२४ चैत, काठमाडौं । सरकारले ८ दिन लकडाउन थप गरेको छ ।
सोमबार अपराह्नको मन्त्रिपरिषद् बैठकले बैशाख ३ सम्म लकडाउन लम्ब्याउने निर्णय गरेको हो । यसअघि कोरोना रोकथामसम्बन्धी उच्चस्तरीय समितिको आइतबार बसेको बैठकले लकडाउनको अवधि थप गर्न माग गरेको थियो ।
यो संगै दोस्रो लकडाउन अवधि दोस्रो पटक थपिएको हो । कोरोना भाइरसको दोस्रो संक्रमित भेटिएपछि सरकारले चैत ११ बाट १८ गते सम्मका लागि लकडाउन घोषणा गरेको थियो ।
पहिलो लकडाउनले उक्त अवधि पूरा नगर्दै २५ गतेसम्म थपियो । तर, यो अवधिमा स्थानीय स्तरमा कोरोना संक्रमण भेटिएपछि सरकारले एक स्थानीय तहबाट अर्काे स्थानीय तहमा आवतजावतमा समेत कडाइ गरेको थियो ।
वि.सं.२०७६ चैत २४ सोमवार १७:०० मा प्रकाशित
