२६ चैत, बहराइन । बहराइनमा कार्यरत १२ जना नेपालीमा कोरोना संक्रमण भएको पुष्टि भएको छ ।
नेपाली दूतावास बहराइनका अनुसार ७ अप्रिल बेलुकासम्मको तथ्यांक अनुसार बहराइनमा ५० हजार ३२० जनामा कोरोना परीक्षण गरिएकोमा संक्रमितको संख्या ३४१ पुगेको छ । जसमा नेपालीको संख्या १२ रहेको छ । साथै मृतकको संख्या ५ पुगेको छ भने ३ जना गम्भीर अवस्थामा रहेको र निको हुनेको संख्या ४६५ पुगेको छ ।
दूतावासले बहराइनका नेपाली समुदायलाई सतर्कता अपनाउन अनुरोध गर्दै सार्वजनिक स्थानमा मास्क लगाउनु पर्ने, ५ जना भन्दा बढी भेला हुन नपाउने, पार्क तथा पब्लिक बीचमा घुम्न जान नपाउने, अत्यावस्यक काम बाहेक घर बाहिर नजान समेत अनुरोध गरेको छ ।
त्यस्तै बहराइन सरकारले संक्रमितहरुले क्वारेन्टाइनको अवज्ञा गरेको पुष्टि भएमा ३ महिना सम्म जेल सजाय र १ हजारदेखि १० हजारसम्म बहराइन डिनार दुवै सजाय हुने जानकारी समेत दिएको छ ।
वि.सं.२०७६ चैत २६ बुधवार १८:५९ मा प्रकाशित