Sansar News- Nepal's Fast Khabar Online News Portal

कृषि बिनाको आर्थिक विकास बेतुकको कुरो रहेछ

संसार न्यूज़
२ महिना पहिले
कृषि बिनाको आर्थिक विकास बेतुकको कुरो रहेछ

नेपाल कम्युनिष्ट पार्टी (नेकपा)का केन्द्रीय सदस्य तथा प्रवास समन्वय कमिटीका अध्यक्ष युवराज चौलागाइले कृषि बिनाको आर्थिक विकास बेतुकको कुरो रहेको बताएका छन् ।

लकडाउनका बेला गाउँमा रहँदा आफूूले कृषि पेशा र कृषकलाई राम्रोसँग चिन्ने अवसर पाएको भन्दै उनले कृषि नै आर्थिक विकासको मुख्य मेरुदण्ड भएको बताएका हुन् । उनी भन्छन् ‘कृषिलाई छाडेर आर्थिक बिकास र किसानलाई छाडेर सम्बृद्धीका योजना निर्माण नेपालका लागि बेतुकका कुरा हुन् ।’

१७ बर्षको उमेरमै गाउँ छाडेर विद्यार्थी हुँदै राजनीतिका कारण गाउँको बसाइ पर्याप्त हुन नपाएकोले किसानका समस्या र कृषिलाई ढिलो गरी बुझ्न पाएको पाएको पनि उनले बताएका छन् ।

उनले भनेका छन् :

शहरमा बस्दा झरीको महत्व र यसले निम्त्याउने समस्याबारे उति वास्ता गरिएन । यता गाउँमा किसानको लागि ठूलो झरी बाली लगाउनु अगाडी स– सानो उत्सव र बाली उठाउनु अगाडी कठोर दण्ड जस्तै हो । कताको कस्तो बादलले आकाशे पानी पर्छ भन्ने किसानी हिसाब पनि विद्वान मौसमविद्को भन्दा बढ़ी गजबले मिल्दो रहेछ । एउटा किसान भित्र एउटा इन्जीनियर पनि हुँदो रहेछ । कसरी खेतबारीका कान्ला लगाउने, कसरी कता फर्केको कति हातका घर गोठ बनाउने त्यसको स्वयं फैसला गर्ने र कार्यान्वयन गर्ने ऊ आफैं रहेछ । परिवार र बस्तुभाउ मात्र हैन, खेती पातीमा लाग्ने कयौं रोगहरुको घरेलु उपचार गर्ने किसान डाक्टर पनि रहेछ । बिउ बिजन, मलखाद, हलो जुवा साराको स्वयम् व्यवस्था गर्ने किसान अनेकौं कुराहरुको ज्ञाता हुँदोरहेछ । किसानले व्यवस्थित घर चलाएको छ र उ समाजमा पनि अगुवा छ भने ऊ एक असाधारण प्रतिभा हो, भन्ने मलाई लाग्न थालेको छ ।

म गाउँमै जन्मे हुर्केर १७ बर्षको उमेर देखि घर छाडेर पढाइ अनि राजनीतिमा लागें । बिदेश तिर जाँदा एक महिना भन्दा बढी कुनै पनि देशमा बसेको छैन् । हरेक दशैंमा गाउँमै आउँछु । गाउँ र जिल्लाका मुख्य कार्यक्रमहरुमा सामान्यतः सहभागी छु । शहर बस्दा कुनै न कुनै रुपमा गाउँसँग जोडिएकै छु । गाउँसँगै म अभिन्न नै छु भन्ने मेरो बुझाइ थियो । तर लकडाउनको समयमा किसानको रुपमा पुरा दिन र दिनका दिन काम गर्दा म गाउँ र किसानलाई नयाँ ढंगले बुझ्न थालेको छु । कृषिलाई छाडेर आर्थिक बिकास र किसानलाई छाडेर सम्बृद्धीका योजना निर्माण नेपालका लागि बेतुकका कुरा हुन् ।

कम्युनिष्टहरुले भनेको श्रम शिवीर एक गजबको असल कुरा रहेछ जसले फजुल बिचार बोकेर सिंगौरी खेल्न खोज्ने मान्छेलाई वास्तविकताको जÞमीनमा टेकाउने रहेछ । राजनीति गर्ने हरेक नेता कार्यकर्ताले नियमित रुपमा कम्तिमा एक महिना श्रमशिविर गरे देशको साँच्चै विकास हुने रहेछ ।

आज भर्खरैबाट मेरो गाउँमा झरी पर्दैछ ।”

सर्बाधिक पढिएको

हाँसीखुसी विवाह मण्डपबाट विदा गरेकी छोरीले जब दुलाहाको घर नपुग्दै आत्महत्याको बाटो रोजिन्

हाँसीखुसी विवाह मण्डपबाट विदा गरेकी छोरीले जब दुलाहाको घर नपुग्दै आत्महत्याको बाटो रोजिन् ३ हप्ता पहिले | संसार न्यूज़

२ असार, काठमाण्डौं । हाँसी खुसी विवाहको मण्डपबाट विदा भएकी…

आज १४६२ जनाले कोरोनालाई जितेर घर फर्किए, निको हुनेको संख्या ४६५६ पुग्यो

आज १४६२ जनाले कोरोनालाई जितेर घर फर्किए, निको हुनेको संख्या ४६५६ पुग्यो १ हप्ता पहिले | संसार न्यूज़

१७ असार, काठमाण्डौं । नेपालमा पछिल्लो २४ घण्टामा १,४६२ जना…

वलिउड  नायक सुशान्तले आत्महत्या गरेसँगै अभिनेत्री वर्षाले गरिन् आफ्नो बारे यस्तो खुलासा

वलिउड नायक सुशान्तले आत्महत्या गरेसँगै अभिनेत्री वर्षाले गरिन् आफ्नो बारे यस्तो खुलासा ३ हप्ता पहिले | संसार न्यूज़

वलिउडका अभिनेता सुशान्त सिंह राजपुतले आत्महत्या गरेसँगै सामाजिक सन्जालहरुमा दुईथरी…

आज पनि ८२३ जना कोरोना संक्रमणबाट निको भएर घर फर्किए, हेर्नुहोस् कुन प्रदेशमा कति निको भए त ?

आज पनि ८२३ जना कोरोना संक्रमणबाट निको भएर घर फर्किए, हेर्नुहोस् कुन प्रदेशमा कति निको भए त ? ७ दिन पहिले | संसार न्यूज़

१९ असार, काठमाण्डौं । नेपालमा कोरोना संक्रमणबाट ८२३ जना मुक्त…