Sansar News- Nepal's Fast Khabar Online News Portal

प्रदेश सरकारलाई पर्याप्त अधिकार नभएको मन्त्री भण्डारीको गुनासो

संसार न्यूज़
२ हप्ता पहिले
प्रदेश सरकारलाई पर्याप्त अधिकार नभएको मन्त्री भण्डारीको गुनासो

५ चैत, काठमाडौँ । कर्णाली प्रदेशका आन्तरिक मामिला तथा कानूनमन्त्री नरेश भण्डारीले प्रदेश सरकारलाई पर्याप्त अधिकार प्रदान नगर्दा सङ्घीयताको भावनानुरुप काम गर्न नसकेको बताएका छन् ।

संवाद डबलीले गरेको साक्षात्कार कार्यक्रममा मंगलबार उनीले सङ्घीय सरकारले प्रदेश सरकार र स्थानीय तहको अधिकार क्षेत्रमाथि हस्पक्षेप गर्न नहुने बताए । उनीले प्रदेश सरकारबाट विभिन्न ऐन कानूनहरू बन्ने क्रम जारी रहेको बताउँदै कानूनलाई नागरिक मैत्री तवरले निर्माण गरिएको बताए । उनीले सङ्घ, प्रदेश र स्थानीय तहबीचमा तालमेल हुन नसके नागरिकले सङ्घीयताको अनुभव गर्न नसक्ने भन्दै प्रदेश र स्थानीय तह कमजोर भए सङ्घीयता सङ्कटमा पर्न सक्ने जिकिर गरे ।

उनीले कर्णाली प्रदेश अथाह सम्भावना बोकेको प्रदेश भएको बताउँदै यो प्रदेशलाई सात प्रदेशमध्येको उत्कृष्ट प्रदेशका रूपमा विकास गर्ने गरी सरकारले काम अघि बढाएको बताए । “कर्णालीमा पर्यटनको प्रचुर सम्भावना छ”, उनीले भने, “खानी, पानी र जडीबुटीबाट समृद्ध प्रदेश बनाउने सङ्कल्पका साथ अघि बढेका छौँ ।”

उनीले कर्णाली प्रदेशका पर्यटकीय क्षेत्रमा लगानीकर्ताको आकर्षण बढे पनि सडकलगायत पूर्वाधारको अभावले समस्या सिर्जना भएको बताए । “सडकलगायत विभिन्न पूर्वाधारका लागि डिपिआरको काम अघि बढाइसकिएको छ”, उनीले भने, “पूर्वाधार विना विकास र समृद्धिको लक्ष्य भेटाउन सकिँदैन, त्यसैले पूर्वाधार निर्माणमा बढी केन्द्रित बन्दैछौँ ।”उनीले कर्णाली प्रदेशलाई कर्मचारीले सकसका रूपमा लिने गरे पनि कर्मचारीलाई काम गर्नमा समस्या नरहेको बताए । (रासस)

सर्बाधिक पढिएको

प्रधान सेनापति छात्रवृत्ति सम्बन्धी सूचना

प्रधान सेनापति छात्रवृत्ति सम्बन्धी सूचना ३ हप्ता पहिले | संसार न्यूज़

२४ फागुन, काठमाण्डौं । नेपाली सेनाको कल्याणकारी योजना निर्देशनालय वलाध्यक्ष…

कोरोनाको कहर भोगेका इटालियन नागरिकले दिए संसारलाई यस्तो सन्देश

कोरोनाको कहर भोगेका इटालियन नागरिकले दिए संसारलाई यस्तो सन्देश २ हप्ता पहिले | संसार न्यूज़

संसारभरी फैलिएको कोरोना भाइरसको संक्रमणले  मानव मनमा उब्जाएको त्रास र…

३७०० फौज बिदाइ गर्दै वुहान फेरि रोयो(हेर्नुस् भिडियोसहित)

३७०० फौज बिदाइ गर्दै वुहान फेरि रोयो(हेर्नुस् भिडियोसहित) ४ दिन पहिले | संसार न्यूज़

१३ चैत्र, काठमाडौँ । वुहान फेरि रोएको छ । वुहान…

कोरोना कहर : एउटी नर्सकी आमाको अपिल

कोरोना कहर : एउटी नर्सकी आमाको अपिल ५ दिन पहिले | संसार न्यूज़

मैले मेरो मुटु यहाँहरुको सेवामा पठाएको छु । पिपिए विना…