Sansar News- Nepal's Fast Khabar Online News Portal

मसान पाल्ने सहर

इन्दिरा चाम्लिङ, बेल्जियम
३ हप्ता पहिले
मसान पाल्ने सहर

ए सहर तिमीले
किन यसरी
मान्छेको आयु घटाइरहेछौ
कतै रोगको नाममा
तीर चलाइरहेछौ
कतै भोकको नाममा
विष पिलाइरहेछौ
कतै शोकको नाममा
चिता जलाईरहेछौ

तिमीले
दिन प्रतिदिन
घरबारबिहिन मान्छे
रोग,शोक र भोकको
नाममा निलिरहेछौ
निरन्तर निलि नै रहेछौ….
तिमीले त ठूलठूला महलभित्र
जंगली जनावर पो पालिरहेछौ
ती गगनचुम्बी भव्य महलहरूमा
नरभक्षी गीद्द पालिरहेछौ
जंगली अजिंगार पालिरहेछौ
परजीवी किर्ना पालिरहेछौ

तिमीले शान ठानेको
सेतो दरबारभित्र
कालो मसान पालिरहेछौ
मान्छेको खुन र पसिनाले
पोसिएका ती मसानहरूले
मान्छेलाई नै
सन्चले बाँच्न त दिएनन् दिएनन्
मर्न पनि दिएनन्
कालगतिले देह त्याग्न गर्न पनि दिएनन्
सिंगै निलिरहेछन्
जिउँदै निलिरहेछन्
मान्छे मात्रै निलेका छैनन्
सारा तराई, पहाड र हिमाल निलिरहेछन्
मिलिजुली सिंगो देश निलिरहेछन्

दनदनी बलिरहेको आगोमा जबरजस्ती
धकेलिएको छ देश
त्यो आगो भोकमारीको किन नहोस्
त्यो आगो रोगव्याधीको किन नहोस्
झुपडीहरूमा आगो सल्काई
जिउँदै जलेर मर्न बाध्य पारिएको छ
मान्छेमाथि मान्छेको लास गाडिएको छ
ए सहर तिमी कसरी हेर्न सक्छौ
रमिते भएर यो दृश्य
कसरी साथ दिन सक्छौ
ती पथभ्रष्टहरूलाई
कसरी काँध दिन सक्छौ
ती मतिभ्रष्टहरूलाई

आफ्नै पौरखमा
बाँच्न चाहनेहरूको
दिनदिनै दाह संस्कार गरेर
रगत चुस्ने परजीवी पालिरहेछौ
थाहा छैन किन तिमीले
तिमीले सिंगो देश निल्ने
अजिंगार पालिरहेछौ
ए सहर किन तिमीले
मान्छे निलेर
मसान पालिरहेछौ
मान्छे निलेर
मसान पालिरहेछौ ।

सर्बाधिक पढिएको

‘संक्रमित व्यक्तिले छुदैमा वा कुरा गर्दैमा कोरोना भाइरस सर्दैन’

‘संक्रमित व्यक्तिले छुदैमा वा कुरा गर्दैमा कोरोना भाइरस सर्दैन’ ७ दिन पहिले | संसार न्यूज़

कोरोना संक्रमण कसरी सर्छ ? कति खतरनाक छ ? मृत्युदर…

भारतबाट नेपाली फर्काउन प्रवासी नेपाली संघ भारतको अनुरोध

भारतबाट नेपाली फर्काउन प्रवासी नेपाली संघ भारतको अनुरोध ४ हप्ता पहिले | संसार न्यूज़

२० वैशाख । प्रवासी नेपाली संघ भारत केन्द्रीय समितिले भारतमा…

मन्त्री पदमा अर्याललाई एक शिक्षिकाको पत्र, नक्शा बारे के भनेर पढाऊँ ?

मन्त्री पदमा अर्याललाई एक शिक्षिकाको पत्र, नक्शा बारे के भनेर पढाऊँ ? २ हप्ता पहिले | संसार न्यूज़

विद्यार्थीले 'लिपु, लिम्पियासहितको नेपालको नक्शा आईसक्यो, अहिलेको नक्शा त गलत…

कोरोनालाई जित्दै नेपाल, आजपनि संक्रमणबाट मुक्त भएर २१ जना घर फर्किए

कोरोनालाई जित्दै नेपाल, आजपनि संक्रमणबाट मुक्त भएर २१ जना घर फर्किए ५ दिन पहिले | संसार न्यूज़

९ जेठ, काठमाण्डौं । नेपालमा पछिल्लोपटक कोरोना संक्रमणबाट निको हुनेको…