१० चैत, काठमाण्डौं । शिक्षक सेवा आयोगले आफैले प्रकाशित गरेको नतिजा परिवर्तन भएको सूचना संप्रेषण गरेको छ ।
नेपाल सरकार शिक्षक सेवा आयोग, सानोठिमी भत्तफुरले ‘बढुवा पुनरावलोकन सम्बन्धी सूचना जारी गर्दै नतिजा सच्चिएको जनाएको हो ।
शिक्षक सेवा आयोग नियमावली २०५७ को नियम ३४ बमोजिम पुनरावलोकन गर्दा कतिपय विज्ञापनको नतिजा यथावत रहेको र कतिपय परिवर्तन भएको जनाएको हो ।
नतिजा परविर्तन भएकामा रसुवा जिल्लाको विज्ञापन १\०७४\७५ को प्राथमिक शिक्षा, द्दितीय श्रेणी, पदसंख्या ५, अर्घाखाँची जिल्लाको पदसंख्या ३ र गोर्खाको पदसंख्या १५ मा नतिजा फरक हुन आएको जनाइएको छ भने उदयपुर, सिन्धुली, पर्वत, नुवाकोट र म्याग्दी लगायतको पुनरावलोकनमा नतिजा यथावत रहेको बताइएको छ ।
हेर्नुहोस् यस्तो छ सूचना
वि.सं.२०७६ चैत १० सोमवार १४:२७ मा प्रकाशित
