२८ फागुन, काठमाण्डौं । बम विस्फोट गराएको आरोपमा विप्लव समूहका नेता देव गुरुङ पक्राउ परेका छन् ।
पूर्वसञ्चारमन्त्री गोकुलप्रसाद बाँस्कोटाको घरमा बुधबार बिहान बम विस्फोट गराएको आरोपमा नेत्र विक्रम चन्द विप्लव समूहका भक्तपुरका नेता देव गुरुङलाई महानगरीय अपराध महाशाखाको टोलीले पक्राउ गरेको हो ।
उनी भक्तपुरबाटै पक्राउ परेका हुन् । उनलाई प्रहरी परिसर टेकुको टोलीले नियन्त्रणमा लिएर अनुसन्धान सुरु गरेको श्रोतले बताएको छ ।
बम विस्फोटमा संलग्नहरुको पहिचान भइसकेको भन्दै प्रहरीले उनीहरुको खोजी तिब्र पारेको छ ।
बुधबार बिहान भक्तपुरको लोकन्थलीस्थित बास्कोटाको निर्माणधिन घरमा रिमोट कन्ट्रोलबाट प्रेसरकुकर बम विस्फोट गराइएको थियो ।
उक्त विस्फोटमा बास्कोटाको घरमा क्षति पुग्नुका साथै उनका छिमेकीको घरको सिसा तथा रोकिराखेको भ्यानमा समेत क्षतिपुगेको थियो ।
उक्त विस्फोटको जिम्मा नेत्र विक्रम चन्द विप्लव समूहले लिँदै बास्कोटालाई यसकारण कारबाही गरिएको भन्दै १० बुँदे पर्चासमेत निकालेको थियो ।
बास्कोटाको घरमा आतंककारीले बम विस्फोट गराएको भन्दै अध्यक्ष प्रचण्डले जनाए यस्तो आपत्ति
वि.सं.२०७६ फागुन २८ बुधवार १२:५५ मा प्रकाशित
