Sansar News- Nepal's Fast Khabar Online News Portal

कोरोना कहर : चीनको नान्जिङबाट एक नेपालीको आग्रह

संसार न्यूज़
२ हप्ता पहिले
कोरोना कहर : चीनको नान्जिङबाट एक नेपालीको आग्रह

नेपाल सरकारले गरेको लकडाउन एक्दमै सराहनीय छ । यो निर्णयले पक्कै पनि गुजारा गर्न दैनिक काम गर्नुपर्ने परिवारलाई असर पर्छ । यस्तो समयमा सबैले एकअर्कालाई सहयोग गरेर अघि बढ्नु पर्छ । सरकार तथा विश्व स्वास्थ्य संगठनको सुझावलाई आत्मसाथ गदै तथा लकडाउनको समयमा घरमै बस्नाले आफूमात्र नभई परिवार र समाजलाई सङ्क्रमण हुनबाट जोगाउन सकिन्छ ।

नान्जिङ शहर चीनको दक्षिण पूर्वी क्षेत्रमा अवस्थित छ । म यो शहरमा बस्दै आएको साढे ३ बर्ष भयो । यो अवधिमा कुनै पनि खालको समस्या
झेल्नुपरेन, तर सन् २०२० भने फरक रह्यो । हो, कोरोना भाइरस जसलाई कोभिड १९ को नामले पनि चिनिन्छ यो भाइरस हुर्बेइ प्रान्तको
वुहान शहरमा डिसेम्बर महिनामा पहिलोपटक देखापरेको थियो । सामान्य व्यक्तिमा देखिन करीब दुई हप्ता लाग्ने यो भाइरस प्रतिरक्षा प्रणाली राम्रो भएका व्यक्तिमा लक्षण नै नदेखिने वा ढिला लक्षण देखिन सक्छ । उच्च ज्वरो, स्वासप्रस्वासमा कठिनाइ, खोकी थकान यो भाइरसको लक्षणहरु हुन् । जनवरी ११ मा कोरोनाको कारण वुहानमा पहिलो व्यक्तिको मृत्यु भयो । त्यसपछि दिनानुदिन मृत्यु हुनेको संख्या वद्धि हुन थालेपछि जनवरी २३ का दिन वुहान शहरलाई लकडाउन गरियो । सो समयमा चिनीया नयाँबर्ष पनि परेको र देशभर यात्रा गर्ने मान्छेको संख्या वृद्धि हुने कारणले लकडाउन एकदमै राम्रो निर्णय थियो । तर पनि वुहानमा मात्र नभई चीनको विभिन्न शहरहरु तथा अन्य देशहरुमा समेत कोरोना संक्रमित भेटिन थाले ।

चीन सरकार र चियाङसु प्रान्त सरकारको निर्णय हुनुपर्छ, त्यसको केही समय पछि हामीलाई पनि युनिभर्सिटीले बाहिर जान प्रतिबन्ध लगायो ।
हरेक ५–६ दिनमा नाम रजिष्टार गरेर मात्र सामान किन्न बाहिर जान पाइने भयो । हामीलाई घर फर्किन भने कुनै रोकावट थिएन । केही साथीहरू घर फकिए तर म भने घर र्फकँदा अरुमा कोरोना संक्रमण हुनसक्छ भन्ने डरले नफर्कने निर्णय गरेँ । लगभग साढे २ महिना भयो म र अरु दई जना साथी कोठामै बसेको । यो समयावधिमा हामी मात्र ६–७ पटक बाहिर गयौं । कहिलेकाहिँ हल्का रुघाखोकी लाग्दा पनि डर लाग्थ्यो । कोठामै बसेका कारण कोरोना संक्रमण हुने सम्भावना एक्दमै न्यून छ, तर बाहिर निस्कँदा डर भने पक्कै लाग्छ । अरु प्रान्तको तुलनामा हामी बसेको प्रान्त र शहरमा सङ्क्रमित र मृत्यु हुनेको संख्या धेरै कम छ । चीनमा ३२७७ ले ज्यान गुमाए ७३१५९ जना निको भैसकेका छन् ।

सरकारको अनुरोधलाई पालना गर्दै सर्बै व्यक्ति घरमै बसेका कारण अहिले नयाँ बिरामी देखापरेका छैनन् । स्थिति पूर्ण रूपमा सामान्य नभएता पनि यो सामान्य अवस्थामा फर्कंदै छ । मानिसहरुको चहलपहल बढेतापनि हामीलाई अझैसम्म दैनिक बाहिर जान भने खुल्ला छैन । जुन एक्दमै राम्रो हो । नयाँ बिरामीहरु अझै निको हुनेक्रममा रहेकोले घरमा बस्नु नै उपयुक्त हुन्छ । जसरी चीनले धेरै हदसम्म कोरोनाको जोखिम कम गर्न सफल भयो तर धेरै युरोपेली देशहरूमा भने मान्छे मर्ने क्रम रोकिएको छैन । इटलीमा मात्र ६००० बढिले ज्यान गुमाइसकेका छन् ।

अहिले नेपाल सरकारले लगाएको लकडाउनमा धेरै मान्छेहरुले हेलचक्राइ गरेको देखिन्छ, जुन एक्दमै गलत छ । कोरोना लाग्दैमा मान्छे मर्छ भन्ने छैन तर रोग लागेर उपचार गराउनु भन्दा रोगै लाग्न नदिनु बुद्धिमानी भन्ने भनाई आत्मसाथ गर्ने बेला आएको छ ।

नेपाल सरकारले गरेको लकडाउन एक्दमै सराहनीय छ । यो निर्णयले पक्कै पनि गुजारा गर्न दैनिक काम गर्नुपर्ने परिवारलाई असर पर्छ । यस्तो समयमा सबैले एकअर्कालाई सहयोग गरेर अघि बढ्नु पर्छ । सरकार तथा विश्व स्वास्थ्य संगठनको सुझावलाई आत्मसाथ गदै तथा लकडाउनको समयमा घरमै बस्नाले आफूमात्र नभई परिवार र समाजलाई सङ्क्रमण हुनबाट जोगाउन सकिन्छ । कृपया अति आवश्यक नपरेसम्म घरबाट बाहिर ननिस्की एक जिम्मेवार नागरिकको परिचय दिनुहोस् ।

(लेखक नेपाल नान्जिङ युनिभर्सिटी अफ एरोनोन्टक्स एण्ड एस्ट्रोनोटिक्स स्नातक चौंथो वर्षका विद्यार्थी हुन् । )

सर्बाधिक पढिएको

कोरोनाको कहर भोगेका इटालियन नागरिकले दिए संसारलाई यस्तो सन्देश

कोरोनाको कहर भोगेका इटालियन नागरिकले दिए संसारलाई यस्तो सन्देश ३ हप्ता पहिले | संसार न्यूज़

संसारभरी फैलिएको कोरोना भाइरसको संक्रमणले  मानव मनमा उब्जाएको त्रास र…

३७०० फौज बिदाइ गर्दै वुहान फेरि रोयो(हेर्नुस् भिडियोसहित)

३७०० फौज बिदाइ गर्दै वुहान फेरि रोयो(हेर्नुस् भिडियोसहित) २ हप्ता पहिले | संसार न्यूज़

१३ चैत्र, काठमाडौँ । वुहान फेरि रोएको छ । वुहान…

कोरोना कहर : एउटी नर्सकी आमाको अपिल

कोरोना कहर : एउटी नर्सकी आमाको अपिल २ हप्ता पहिले | संसार न्यूज़

मैले मेरो मुटु यहाँहरुको सेवामा पठाएको छु । पिपिए विना…

कोरियामा साहुहरुको रुवाबासी

कोरियामा साहुहरुको रुवाबासी ४ हप्ता पहिले | संसार न्यूज़

कोरोनको त्रासले बिना भिषा काम गरिरहेको प्रवासी श्रमिक धेरै स्वदेश…