२ चैत, काठमाडौं । प्रधानमन्त्री केपी शर्मा ओलीको पेटबाट स्टेन्ट निकालिएको छ। गत बुधबार दोस्रो पटक मिर्गौला प्रत्यारोपण गरेका प्रधानमन्त्री ओली फलोअपका लागि आइतबार बिहान त्रिवि शिक्षण अस्पताल पुगेका थिए।
अस्पतालका मिर्गौला प्रत्यारोपण सर्जन प्राध्यापक डा उत्तमकुमार शर्माले प्रधानमन्त्री ओलीको पेटमा राखिएको स्टेन्ट आज झिकिएको जानकारी दिए। ओलीका प्यारामिटरहरू पनि सामान्य रहेपनि तर धेरै लामो धपेडी गर्न नहुने चिकित्सकहरुले बताउँदै आएका छन् । सुझावलाई वेवास्था गर्दै प्रधानमन्त्रीले भेटघाट र मिटिङलाई निरन्तरता दिएको भन्दै डाक्टरहरुले संक्रमणको जोखिम रहेकोले धेरै आराम गर्न सुझाव दिएका छन् ।
अहिले केहीबेरमा ओली भारतीय प्रधानमन्त्रीले प्रस्ताव गरेको सार्क सदस्य राष्ट्रका नेताहरूबीच हुन लागेको भिडिओ कन्फरेन्समा सहभागी हुँदैछन् ।
वि.सं.२०७६ चैत २ आइतवार १६:०० मा प्रकाशित