Sansar News- Online for Global Nepali

एनआरएनको भाषा साहित्य समितिको पहिलो बैठक सम्पन, के के भयो त निर्णय ?

संसार न्यूज़
९ महिना पहिले
एनआरएनको भाषा साहित्य समितिको पहिलो बैठक सम्पन, के के भयो त निर्णय ?

८ बैशाख, काठमाण्डौं । एनआरएनए भाषा, साहित्य, संस्कृति तथा सम्पदा प्रबर्द्धन समितिको पहिलो अनलाइन बैठक सम्पन्न भएको छ ।
समितिका अध्यक्ष हिक्मत थापाको अध्यक्षतामा बैशाख ७ (अप्रिल १९) मा सम्पन्न बैठकमा विभिन्न छलफल तथा निर्णय गरिएको छ ।

बैठकमा विश्वव्यापी महामरिका रुपमा फैलिरहेको कोरोना भाईरस कोभिड १९ को का कारण ज्यान गुमाएका गैरआवासिय नेपालीहरुप्रति श्रद्धान्जली ब्यक्त गर्दै देश तथा विदेशमा उपचाररत बिरामीहरुको शिघ्र स्वास्थ्यलाभको कामना गरिएको थियो । साथै संकटको यो घडीमा सहयोग, उद्दार, उपचार र राहतमा खटिने सबैमा सम्मानसहित धन्यवाद व्यक्त गरिएको थियो ।

त्यस्तै निवर्तमान र यस अघिका समितिलाई धन्यवाद दिदै ती समितिहरुले गरेका कार्यहरुको आबश्यक परिमार्जन सहित निरन्तरता दिने निर्णय गरिनुका साथै अहिलेको समितिले गर्ने कार्यहरुको वार्षिक कार्ययोजना र तालिका एकमहिना भित्र तयार पार्नका लागि समितिका अध्यक्षले एक उपसमिति बनाएर तयार गर्ने निर्णय समेत गरेको छ । काम गरिने निर्णय गरिएको छ ।

बैठकले बिगत देखिनै समितिले नेपाल प्रज्ञा प्रतिष्ठानसँगको सहकार्यमा विभिन्न कार्यक्रम तथा प्रकाशनका कार्य गर्दै आएकोमा त्यसलाई निरन्तरता दिने तथा २ वटा पुस्तक संग्रह प्रकाशन गर्ने निर्णय समेत गरेको छ । संग्रहमा, संस्मरण र नियात्रा तथा गजल प्रकाशन गरिने भएको हो ।

गजल सङ्रह प्रकाशनका लागि आर के सुबेदीले समितिमा रहेका अन्य गजलकार र बिधाका बिज्ञहरु सङ्ग सल्लाह गरि समिती प्रस्ताव गर्ने तथा संस्मरण संग्रहका लागि अध्यक्ष थापाले बिषयबिज्ञ र समितिका पदाधिकारीहरुसँग राय लिएर सम्पादन समिति प्रस्ताव गर्ने निर्णय समेत गरिएको छ ।

त्यसैगरी गैरआवासीय नेपाली लेखकको डाइरेक्टरी (अभिलेखिकरण )तयार गर्नका लागि हरी पौडेललाई सम्योजक तोकिनुका साथै प्रत्येक क्षेत्रबाट एक÷एक जना सदस्य राख्ने, तथा संघको साहित्य पुरस्कार स्थापना गर्ने विषयमा छलफल समेत गरिएको थियो ।
समितिको अनलाइन साहित्यक कार्यक्रम सन्चालन गर्ने र यसको सम्बन्धमा प्रारुप र योजना बनाउन जिम्मा समितिकी सदस्य सचिव भगवती बस्नेतलाई दिइएको छ ।

उक्त अनलाइन बैठकमा जर्मनीबाट जिवा लामिछाने, नेपालबाट अश्विनी कोइराला, भगवती बस्नेत, रमेश पौडेल, अमेरिकाबाट निलम कार्की निहारिका, विकास बिष्ट, गौतम दाहाल, गोबिन्द गिरि प्रेरणा, कपिल अधिकारी, कृष्ण कुसुम, महेश्वर पन्त, कृष्ण लामिछाने र सर्वज्ञ वाग्ले, नाइजेरियाबाट हिक्मत थापा, युगान्डाबाट रमेश कडेल, जापानबाट बेलुकाजी थापा, नेदरल्यान्डबाट हरी पौडेल, आरके सुवेदी तथा निश्चल पिएस लिम्बू -युएई, गोबिन्द प्रसाद गौतम-रसिया, जितेन्द्र मल्ल -अस्ट्रेलिया,नृपेश उप्रेति-युके, संजय शान्ति सुबेदी- न्युजिल्यान्ड, सुनिल संगम-पोर्चुगल र तिर्थ सङ्गम राई कतारबाट सहभागी भएका थिए ।

बैठकमा समितिका सल्लाहकार तथा एनआरएनएका पूर्वअध्यक्ष जिवा लामिछानेले समितिले काम अगाडि बढाउन आफ्नो कोष पनि स्वयं तयार गर्दै जानूपर्ने भएकोले कोषका लागि आफूले १ लाख सहयोग गर्ने घोषणा गरेका थिए भने समितिका अध्यक्ष हिक्मत थापाले लामिछानेलाई धन्यवाद दिँदै आफ्नो तर्फबाट पनि कोषका लागि ५० हजार सहयोग गर्ने घोषणा गरेका थिए । अध्यक्ष थापाले यससँगै कोष बिस्तारको कार्य पनि सँगसँगै अगाडि बढाउने प्रतिबद्धता व्यक्त गरेका थिए ।

सर्बाधिक पढिएको

पानीमा डुबेका विदेशी नागरिकको उद्धार गर्दा युएईमा यसरी फसे दुई नेपाली युवा, सहयोगको अपिल

पानीमा डुबेका विदेशी नागरिकको उद्धार गर्दा युएईमा यसरी फसे दुई नेपाली युवा, सहयोगको अपिल १ हप्ता पहिले | संसार न्यूज़

४ माघ, काठमाडौं । युएईमा कार्यरत स्याङजाका डायमण्ड श्रेष्ठ र…

यी हुन् नेपाली सेनाको विभिन्न पदमा लोकसेवा परीक्षामा उत्तीर्ण हुने उम्मेदवारहरु

यी हुन् नेपाली सेनाको विभिन्न पदमा लोकसेवा परीक्षामा उत्तीर्ण हुने उम्मेदवारहरु १ हप्ता पहिले | संसार न्यूज़

  २ माघ, काठमाडौं । नेपाली सेनाको भर्ना छानौट निर्देशनालय…

१६ कम्पनी आइपिओ निष्कासनको पाइपलाइनमा,इन्फ्रास्ट्रक्चर बैंकको आइपिओ माघ २ गतेदेखि

१६ कम्पनी आइपिओ निष्कासनको पाइपलाइनमा,इन्फ्रास्ट्रक्चर बैंकको आइपिओ माघ २ गतेदेखि २ हप्ता पहिले | अजय खत्री

२९ पुष, काठमडौं । सेयर बजारमा पछिल्लो समय सर्वसाधारणको आकर्षण…

यस्तो छ सेनाको अ.क पदका लागि लोकसेवा परीक्षामा उर्तीण हुनेहरुको नामावली

यस्तो छ सेनाको अ.क पदका लागि लोकसेवा परीक्षामा उर्तीण हुनेहरुको नामावली ३ दिन पहिले | संसार न्यूज़

९ माघ, काठमाडौं । नेपाली सेनाको भर्ना छनौट निर्देशनालय कार्यरथी…