Sansar News- Nepal's Fast Khabar Online News Portal

जीबन वीमा गर्नेहरुको संख्यामा उल्लेख्य बृद्धि

संसार न्यूज़
२ हप्ता पहिले
जीबन वीमा गर्नेहरुको संख्यामा उल्लेख्य बृद्धि

२ चैत्र, काठमाडौं । पछिल्ला वर्षहरुमा जीवन वीमा गर्नेहरुको संख्यामा उल्लेख्य बृद्धि भएको छ । चालु आ.ब.को माघ मसान्तसम्मको तथ्याङ्क अनुसार बैदेशिक रोजगार बाहेक कूल जनसंख्याको २२.१२ प्रतिशत जनसंख्या बीमाको दायरामा आएको छ । त्यस्तै बैदेशिक रोजगारिमा जाने सहित बीमा गर्ने जनसंख्या २६.९६ प्रतिशत रहेको छ ।

चालु आब २०७६÷७७ को माघ मसान्त सम्ममा कूल प्रिमियम संकलन ४५.९४ प्रतिशतले बढेको छ । यो दर गत आब २०७५/७६ को सोहि अबधिमा २८.७८ प्रतिशत थियो । यसरी हेर्दा विमा तर्फ मानिसको आकर्षण ह्वात्तै बढेको देखिएको छ ।

वीमा कम्पनीहरुले आब २०७४/७५ को माघ महिना सम्ममा ३६ अर्ब ९३ करोड रुपैंयाँ बराबरको प्रिमियम संकलन गरेकोमा आब २०७५/७६ को सोहि अबधिमा ४७ अर्ब ५६ करोड बराबरको प्रिमियम संकलन गरेका थिए । यो प्रिमियम रकम २८.७८ प्रतिशत हुन आउँछ ।

‘वीमा कम्पनीहरुले ७४ लाख ७८ हजार ८ सय ८४ जनाको बीमा गरेको छन । यो कूल जनसंख्याको २२.१२ प्रतिशत हो ।’

त्यस्तै चालु आबको माघ मसान्तसम्ममा बीमा कम्पनीहरुले ६९ अर्ब ४१ करोड रुपैयाँ प्रिमियम संकलन गरेका छन । यो रकम अघिल्लो आबको सोहि अबधिको तुलनामा ४५.९४ प्रतिशत हुन आउँछ ।

हाल नेपालमा १९ वटा जीवन वीमा कम्पनीहरु संचालनमा रहेका छन । ती वीमा कम्पनीहरुले ७४ लाख ७८ हजार ८ सय ८४ जनाको बीमा गरेको छन । यो कूल जनसंख्याको २२.१२ प्रतिशत हो ।

बीमा क्षेत्रको एकिकृत पूँजी कोषमा पनि बृद्धि भएको छ । गत आ.ब. २०७५/७६ माघ मसान्तसम्ममा ३८ अर्ब ७७ करोड एकिकृत पूँजीकोष रहेकोमा चालु आबको सोहि अबधिमा बढेर ४८ अर्ब ५४ करोड पुगेको छ । यो अघिल्लो आबको तुलनामा २५.२० प्रतिशत हो ।

बिज्ञहरुका अनुसार नेपालमा बीमा गर्नेहरुको संख्यामा उल्लेख्य बृद्धि भएको छ । बीम गर्नुपर्छ भन्ने धारणा र जनचेतनाका कारण यस्तो भएको उनीहरुको भनाई रहेको छ ।

यो पनि हेर्नुहोस

सात महिनामा जीबन बीमाकम्पनीहरुको मात्र ५४ अर्बको ब्यापार

सर्बाधिक पढिएको

प्रधान सेनापति छात्रवृत्ति सम्बन्धी सूचना

प्रधान सेनापति छात्रवृत्ति सम्बन्धी सूचना ३ हप्ता पहिले | संसार न्यूज़

२४ फागुन, काठमाण्डौं । नेपाली सेनाको कल्याणकारी योजना निर्देशनालय वलाध्यक्ष…

कोरोनाको कहर भोगेका इटालियन नागरिकले दिए संसारलाई यस्तो सन्देश

कोरोनाको कहर भोगेका इटालियन नागरिकले दिए संसारलाई यस्तो सन्देश २ हप्ता पहिले | संसार न्यूज़

संसारभरी फैलिएको कोरोना भाइरसको संक्रमणले  मानव मनमा उब्जाएको त्रास र…

३७०० फौज बिदाइ गर्दै वुहान फेरि रोयो(हेर्नुस् भिडियोसहित)

३७०० फौज बिदाइ गर्दै वुहान फेरि रोयो(हेर्नुस् भिडियोसहित) ५ दिन पहिले | संसार न्यूज़

१३ चैत्र, काठमाडौँ । वुहान फेरि रोएको छ । वुहान…

कोरोना कहर : एउटी नर्सकी आमाको अपिल

कोरोना कहर : एउटी नर्सकी आमाको अपिल ६ दिन पहिले | संसार न्यूज़

मैले मेरो मुटु यहाँहरुको सेवामा पठाएको छु । पिपिए विना…