Sansar News- Nepal's Fast Khabar Online News Portal

कृषि क्षेत्रमा लगानी बढाउँछौँ – मुख्यमन्त्री भट्ट

संसार न्यूज़
४ हप्ता पहिले
कृषि क्षेत्रमा लगानी बढाउँछौँ – मुख्यमन्त्री भट्ट

३० फागुन, डोटी । सुदूरपश्चिम प्रदेशका मुख्यमन्त्री त्रिलोचन भट्टले कृषिसँगै औद्योगिक क्षेत्रमा लगानी बढाएर यहाँका किसानलाई धनी बनाउने बताएका छन् । प्रदेशभरिमै कृषि तथा औद्योगिक क्षेत्रको पर्याप्त विकास गरेर गरिब जनतालाई धनी बनाउने बताए ।

क्षेत्रीय कृषि सेवा निर्देशनालय दिपायल राजपुरले आज आयोजना गरेको मुख्यमन्त्री कृषि तथा पशुपक्षी विकास कार्यक्रमको उद्घाटन कार्यक्रममा उनले प्रदेशमा ठूला उद्योग तथा कृषि कार्यक्रम सञ्चालन गरी नागरिकलाई प्रत्यक्षरूपमा रोजगारी दिने उद्देश्यले प्रदेश सरकार अगाडि बढिरहेको बताए । उनले भने,, “प्रदेश सरकारले स्थानीय नागरिकलाई प्रत्यक्ष रोजगारी दिने तथा आयस्रोत बढाउने खालका योजना ल्याएको छ, उक्त कार्यक्रमले यहाँका गरिखाने वर्गलाई प्रत्यक्ष सहयोग मिल्ने छ ।”

त्यस्तै कृषिक्रान्तिलाई सफल पार्न सुदूरपश्चिममा औद्योगिक प्रवद्र्धन अत्यावश्यक रहेको बताउँदै मुख्यमन्त्री भट्टले बेरोजगारी तथा कामका लागि भारत जाने समस्या समाधान गर्न कृषि तथा औद्योगिक क्षेत्रको विकास हुनु जरुरी भएको बताए । स्थानीय सरकार, प्रदेश सरकार र निजी क्षेत्रको साझेदारीमा साना जलविद्युत् आयोजना निर्माण गर्ने गरी प्रदेश सरकारले योजना बनाइरहेको उनको भनाइ थियो ।

त्यस्तै सरकारले कृषि क्षेत्रमा लगानी बढाउन थालेकाले जिल्लामा रहेका खाली जमिनको पनि किसानले सदुपयोग गरी उत्पादन बढाउनुपर्ने धारणा राखे । डोटीमा पनि मुख्यमन्त्री कृषि तथा पशुपक्षी कार्यक्रमको शुरुआत भएको क्षेत्रीय कृषि निर्देशनालय दिपायल राजपुरका प्रमुख यज्ञराज जोशीले बताए । उक्त कार्यक्रमअन्तर्गत यहाँका किसानलाई कृषिकार्य तथा पशुपक्षीपालनका लागि ऋण सहयोग मिल्ने भएको छ भने किसानले उत्पादन गरेका वस्तुको बजारीकरणका लागि पनि सरकारले सहयोग गर्ने लक्ष्य लिइएको छ ।

सर्बाधिक पढिएको

कोरोनाको कहर भोगेका इटालियन नागरिकले दिए संसारलाई यस्तो सन्देश

कोरोनाको कहर भोगेका इटालियन नागरिकले दिए संसारलाई यस्तो सन्देश ३ हप्ता पहिले | संसार न्यूज़

संसारभरी फैलिएको कोरोना भाइरसको संक्रमणले  मानव मनमा उब्जाएको त्रास र…

३७०० फौज बिदाइ गर्दै वुहान फेरि रोयो(हेर्नुस् भिडियोसहित)

३७०० फौज बिदाइ गर्दै वुहान फेरि रोयो(हेर्नुस् भिडियोसहित) २ हप्ता पहिले | संसार न्यूज़

१३ चैत्र, काठमाडौँ । वुहान फेरि रोएको छ । वुहान…

कोरोना कहर : एउटी नर्सकी आमाको अपिल

कोरोना कहर : एउटी नर्सकी आमाको अपिल २ हप्ता पहिले | संसार न्यूज़

मैले मेरो मुटु यहाँहरुको सेवामा पठाएको छु । पिपिए विना…

कोरियामा साहुहरुको रुवाबासी

कोरियामा साहुहरुको रुवाबासी ४ हप्ता पहिले | संसार न्यूज़

कोरोनको त्रासले बिना भिषा काम गरिरहेको प्रवासी श्रमिक धेरै स्वदेश…