Sansar News- Nepal's Fast Khabar Online News Portal

असीनाका कारण ज्यान गुमाएका परिवारलाई राहत दिइने

संसार न्यूज़
४ महिना पहिले
असीनाका कारण ज्यान गुमाएका परिवारलाई राहत दिइने

५ चैत, रुपन्देही । गत फागुन ३० र चैत १ गते अविरल वर्षासँगै परेको असिनाका कारण ज्यान गुमाएका परिवारलाई प्रदेश ५ सरकारले राहत दिने भएको छ ।

मंगलबार बसेको मन्त्रिपरिषद् बैठकले असिनाका कारण प्रदेशका १२ वटै जिल्लामा भएको क्षतिको यकिन विवरण सङ्कलन गरी राहत प्रदान गर्ने निर्णय भएको सरकारका प्रवक्ता भौतिक पूर्वाधार विकासमन्त्री बैजनाथ चौधरीले जानकारी दिए । कृषि ज्ञान केन्द्र र स्थानीय तहमार्फत सम्बन्धित वडाको प्रभावित क्षेत्रको जनधनको क्षतिको विवरण माग गरिएको उनीले बताए ।कृषि उत्पादनमा भएको क्षतिको यकिनका लागि प्रदेशका सबै प्रजिअको नेतृत्वमा समिति गठन गरी अनुगमन गरी तत्काल विवरण ल्याउन निर्देशन जारी गरिएको प्रवक्ता चौधरीले पत्रकार सम्मेलनमा जानकारी गराए ।

अर्घाखाँचीको शीतगङ्गा नगरपालिकामा असिनाका कारण १० वर्षीय बालकको ज्यान गएको थियो भने अर्घाखाँचीको भूमिकास्थानमा शनिबार राति परेको भीषण वर्षापछि आएको खोलाले बगाएर एकजनाको मृत्यु भएको थियो ।मन्त्रिपरिषद बैठकले प्रदेश ५ को सञ्चार परिषद् गठन तथा सञ्चालन गर्ने व्यवस्था गर्न बन्ने विधेयक तर्जुमा सम्बन्धमा तयार गरिएको अवधारणापत्रलाई स्वीकृत गरेको छ ।

सङ्घ र प्रदेशको साझा अधिकारको सूचीमा रहेको सो व्यवस्थाअनुसार सञ्चारमाध्यमको दर्ता अनुमति, आचारसंहिता निर्धारण र अनुगमन, अभिलेखाङ्कन, वर्गीकरण, सञ्चालन र नियमन गर्नका लागि सो प्रस्तावलाई स्वीकृत गरिएको सरकारका प्रवक्ता चौधरीले जानकारी गराए ।

सरकारले दाङको लमहीमा अस्थायी ऊर्जा कार्यालय स्थापना गरी प्रदेशका सबै जिल्लालाई हेर्ने गरी कार्य सञ्चालन गर्न स्वीकृति प्रदान गरेको हो । बैठकले प्रदेश ५, सहकारी नियमावली, २०७६ लाई स्वीकृत गर्दै भूमि व्यवस्थापन गर्ने सम्बन्धमा व्यवस्था गर्न बन्ने विधेयकको अवधारणापत्रलाई समेत सैद्धान्तिक स्वीकृति दिएको छ । यसैगरी जीवनाशक विषादी व्यवस्थापन गर्ने सम्बन्धमा व्यवस्था गर्न बन्ने विधेयकको अवधारणापत्रलाई समेत सरकारले स्वीकृति प्रदान गरेको प्रवक्ता चौधरीले जानकारी दिए । (रासस)

सर्बाधिक पढिएको

हाँसीखुसी विवाह मण्डपबाट विदा गरेकी छोरीले जब दुलाहाको घर नपुग्दै आत्महत्याको बाटो रोजिन्

हाँसीखुसी विवाह मण्डपबाट विदा गरेकी छोरीले जब दुलाहाको घर नपुग्दै आत्महत्याको बाटो रोजिन् ४ हप्ता पहिले | संसार न्यूज़

२ असार, काठमाण्डौं । हाँसी खुसी विवाहको मण्डपबाट विदा भएकी…

आज १४६२ जनाले कोरोनालाई जितेर घर फर्किए, निको हुनेको संख्या ४६५६ पुग्यो

आज १४६२ जनाले कोरोनालाई जितेर घर फर्किए, निको हुनेको संख्या ४६५६ पुग्यो २ हप्ता पहिले | संसार न्यूज़

१७ असार, काठमाण्डौं । नेपालमा पछिल्लो २४ घण्टामा १,४६२ जना…

वलिउड  नायक सुशान्तले आत्महत्या गरेसँगै अभिनेत्री वर्षाले गरिन् आफ्नो बारे यस्तो खुलासा

वलिउड नायक सुशान्तले आत्महत्या गरेसँगै अभिनेत्री वर्षाले गरिन् आफ्नो बारे यस्तो खुलासा ४ हप्ता पहिले | संसार न्यूज़

वलिउडका अभिनेता सुशान्त सिंह राजपुतले आत्महत्या गरेसँगै सामाजिक सन्जालहरुमा दुईथरी…

आज पनि ८२३ जना कोरोना संक्रमणबाट निको भएर घर फर्किए, हेर्नुहोस् कुन प्रदेशमा कति निको भए त ?

आज पनि ८२३ जना कोरोना संक्रमणबाट निको भएर घर फर्किए, हेर्नुहोस् कुन प्रदेशमा कति निको भए त ? १ हप्ता पहिले | संसार न्यूज़

१९ असार, काठमाण्डौं । नेपालमा कोरोना संक्रमणबाट ८२३ जना मुक्त…