२२ फागुन, काठमाडौँ । श्री कालिका प्राथमिक विद्यालय तनहुँको वालविकास तह सहयोगी कार्यकर्ता पदमा कार्यरत शिक्षिका कमला वाग्ले (कोइराला) माथि मुद्दा दायर गरिएको छ ।
सहयोगी कार्यकर्ता पदमा कार्यरत शिक्षिका कमला वाग्ले को शैक्षिक योग्यताको प्रमाणपत्र नक्कली रहेको भन्ने उजुरी सम्बन्धमा अनुसन्धान हुँदा निजले माध्यमिक शिक्षा परिषद क्षेत्रीय कार्यालय बाराणसी भारतबाट हाइस्कुल उत्तीर्ण गरेको नक्कली शैक्षिक योग्यताको प्रमाणपत्र पेश गरी नियुक्ती लिई हाल सोही विद्यालयमा बहाल रहेको हुँदा निजलाई अख्तियार दुरुपयोग अनुसन्धान आयोगको टोलीले नियन्त्रणमा लिएको हो ।
अनुसन्धानको क्रममा निजले उक्त कार्य गरेको स–प्रमाण पुष्टि हुन आएकोले निज वाग्लेलाई भ्रष्टाचार निवारण ऐन बमोजिम सजाय हुन मागदाबी लिई आज विशेष अदालत, काठमाडौंमा आरोप–पत्र दायर गरीएको अख्तियारले जनाएको छ ।
वि.सं.२०७६ फागुन २२ बिहीवार ११:२२ मा प्रकाशित
