Sansar News- Online for Global Nepali

बिन्ती छ भित्रै बस

हिरा भट्ट, पञ्चेश्वर,६, बिजुल,बैतडी
९ महिना पहिले
बिन्ती छ भित्रै बस

एकातर्फ मनुष्य वीर बलिया छन् युद्ध सेनातिर
अर्कोतर्फ अदृश्य जीव अणु छन् संग्राममा हाजिर
मायावी रणमा चराचर भुले पृथ्वी छ युद्धस्थल
चल्दा युद्ध मडारियो गगनमा नैराश्यको बादल
।१।
मान्छेमार्फत पारिलो प्रकृतिमा लागेर धब्बा खिया
बिच्केका अमिबा र भाइरसका छन् साथ ब्याक्टेरिया
कैले प्लेग छ पोलियो छ कहिले कैले इबोला जिका
कोरोना फ्लु सशक्त सार्स भयले छिन् रुष्ट भूवाटिका
।२।
कैयौं जीव उजाडिए भुवनमा मान्छे बनी कारक
झन् लोपोन्मुख जीव आज कति छन् भै जीर्ण बाँच्ने हक
गोली बारुद अस्त्र झन् जहरिला बढ्दा विषादी बम
एकाएक धरा असन्तुलित भै खस्क्यो इकोसिस्टम
।३।
संख्या मानिसको नियन्त्रण हुने गर्थे कुरा माल्थस
भन्थे डार्बिन बाँच्नको मन भए संघर्ष गर्दै बस
बन्दा क्रुद्ध बसुन्धरा प्रलयको आगो जसै बाल्दछ
कैयौं नूतन पाइला भुवनमा विज्ञानले चाल्दछ
।४।
चल्दा तीब्र हुरी ढलेछ बिचरी भञ्ज्याङकी लाँकुरी
ढल्दैनन् सतिसालका रुखहरू आँधी चलोस् वा हुरी
जित्ला युद्ध अवश्य आत्मबलले बढ्दै गरोस् साहस
प्यारा दाजु दिदी र भाइ बहिनी बिन्ती छ भित्रै बस
।५।
छन्द : शार्दूलविक्रीडित

सर्बाधिक पढिएको

यी हुन् नेपाली सेनाको विभिन्न पदमा लोकसेवा परीक्षामा उत्तीर्ण हुने उम्मेदवारहरु

यी हुन् नेपाली सेनाको विभिन्न पदमा लोकसेवा परीक्षामा उत्तीर्ण हुने उम्मेदवारहरु ३ दिन पहिले | संसार न्यूज़

  २ माघ, काठमाडौं । नेपाली सेनाको भर्ना छानौट निर्देशनालय…

१६ कम्पनी आइपिओ निष्कासनको पाइपलाइनमा,इन्फ्रास्ट्रक्चर बैंकको आइपिओ माघ २ गतेदेखि

१६ कम्पनी आइपिओ निष्कासनको पाइपलाइनमा,इन्फ्रास्ट्रक्चर बैंकको आइपिओ माघ २ गतेदेखि ५ दिन पहिले | अजय खत्री

२९ पुष, काठमडौं । सेयर बजारमा पछिल्लो समय सर्वसाधारणको आकर्षण…

यस्तो छ सैन्य मेडिकल, खेलाडी र ड्राइभर पदको प्रयोगात्मक परीक्षामा उर्तीण  हुनेहरुको नामावली

यस्तो छ सैन्य मेडिकल, खेलाडी र ड्राइभर पदको प्रयोगात्मक परीक्षामा उर्तीण हुनेहरुको नामावली २ हप्ता पहिले | संसार न्यूज़

१९ पुस, काठमाडौं । नेपाली सेनाको भर्ना छनौट निर्देशनालय कार्यरथी…

प्रहरीले जारी गर्यो कार्यालय सहयोगी पदमा आवेदन दिएकाहरुका लागि यस्तो सूचना

प्रहरीले जारी गर्यो कार्यालय सहयोगी पदमा आवेदन दिएकाहरुका लागि यस्तो सूचना ३ हप्ता पहिले | संसार न्यूज़

१४ पुस, काठमाडौं । नेपाल प्रहरीले कार्यालय सहयोगी पदमा उम्मेदवार…