Sansar News- Nepal's Fast Khabar Online News Portal

बेलायतमा कोरोना संक्रमणका कारण गोर्खाका गुरुङको पनि मृत्यु

संसार न्यूज़
३ महिना पहिले
बेलायतमा कोरोना संक्रमणका कारण गोर्खाका गुरुङको पनि मृत्यु

५ बैशाख, बेलायत । बेलायतमा कोरोना भाइरस (कोभिड–१९) संक्रमणका कारण गोर्खाका बुद्धबल गुरुङको पनि मृत्यु भएको समाचार प्राप्त भएको छ ।

गोरखाको सिरान्चोक गाउँपालिका ७ काप्रे घर भई बेलायतको फार्नबरो निवासी बुद्धबल गुरुङको फ्रेम्ली पार्क अस्पतालमा उपचारका क्रममा ८३ वर्षको उमेरमा बुधबार निधन भएको हो ।

गोखा जिल्ला गुरुङ समाज बेलायतका आजीवन सदस्य समेत रहेका गुरुङको उपचारका क्रममा निधन भएको समाजका सल्लाहकार गणेश गुरुङले बताएका छन् ।
नौ वर्षदेखि बेलायतमा बस्दै आएका गुरुङ आर्मी नम्बर २११४१२६८ रहेको छ । उनको बुधबार १०ः४५ बजे निधन भएको हो ।

केही समयदेखि बिरामी भएपछि अस्पताल भर्ना गरिएको परीक्षणका क्रममा कोरोना संक्रमण भएको पुष्टि भएको थियो ।

गोरखा गुरुङ समाजका अध्यक्ष फडक जित गुरुङले समाजका अग्रज व्यक्तित्वलाई कोरोना संक्रमणका कारण गुमाउनु परेको भन्दै दुःख व्यक्त गरेका छन् ।
गुरुङकी श्रीमती पनि अस्पतालमा उपचारपछि घर फर्किएको बताइएको छ । उनका बेलायतमा दुई छोरा, बुहारी र छोरीज्वाई छन् ।

गुरुङसहित बेलायतमा बुधबार मात्रै ५ नेपालीको मृत्यु भएको समाचार संसारन्युजलाई प्राप्त भएको छ ।  जसमा पाल्पाका धनबीर गुरुङ, स्याङजाका लक्ष्मण श्रेष्ठ, तनहुँका हस्तवीर गुरुङ र धनकुटाका गोम्देन तामाङको मृत्युको समाचार यसअघि नै अपडेट गरेका छौं ।

बुधबार मृत्यु भएका पाँचैजना पूर्वगोर्खा सैनिक हुन् । बुधबार मृत्यु भएका यी पाँचैजनासहित बेलायतमा कोरोना संक्रमणका कारण मृत्यु हुनेको संख्या १६ पुगेको छ । यीमध्ये १३ जना पूर्वगोर्खा सैनिक भएको बताइएको छ ।

बेलायतमा बुधबार मात्रै कोरोनाका कारण ४ नेपालीको मृत्यु,संक्रमणबाट मृत्युहुनेको संख्या १५ पुग्यो

सर्बाधिक पढिएको

हाँसीखुसी विवाह मण्डपबाट विदा गरेकी छोरीले जब दुलाहाको घर नपुग्दै आत्महत्याको बाटो रोजिन्

हाँसीखुसी विवाह मण्डपबाट विदा गरेकी छोरीले जब दुलाहाको घर नपुग्दै आत्महत्याको बाटो रोजिन् ४ हप्ता पहिले | संसार न्यूज़

२ असार, काठमाण्डौं । हाँसी खुसी विवाहको मण्डपबाट विदा भएकी…

आज १४६२ जनाले कोरोनालाई जितेर घर फर्किए, निको हुनेको संख्या ४६५६ पुग्यो

आज १४६२ जनाले कोरोनालाई जितेर घर फर्किए, निको हुनेको संख्या ४६५६ पुग्यो २ हप्ता पहिले | संसार न्यूज़

१७ असार, काठमाण्डौं । नेपालमा पछिल्लो २४ घण्टामा १,४६२ जना…

वलिउड  नायक सुशान्तले आत्महत्या गरेसँगै अभिनेत्री वर्षाले गरिन् आफ्नो बारे यस्तो खुलासा

वलिउड नायक सुशान्तले आत्महत्या गरेसँगै अभिनेत्री वर्षाले गरिन् आफ्नो बारे यस्तो खुलासा ४ हप्ता पहिले | संसार न्यूज़

वलिउडका अभिनेता सुशान्त सिंह राजपुतले आत्महत्या गरेसँगै सामाजिक सन्जालहरुमा दुईथरी…

१ महिनामा पूनर्बीमाको सम्पत्ती ५ गुणाले बढ्यो

१ महिनामा पूनर्बीमाको सम्पत्ती ५ गुणाले बढ्यो १ दिन पहिले | संसार न्यूज़

२८ असार, काठमाडौं । नेप्सेमा सूचीकरण भएको १ महिनामा नेपाल…