । अन्तरजातिय विवाह गरेका उनको श्रीमतीसँग राम्रो सम्बन्ध नभएको तथा डिप्रेशनको औषधि सेवन गरिरहेको पनि श्रोतले जनाएको छ । बेल्जियम प्रहरीले उक्त घटनाका बारेमा अनुसन्धान गरिरहेको बताइएको छ ।
वि.सं.२०७६ फागुन २० मंगलवार १८:२१ मा प्रकाशित