Sansar News- Nepal's Fast Khabar Online News Portal

विदेशबाट फर्किएकाको खोजी गर्दै पर्वतको लंखु वडा

संसार न्यूज़
२ हप्ता पहिले
विदेशबाट फर्किएकाको खोजी गर्दै पर्वतको लंखु वडा

११ चैत्र, पर्वत । पर्वतको महाशिला गाउँपालिका वडा नं ५ लुंखुदेउरालीले बिदेशबाट गाउँमा आएका स्थायी अस्थायी बासिन्दाहरु खोज्ने अभियान शुरु गरेको छ ।

बिश्वब्यापी महामारीको रुपमा फैलिएको कोरोना भाइरसको संक्रमण रोक्नका लागि बिदेशबाट फर्केकाहरुको खोजी गरिएको वडा अध्यक्ष जीवन उचै ठकुरीले बताए ।

बिदेशबाट फर्केर गाउँमा आएकाहरु खास गरी भारत लगायतका कोरोना प्रभावित देशबाट आएकाहरुको खोजी गरी उनीहरुलाई क्वारेन्टाईनमा बस्न आग्रह गरिएकोे जानकारी उनले दिए ।

उनका अनुसार चैत्रमहिनामा कतारबाट फर्केका २ जना र भारतबाट फर्केका ५ जनाको नामसमेत सार्वजनिक गरि घरमै क्वारेन्टाईनमा बस्न आग्रह गरिएको छ । यसरी नाम सार्वजनिक गर्दा उनीहरुबाट क्वारेन्टाइनको पालना हुने उनको बुझाइ छ ।

‘विदेशबाट फर्किएकाहरु गाउँमा आएपछि धेरै बाहिर हिड्डुल गर्ने, यसले यदि उहाँहरुमध्ये कोही संक्रमित हुनुभएको रहेछ भने गाउँमा फैलन सक्ने हुँदा नामै सार्वजनिक गरिएको हो’ उनले भने। घरमा क्वारेन्टाइनमा बस्न नमानेको अवस्थामा गाउँमा क्वारेन्टाइन बनाएर राख्ने योजना समेत वडाले बनाएको उनले बताए ।

‘बिदेशबाट फर्केका सबै मानिसमा कोरोनाको संक्रमण नभएको हुन पनि सक्छ, १४ दिन घरमै क्वारेन्टाइनमा बस्दा संक्रमण भएपनि फैलन नदिन सहयोग पुग्ने उनको भनाइ छ ।

वडाले आजै देखि कोरोना सम्बन्धि सचेतना कार्यक्रम अभियानको रुपमा सञ्चालन गरेको जानकारी दिँदै उनले अभियानलाई नागरिकले समेत सकरात्मक रुपमा लिएको र साथ दिएको समेत बताए ।

सर्बाधिक पढिएको

कोरोनाको कहर भोगेका इटालियन नागरिकले दिए संसारलाई यस्तो सन्देश

कोरोनाको कहर भोगेका इटालियन नागरिकले दिए संसारलाई यस्तो सन्देश ३ हप्ता पहिले | संसार न्यूज़

संसारभरी फैलिएको कोरोना भाइरसको संक्रमणले  मानव मनमा उब्जाएको त्रास र…

३७०० फौज बिदाइ गर्दै वुहान फेरि रोयो(हेर्नुस् भिडियोसहित)

३७०० फौज बिदाइ गर्दै वुहान फेरि रोयो(हेर्नुस् भिडियोसहित) २ हप्ता पहिले | संसार न्यूज़

१३ चैत्र, काठमाडौँ । वुहान फेरि रोएको छ । वुहान…

अमेरिकामा कोरोनाको कहरः के भन्छन् त अमेरिकाका नेपाली अगुवाहरु ?

अमेरिकामा कोरोनाको कहरः के भन्छन् त अमेरिकाका नेपाली अगुवाहरु ? १ दिन पहिले | संसार न्यूज़

२६ चैत, अमेरिका । डिसेम्बरको अन्तिम सातातिर चीनको वुहान प्रान्तबाट…

कोरोना कहर : एउटी नर्सकी आमाको अपिल

कोरोना कहर : एउटी नर्सकी आमाको अपिल २ हप्ता पहिले | संसार न्यूज़

मैले मेरो मुटु यहाँहरुको सेवामा पठाएको छु । पिपिए विना…