१० चैत, बेलायत । बेलायतमा रहेका एक नेपालीको उपचारका क्रममा मृत्यु भएको छ ।
चितवनको भरतपुर बसेनी निवासी ४० वर्षीय प्रशान्त अर्यालको आइतबार राति क्विन एलिजावेथ हस्पिटलमा उपचारका क्रममा मृत्यु भएको बताइएको छ । उनमा ब्लडप्रेसर हाइको समस्या रहेको बताइएको छ ।
बेलायतको साउथ ईस्ट पलमस्टेट बसोवास गर्दै आएका अर्यालको असामयिक मृत्युले मर्माहत भएको भन्दै नेपाली समाज नटिङ्गम युकेका संस्थापक अध्यक्ष रणबहादुर केसीले दुःख व्यक्त गरेका छन् ।
अर्यालको असामयिक मृत्युको खबरले अत्यन्त दुखी र मर्माहत भएको बताउँदै केसीले शोकसन्तप्त परिवारमा समवेदना व्यक्त गरेका छन् ।
स्मरण रहोस् तीनदिन अगाडि मात्र बेलायतमा कोरोनाको संक्रमणका कारण ६५ वर्षीय पुर्वगोर्खा सैनिक लीला बहादुर राईको मृत्यु भएको थियो ।
वि.सं.२०७६ चैत १० सोमवार १९:५० मा प्रकाशित
