Sansar News- Nepal's Fast Khabar Online News Portal

कविता: आइ मिस्ड यु रोल्पा

टि. एन. भट्ट 'विश्वामित्र'-हाल भक्तपुर
१ हप्ता पहिले
कविता: आइ मिस्ड यु रोल्पा

तिमीले उपहार
रगत दिएपछि,
बाँचेको हो
पिजडाको सुगा
र उडेको हो आकासमा
मनाउदै उधारो स्वतन्त्रता दिवस !
तिम्रो रगत र स्वतन्त्रताको साइनो
कसम आजको हैन,
र त चराहरू स्वतन्त्र भए
पिन्जडाहरू कैद भए ।

तिमी बिँउझे पछि
निदाएको हो सडकको साँढे
तिमीले उठाए पछि
स्वभिमानको खुँडा
घुडा टेकेको हो
जर्सापको घोडा
र हल्लिएको हो
सिंहदरवारको तवेला
अनि ढलेको हो
आदिम चट्टाने पर्खाल ।

तिमीले बोकेपछि,
आरनको बन्दुक
डरले काँपेका हुन्
आयातित मेसिनगनहरू,
तिमीले थापे पछि
वीरताको छाती
जन्मेका हुन् कार्लमाक्स्
गाएपछि सगरमाथाले
शान्तिको गित
गरिएको हो न्वरान बुद्ध र गान्धिको
गाइएको हो इन्कलाबको मधुर गित
र ढलेको हो दासत्वको पर्खाल !
र त तिमी दासबाट मालिक बन्यौ
अनि मालिकहरू सालिक बने ।

बगे पछि रगतको भेरी,
पुछिए पछि सिउँदो,
रोएपछि निर्दोस चुराहरु
उदाएको हो रक्तिम सूर्य
त्यसपछि
पैचो लिएर तिम्रा पखेटाहरू
उडेका हुन एकहुल चराहरू
सुदूर पूर्व,
र बास बसेका हुन्
सिंहदरवारको बुढो रुखमाथि
त्यसपछि,
दोहोरिएको हो इतिहास ।

चराहरूले बिर्सिएका हुन्
चराहरुको गित
चराहरुको आवाज
चराहरूको भाषा,
चराहरूको पहिचान,
माटो र सेउलाले बनाएका
कलात्मक गुँडहरू
अनि अरूले जस्तै लेखेका हुन्
फेसबुकको वालमा प्रेम पत्र
‘आइ मिस्ड यू रोल्पा’ ।

सर्बाधिक पढिएको

प्रधान सेनापति छात्रवृत्ति सम्बन्धी सूचना

प्रधान सेनापति छात्रवृत्ति सम्बन्धी सूचना ३ हप्ता पहिले | संसार न्यूज़

२४ फागुन, काठमाण्डौं । नेपाली सेनाको कल्याणकारी योजना निर्देशनालय वलाध्यक्ष…

कोरोनाको कहर भोगेका इटालियन नागरिकले दिए संसारलाई यस्तो सन्देश

कोरोनाको कहर भोगेका इटालियन नागरिकले दिए संसारलाई यस्तो सन्देश २ हप्ता पहिले | संसार न्यूज़

संसारभरी फैलिएको कोरोना भाइरसको संक्रमणले  मानव मनमा उब्जाएको त्रास र…

३७०० फौज बिदाइ गर्दै वुहान फेरि रोयो(हेर्नुस् भिडियोसहित)

३७०० फौज बिदाइ गर्दै वुहान फेरि रोयो(हेर्नुस् भिडियोसहित) ५ दिन पहिले | संसार न्यूज़

१३ चैत्र, काठमाडौँ । वुहान फेरि रोएको छ । वुहान…

कोरोना कहर : एउटी नर्सकी आमाको अपिल

कोरोना कहर : एउटी नर्सकी आमाको अपिल ६ दिन पहिले | संसार न्यूज़

मैले मेरो मुटु यहाँहरुको सेवामा पठाएको छु । पिपिए विना…