Sansar News- Online for Global Nepali

नेपाली कामदारको विविध समस्यालाई लिएर एनआरएनए कुवेतले बुझायो ज्ञापनपत्र

संसार न्यूज़
९ महिना पहिले
नेपाली कामदारको विविध समस्यालाई लिएर एनआरएनए कुवेतले बुझायो ज्ञापनपत्र

३ बैशाख, कुवेत । गैरआवासीय नेपाली संघ राष्ट्रिय समन्वय परिषद् (एनआरएनए) कुवेतले कुवेतमा रहेका नेपालीहरुको विविध समस्यालाई लिएर नेपाली दूतावास कुवेतलाई ज्ञापनपत्र बुझाएको छ ।

मंगलबार दूतावास, एनआरएनए र कुवेतमा रहेका अन्य नेपाली संघसंस्थावीच कुवेत सरकारले प्रदान गरेको विदेशी नागरिकलाई आममाफी सम्बन्धमा, बेतलवी बसिरहेका वा नेपाल फर्कने चाहाने कामदारको सम्बन्धमा र विश्वव्यापी महामारीको रुपमा फैलिएको कोरोना भाइरसले निम्त्याउने समस्यालगायतका विषयमा घनिभूत छलफल भएको परिषद्का महासचिव दिलकुमार पाख्रिनले बताएका छन् ।

परिषद्का अध्यक्ष सुजन केसी, आइसीसी सदस्य अमृत चाम्लिङ, मानार्थ आइसिसि सदस्य सुरज मास्के, उपाध्यक्ष रन लामालगायतले परिषद्का तर्फबाट दूतावासलाई ज्ञापनपत्र बुझाएका थिए ।

उक्त छलफलको क्रममा राजदूत दुर्गाप्रसाद भण्डारीले अवैधानिक नेपाली कामदारलाई आममाफिको सदुपयोग गर्दै नेपाल पठाउन नेपाल सरकारसंग आन्तरिक प्रयास भइरहेको जानकारी दिएका थिए । साथै कोरोनाको कारण कुनै पनि नेपाली कामदारलाइ बेतलवी राखेका छन् भने दूतावासमा सम्पर्क गरे दूतावासले तलबको लागि आग्रह गरिदिने समेत बताएका थिए ।

राजदूत भण्डारीले भिसा भएका तर स्वदेश फर्कन चाहाने नेपाली कामदरहरुको हकमा लकडाउन नखुलेसम्म जहाँ छौँ त्यही सुरक्षित रहौँ नीति अबलम्बन गर्नका लागि सुझाव समेत दिएका थिए ।

अवैधानिक कामदार जाने बेलामा शिविर पुगेपछी फर्किन नपाइने भएको हुँदा आफ्नो ब्यागेज, लगेज पूर्ण तयारीका साथ जानुपर्ने जानकारी दिँदै महासचिव पाख्रिनले भनेका छन् ‘त्यसका लागि पासपोर्ट, सिभिल आइडी, नागरिकता जे छ त्यसको फोटोकपी र ४ थान पासपोर्ट साइजको फोटो पनि तयारी राख्नुहोला । नेपाली दूतावासले शिविरमा नै दूतावासबाट पाउने सेवा सुविधा प्रदान गर्ने हुँदा कोहि पनि दूतावास (एम्बेसी) पुगि राख्नुपर्ने छैन ।’

उनले नेपालको क्वारेन्टाइन बसाइ १५– १५ दिन मात्र भए पनि घर पुग्न केही दिन लाग्न सक्नेछ । त्यसको लागि धैर्यता अपनाउन पनि अनुरोध गरेका छन् ।

सर्बाधिक पढिएको

यी हुन् नेपाली सेनाको विभिन्न पदमा लोकसेवा परीक्षामा उत्तीर्ण हुने उम्मेदवारहरु

यी हुन् नेपाली सेनाको विभिन्न पदमा लोकसेवा परीक्षामा उत्तीर्ण हुने उम्मेदवारहरु ३ दिन पहिले | संसार न्यूज़

  २ माघ, काठमाडौं । नेपाली सेनाको भर्ना छानौट निर्देशनालय…

१६ कम्पनी आइपिओ निष्कासनको पाइपलाइनमा,इन्फ्रास्ट्रक्चर बैंकको आइपिओ माघ २ गतेदेखि

१६ कम्पनी आइपिओ निष्कासनको पाइपलाइनमा,इन्फ्रास्ट्रक्चर बैंकको आइपिओ माघ २ गतेदेखि ५ दिन पहिले | अजय खत्री

२९ पुष, काठमडौं । सेयर बजारमा पछिल्लो समय सर्वसाधारणको आकर्षण…

यस्तो छ सैन्य मेडिकल, खेलाडी र ड्राइभर पदको प्रयोगात्मक परीक्षामा उर्तीण  हुनेहरुको नामावली

यस्तो छ सैन्य मेडिकल, खेलाडी र ड्राइभर पदको प्रयोगात्मक परीक्षामा उर्तीण हुनेहरुको नामावली २ हप्ता पहिले | संसार न्यूज़

१९ पुस, काठमाडौं । नेपाली सेनाको भर्ना छनौट निर्देशनालय कार्यरथी…

प्रहरीले जारी गर्यो कार्यालय सहयोगी पदमा आवेदन दिएकाहरुका लागि यस्तो सूचना

प्रहरीले जारी गर्यो कार्यालय सहयोगी पदमा आवेदन दिएकाहरुका लागि यस्तो सूचना ३ हप्ता पहिले | संसार न्यूज़

१४ पुस, काठमाडौं । नेपाल प्रहरीले कार्यालय सहयोगी पदमा उम्मेदवार…