Sansar News- Nepal's Fast Khabar Online News Portal

कोरोनाको कहरः एनआरएनएद्धारा डेढ दर्जन देशमा ३ हजारलाई राहत वितरण

संसार न्यूज़
३ महिना पहिले
कोरोनाको कहरः एनआरएनएद्धारा डेढ दर्जन देशमा ३ हजारलाई राहत वितरण

४ बैशाख, लण्डन । गैरआवासीय नेपाली संघ (एनआरएनए) ले कोरोना भाइरस महामारीबाट प्रभावित डेढ दर्जन देशमा ३ हजार जनालाई राहत वितरण गरेको छ ।
राहत वितरणमा तिब्रता दिएको संघले विभिन्न देशमा रहेर समस्यामा परेका बिद्यार्थीहरु, काम गुमाएका नेपालीहरुलाई लक्षित गर्दै राहत बितरणलाई तिब्रता दिएको हो । कतिपय मुलुकहरुमा ’कोभिड १९’ ले प्रभावित परिवारका सदस्यहरुलाई खाद्यसामग्री पुर्याएर संघले सहयोग गरेको संघको ‘कोभिड–१९’ उच्चस्तरीय समितिका संचार संयोजक चिरन शर्माले संसारन्युजलाई जानकराी दिएका छन् ।

गैरआवासीय नेपाली संघ (एनआरएनए) का अध्यक्ष तथा ‘कोभिड १९’ उच्चस्तरीय समितिका संयोजक कुमार पन्तका अनुसार डेढ दर्जनभन्दा बढी राष्ट्रिय समन्वय परिषदहरु सक्रिय भईसकेको बताए । अध्यक्ष पन्तले भने, ‘यो बेला भनेको एकले अर्कोलाई सहयोग गर्ने बेला हा े। मलाई आशा छ ८० भन्दा बढी शाखाहरुका साथीहरुनै सहयोगी अभियानमा लाग्नुहुनेछ ।’ तत्कालका लागि न्युनतम आबश्यकता पूरा गर्न एकले अर्कोलाई सहयोग गर्नु नै अहिलेको प्राथमिकता भएको पनि अध्यक्ष पन्तले बताएका छन् ।

त्यसैगरी एनआरएनए अष्ट्रेलियाले ३ सय ९० जना बिद्यार्थीहरुलाई राहत बितरण गरिसकेको छ । संघका महासचिव ज्ञानेन्द्र रेग्मीका अनुसार दाल, चामल, चिनी लगायत दैनिक खाद्यान्न खरिद सामग्रीहरु खरिदमा संघले २० हजार डलर खर्च गरिसकेको छ ।’ १ हजार १ सय भन्दा बढी नेपालीहरुले फाराम भरेर राहतको माग गर्नुभएको छ । हामीले ५० हजार डलरको राहत कोष बनाएर राहत बितरणलाई तिब्र पार्दै छौ ।’ महाचिव रेग्मीले भने ।

अष्ट्रेलियस्थित सकृय पत्रकार हेमन्त काफ्लेका अनुसार एनआरएनएको राहत बितरण कार्य निकै प्रभावकारी बनेको छ । कामकाज ठप्पभएपछि विद्याथीहरुलाई एनआरएनको राहत प्याकेजले ठूलो सहयोग मिलेको काफ्लेको भनाई छ ।

एनआरएनए अमेरिकाले करिब ४ सय जना बिद्यार्थीहरुलाई राहत बितरण गरिसकेको छ । संघका अध्यक्ष सुनिल शाहका अनुसार उनीहरुलाई दाल, चामल, पिठो, चिनी लगायत दैनिक खाद्यान्न खरिद सामग्रीहरु वितरण गरिएको हो । ‘भौतिक सामग्री लगायत दैनिक टेलिफोन सेवा पनि संघले उपलव्ध गराएको छ । पछिल्लो दुई सातमा करिब २ हजार नेपाली कानूनी तथा जनचेतना कार्यक्रमबाट लाभान्दित भएका छन् ।’ अध्यक्ष शाहले भने । एनआरएनए अमेरिकाले १४ हजार डलर आर्थिक संकलन गरेको छ ।

यस्तै अफ्रिका क्षेत्रमा रहेका नेपालीहरुले समेत राहत संकलन शुरु गरेका छन् । संघका पूर्वकोषाध्यक्ष हिक्मत थापाका अनुसार त्यहाँ रहेका नेपालीहरुले एनआरएनए अफ्रिका क्षेत्रीय कोषको स्थापना गरेर काम अघि बढाएका छन् । हाल सम्म सो कोषमा १० हजार डलर जम्मा भएको छ ।

साईप्रसमा ५ देखि ७ हजार बिद्यार्थीहरु समस्यामा परेपछि एनआरएनए साईप्रसले घर–घरमै राहत पुर्याउने ब्यबस्था गरेको छ । संघका प्रबक्ता दिनेश गौतमका अनुसार ४ सय ५६ जना बिद्यार्थीहरुले राहत पाईसकेका छन् । त्यहाँ अध्ययनरत बिद्यार्थीहरुले आँफूहरु नेपाल फर्कन चाहेको ईच्छा ब्यक्त गर्दै नेपाली राजदूताबास इजरायलमार्फत नेपाल सरकारलाई घर फर्काउन अनुरोध समेत गरेकाछन् ।

गैरआवासीय नेपाली संघ यूएईले वैदेशिक रोजगारीमा अलपत्रमा परेका नेपालीहरुको लागि राहत वितरणलाई तिब्रता दिएको छ । संघका अध्यक्ष प्रकाश कोराइराका अनुसार गत सातादेखि हालसम्म १ हजार जना नेपालीहरुलाई राहत वितरण गरिएको छ । यस्तै गैरआवासीय नेपाली संघ कतारले तीन सय भन्दा बढी कोरोनाका कारण प्रभावितहरुका लागि राहत वितरण गरेको जनाएको छ ।

एनआरएनए स्पेनले १ सय ६७ जना, पोर्चुगलले १ सय ३३ जना, इटालीले २० जना नेपालीहरुलाई राहत बितरण गरिसकेको छ ।
त्यस्तै फ्रान्स, अष्ट्रिया, बहराइन, साउदी अरब, क्यानाडा, अमेरिका, हङ्गकंङ्ग लगायतका देशहरुमा राहत वितरण कार्य सुरु भईसकेका छन् । संघका विश्वभर छरिएका ८० भन्दा बढी शाखाहरुमा आर्थिक तथा राहत सामग्री वितरणको विवरण संकलन गर्ने तयारी गरेको संघका कोषाध्यक्ष महेश कुमार श्रेष्ठले जनाकारी दिए ।
श्रेष्ठले विश्वभरको राहत संकलनमा भएका प्रगति विवरणहरुको अभिलेख लेख्ने काम शुरुभै सकेको वताए ।

प्रारम्भिक रिपोर्ट अनुसार हालसम्म करिब ३ हजार गैर आबासीय नेपालीहरुले राहत प्राप्त गरेका छन् । तर एक हप्तापछि ठूलो संख्यामा नेपालीहरुले राहत प्राप्त गर्ने संघले अपेक्षा राखेको छ । गैरआवासीय नेपाली संघका महासचिव डा. हेम राज शर्माले राहतको कार्यलाई आगामी हप्तामा अझ तिब्रता दिनको लागि पूर्ण रुपमा तयारी रहन एनसीसीहरुलाई आग्रह गरेका छन् ।

यसअघि दक्षिण कोरिया र हङ्गकङ्ग, अष्ट्रेलिया लगायतका देशहरुले स्वास्थ्य सामग्री समेत वितरण गरेका थिए । एनआरएनएले दक्षिण कोरियाले गत हप्तमा मार्फत १ करोड ६० लाख बराबरको स्वास्थ्य सम्वन्धी सामग्री नेपाल पठाएको थियो भने अन्य देशहरुले त्यहाँस्थित नेपाली समुदायलाई स्यानिटाइजर, माक्स, थर्म्मिटर वितरण गरेका छन् ।

सर्बाधिक पढिएको

हाँसीखुसी विवाह मण्डपबाट विदा गरेकी छोरीले जब दुलाहाको घर नपुग्दै आत्महत्याको बाटो रोजिन्

हाँसीखुसी विवाह मण्डपबाट विदा गरेकी छोरीले जब दुलाहाको घर नपुग्दै आत्महत्याको बाटो रोजिन् ३ हप्ता पहिले | संसार न्यूज़

२ असार, काठमाण्डौं । हाँसी खुसी विवाहको मण्डपबाट विदा भएकी…

आज १४६२ जनाले कोरोनालाई जितेर घर फर्किए, निको हुनेको संख्या ४६५६ पुग्यो

आज १४६२ जनाले कोरोनालाई जितेर घर फर्किए, निको हुनेको संख्या ४६५६ पुग्यो १ हप्ता पहिले | संसार न्यूज़

१७ असार, काठमाण्डौं । नेपालमा पछिल्लो २४ घण्टामा १,४६२ जना…

वलिउड  नायक सुशान्तले आत्महत्या गरेसँगै अभिनेत्री वर्षाले गरिन् आफ्नो बारे यस्तो खुलासा

वलिउड नायक सुशान्तले आत्महत्या गरेसँगै अभिनेत्री वर्षाले गरिन् आफ्नो बारे यस्तो खुलासा ३ हप्ता पहिले | संसार न्यूज़

वलिउडका अभिनेता सुशान्त सिंह राजपुतले आत्महत्या गरेसँगै सामाजिक सन्जालहरुमा दुईथरी…

आज पनि ८२३ जना कोरोना संक्रमणबाट निको भएर घर फर्किए, हेर्नुहोस् कुन प्रदेशमा कति निको भए त ?

आज पनि ८२३ जना कोरोना संक्रमणबाट निको भएर घर फर्किए, हेर्नुहोस् कुन प्रदेशमा कति निको भए त ? ६ दिन पहिले | संसार न्यूज़

१९ असार, काठमाण्डौं । नेपालमा कोरोना संक्रमणबाट ८२३ जना मुक्त…