Sansar News- Nepal's Fast Khabar Online News Portal

कोरोनाको कहरः मातृभूमिलाई सहयोग गर्न जुटे कोरियाका नेपाली, छिट्टै आवस्यक उपकरण पठाइने

संसार न्यूज़
५ दिन पहिले
कोरोनाको कहरः मातृभूमिलाई सहयोग गर्न जुटे कोरियाका नेपाली, छिट्टै आवस्यक उपकरण पठाइने

१२ चैत,सौल, दक्षिण कोरिया । चीनको वुहानबाट शुरु भएको कोरोना भाइरसले विश्वनै आक्रान्त बनाएको छ । बिशेष गरि अर्थब्यबस्था मजबुत भएका मुलुकमा हजारौंको संख्यामा देखिएको कोरोना भाईरसले हाम्रो देश नेपालमा पनि कोरोना संक्रमण पूर्ण रुपमा जोगिन सकेन ।

नेपालमा आजसम्म ३ जनामा कोरोना संक्रमणको पुष्टि भैसकेको छ भने यो क्रम बढ्न सक्ने अनुमान गरिएको छ ।

यसैलाई मध्यनजर गर्दै देश दुखेको बेलामा असल नागारिकको कर्तब्य पुरा गर्न परदेशबाट सरकारलाई सहयोग गर्नको निमित्त एनआरएनए दक्षिण कोरिया लगायत कोरियामा रहेका स्वतन्त्र सामाजिक अभियान्ताहरु संयुक्त अभियानमा एनआरएनए कोरियाका उपाध्यक्ष यदु लामिछानेको संयोजकत्वमा समिति बनाई अभियानको संचालन गरेको छ ।

सहयोग संकलन अभियानका संयोजक यदु लामिछानेले यो दुखद घडीमा सम्पूर्ण कोरियाबासी नेपालीहरुले सहयोग गर्न अनुरोध गर्दै भनेका छन, ‘तपाईहरुले दिनुभएको सहयोगलाई अत्यन्तै पारदर्शी हिसाबले सम्बन्धित निकायमा पुर्याउने प्रतिबद्धता ब्यक्त गर्दछु ।’
दक्षिण कोरियाबासी नेपालीहरुसंग सहयोग संकलन गरि छिटोभन्दा छिटो दक्षिण कोरियाबाट कोरोना नियन्त्रणमा आवश्यक उपकरणहरु पठाउने निर्णय गरिएको छ ।

कोरियाबासी जनसमुदायले राज्यमा परेको बिपत्तिमा सहभागि भई सहयोग गरिदिन हुन समितिले अनुरोध गरेको छ ।
प्रति किट्स २० डलर पर्ने एनआरएनए कोरियाका अध्यक्ष यज्ञराज सुबेदिले जानकारि गराएका छन । सबैतिर सोध खोज र कानुनी परामर्शका साथै कोरियाको किट्सको नेपालमा प्रयोग हुने बारेमा, उक्त किट्सको चेक पनि गरिसकिएको कुरा पनि जानकारी दिएका छन् । साथै किट्स निर्माता कम्पनिसगं आवश्यक परामर्श गरिसकेको र सामान अंडर गर्न मात्र बाकि रहेको कुरा अध्यक्षले जानकारी दिए । कोरियामा रहेको ४० हजार मध्ये २ हजार जनाले मात्र एक किट्सको दरले सहयोग गरेमा पनि नेपालमा हालको समस्यामा केहि राहत हुने देखिने भन्दै सहयोगका लागि अनुरोध गरिएको छ ।

‘कोरियाबासी मानुभाबहरु अत्यन्तै मनकारी भएकोले दिल खोलेर सहयोग गर्ने आसा रहेको अभियानका संयोजक तथा एनआरएनएका उपाध्यक्ष यदु लामिछानेले बताएका छन्।

यी हुन्  समितिका पदाधिकारीहरु
यदु लामिछानेको संयोजकत्वमा गठन गरिएको उक्त समितिमा अभियन्ताहरु सहकोषाध्यक्ष सन्तोष खड्का, महिला संयोजक सुभद्रा पालुङवा, सचिब मनोज गौतम र स्वतन्त्र अभियान्ताहरुमा गुरुदत्त न्यौपाने, मिन बिक, राजु श्री ,डोलिन के सी र अर्जुन बराल रहेका छन् ।

सर्बाधिक पढिएको

प्रधान सेनापति छात्रवृत्ति सम्बन्धी सूचना

प्रधान सेनापति छात्रवृत्ति सम्बन्धी सूचना ३ हप्ता पहिले | संसार न्यूज़

२४ फागुन, काठमाण्डौं । नेपाली सेनाको कल्याणकारी योजना निर्देशनालय वलाध्यक्ष…

कोरोनाको कहर भोगेका इटालियन नागरिकले दिए संसारलाई यस्तो सन्देश

कोरोनाको कहर भोगेका इटालियन नागरिकले दिए संसारलाई यस्तो सन्देश २ हप्ता पहिले | संसार न्यूज़

संसारभरी फैलिएको कोरोना भाइरसको संक्रमणले  मानव मनमा उब्जाएको त्रास र…

३७०० फौज बिदाइ गर्दै वुहान फेरि रोयो(हेर्नुस् भिडियोसहित)

३७०० फौज बिदाइ गर्दै वुहान फेरि रोयो(हेर्नुस् भिडियोसहित) ४ दिन पहिले | संसार न्यूज़

१३ चैत्र, काठमाडौँ । वुहान फेरि रोएको छ । वुहान…

कोरोना कहर : एउटी नर्सकी आमाको अपिल

कोरोना कहर : एउटी नर्सकी आमाको अपिल ५ दिन पहिले | संसार न्यूज़

मैले मेरो मुटु यहाँहरुको सेवामा पठाएको छु । पिपिए विना…