Sansar News- Nepal's Fast Khabar Online News Portal

गाउँ फर्किएर कालिजपालन व्यवसाय गर्दै युवा

संसार न्यूज़
३ हप्ता पहिले
गाउँ फर्किएर कालिजपालन व्यवसाय गर्दै युवा

२९ फागुन, मेलम्ची । युवा कामको खोजीमा शहर पस्ने र विदेश जाने क्रम बढेपछि प्रायः गाउँघरमा उमेर ढल्किएका मात्रै भेटिन्छन् तर सिन्धुपाल्चोक थुम्पाखरका युवाले भने गाउँ फर्क अभियान चलाएर जिल्लामै पहिलोपटक व्यावसायिक कालिजपालनमा लागेका छन् ।

विभिन्न कामको सिलसिलामा शहर पसेका सुनकोशी गाउँपालिका–६ थुम्पाखरका युवा अहिले आफ्नै थलोमा फर्कन थालेका छन् । शहर केन्द्रित हुँदा गाउँघर शून्य हुँदै गएको भन्दै युवाले गाउँमै बस्ने उद्देश्य लिएर कालिजपालनको नयाँ व्यवसायमा जुटेको बताएका छन् । युवा व्यवसायी मिलेर जिल्लामै पहिलोपटक कालिजपालन गर्न थालेका छन् ।

भगवती वाइल्ड एन्ड क्याटल प्रोडक्ट प्रालिमार्फत कालिजपालन शुरु गरेका युवाले यो व्यवसायका लागि रु १३ लाखभन्दा बढी लगानी गरेका छन् ।

कालिजपालनका लागि खासै प्राविधिक ज्ञानको आवश्यक नपर्नाका साथै थोरै समयमै फाइदा लिन सकिने भएकाले कालिजको व्यावसायिकपालनमा लागेको प्रालिका अध्यक्ष रामचन्द्र कार्कीले बताए । प्रतिगोटा रु तीन हजारसम्म बिक्री हुने कालिजको मासु स्वादिलो हुने भएकाले यसको माग बढ्दै गएको छ ।

व्यवसाय शुरु गर्दा लगानी बढी परेजस्तो लागे पनि बिक्री हुन थालेपछि दुई वर्षभन्दा कम समयमै लगानी उठ्ने र त्यसपछि व्यवसायमा नाफा हुन थाल्ने समूहका अर्का सदस्य मधुसूदन कार्कीको विश्वास छ ।

राजधानी र अन्य स्थानमा बसोबास गर्दै आएका युवाले यसरी गाउँमै बाँझो रहेको जग्गाको उपयोग गरी कृषितर्फ फर्कंदा सरकारले पनि उनीहरुको समस्याको समाधानका लागि उपचार र बीमामा विशेष व्यवस्था गरिदिने हो भने अन्य युवालाई पनि यसतर्फ आकर्षित गर्न सकिने उनीहरुको भनाइ छ ।रासस

सर्बाधिक पढिएको

प्रधान सेनापति छात्रवृत्ति सम्बन्धी सूचना

प्रधान सेनापति छात्रवृत्ति सम्बन्धी सूचना ३ हप्ता पहिले | संसार न्यूज़

२४ फागुन, काठमाण्डौं । नेपाली सेनाको कल्याणकारी योजना निर्देशनालय वलाध्यक्ष…

कोरोनाको कहर भोगेका इटालियन नागरिकले दिए संसारलाई यस्तो सन्देश

कोरोनाको कहर भोगेका इटालियन नागरिकले दिए संसारलाई यस्तो सन्देश २ हप्ता पहिले | संसार न्यूज़

संसारभरी फैलिएको कोरोना भाइरसको संक्रमणले  मानव मनमा उब्जाएको त्रास र…

३७०० फौज बिदाइ गर्दै वुहान फेरि रोयो(हेर्नुस् भिडियोसहित)

३७०० फौज बिदाइ गर्दै वुहान फेरि रोयो(हेर्नुस् भिडियोसहित) ५ दिन पहिले | संसार न्यूज़

१३ चैत्र, काठमाडौँ । वुहान फेरि रोएको छ । वुहान…

कोरोना कहर : एउटी नर्सकी आमाको अपिल

कोरोना कहर : एउटी नर्सकी आमाको अपिल ६ दिन पहिले | संसार न्यूज़

मैले मेरो मुटु यहाँहरुको सेवामा पठाएको छु । पिपिए विना…