Sansar News- Nepal's Fast Khabar Online News Portal

कविता: फेरि एउटा गोर्खे शहीद भएको छ

कुशल राई,टिस्टा भेल्ली चियावारी
२ हप्ता पहिले
कविता: फेरि एउटा गोर्खे शहीद भएको छ

जब जब सिमानाहरुमा
बमका ज्वारभाटाहरु बिस्फोट हुन्छ ।
बारूदका धुँवाहरूले बादललाई लपेट्दै
जब आकाशका क्यानभस भरी
रगतका मसीहरूले चित्रहरू कोरिदिन्छ ।
वा
कुनै बुढो लाठी भाच्चिएर भुईभरी
छरपष्ट परेको हुन्छ ।
तब,तब म सम्झन्छु
फेरि एउटा गोर्खे शहीद भएको छ ।

जब,जब चौरस्ता र डम्बर चौकमा
अन्धो सरकारले नदेख्ने न्यायका
पोस्टरहरु
ठुला,ठुला हरफहरुमा टाँसिएका हुन्छ ।
वा
आकाश गर्जमान हुने न्यायका जुलूसहरुले
सुती रहेको सरकारको कानलाई
थर्कमान गर्न नसकेका हुन्छ ।
तब,तब म सम्झन्छु
फेरि एउटा गोर्खे चेलीको सिन्दुर पुछिएको छ ।

जब,जब सड़कहरुमा
निर्दोष लाशहरु लम्पसार लड़ीरहेको हुन्छ ।
आफ्नै माटोमा आफ्नै सन्तानका
आलो रगतका
फाल्साहरु नदी बनेर बगी रहेको हुन्छ
वा
फेरि एउटी आमाको कोख बाँझो भएको हुन्छ ।
तब,तब म सम्झन्छु
फेरि एउटा दोषी बुलेटले
निर्दोष गोर्खे छाती चिरेको छ ।

जब,जब चियापत्ती र कुईलेनका
मुहारहरु उदाश हुन्छ ।
हाम्रा पल्लो घरे
मालती दीदीका सिउँदो फीका हुन्छ ।
वा
दिनरात छोराकै सपना देख्ने आमाका प्यासी नयनहरु
अन्धो भएको हुन्छ ।
तब,तब म सम्झन्छु
फेरि एउटा गोर्खे शहीद भएको छ ।।।

सर्बाधिक पढिएको

प्रधान सेनापति छात्रवृत्ति सम्बन्धी सूचना

प्रधान सेनापति छात्रवृत्ति सम्बन्धी सूचना ३ हप्ता पहिले | संसार न्यूज़

२४ फागुन, काठमाण्डौं । नेपाली सेनाको कल्याणकारी योजना निर्देशनालय वलाध्यक्ष…

कोरोनाको कहर भोगेका इटालियन नागरिकले दिए संसारलाई यस्तो सन्देश

कोरोनाको कहर भोगेका इटालियन नागरिकले दिए संसारलाई यस्तो सन्देश २ हप्ता पहिले | संसार न्यूज़

संसारभरी फैलिएको कोरोना भाइरसको संक्रमणले  मानव मनमा उब्जाएको त्रास र…

३७०० फौज बिदाइ गर्दै वुहान फेरि रोयो(हेर्नुस् भिडियोसहित)

३७०० फौज बिदाइ गर्दै वुहान फेरि रोयो(हेर्नुस् भिडियोसहित) ५ दिन पहिले | संसार न्यूज़

१३ चैत्र, काठमाडौँ । वुहान फेरि रोएको छ । वुहान…

कोरोना कहर : एउटी नर्सकी आमाको अपिल

कोरोना कहर : एउटी नर्सकी आमाको अपिल ६ दिन पहिले | संसार न्यूज़

मैले मेरो मुटु यहाँहरुको सेवामा पठाएको छु । पिपिए विना…