Sansar News- Nepal's Fast Khabar Online News Portal

टुट्टा किराको प्रकोपले तरकारीमा ठूलो नोक्सानी

संसार न्यूज़
२ हप्ता पहिले

२९ वैशाख,पर्वत । पर्वतका व्यावसायिक कृषकले लगाएको खेतीबालीमा टुट्टा नामक किराको प्रकोप बढेको छ । खुला ठाउँमा र प्लाष्टिक टनेल गरी दुवै किसिमका स्थानमा लगाइएको व्यावसायिक तरकारी खेतीमा टुट्टा किराको आक्रमण फैलिन थालेपछि किसान समस्यामा परेका छन् । मौसममा आएको खराबीका कारण विशेषगरी गोलभेँडामा यो किराको सङ्क्रमण बढेको कृषि ज्ञान केन्द्र पर्वतले जानकारी दिएको छ ।

जिल्लाको कुश्मा नगरपालिका–११ पकुवा, जलजला गाउँपालिका–७ धाइरिङ, ८ नाग्लीवाङ, फर्सेलगायतका स्थानमा रहेका व्यावसायिक तरकारी फार्ममा गोलभेँडामा टुट्टा किराले बालीनाली नष्ट गरेको हो । जलजला गाउँपालिका–७ धाइरिङमा लगाइएको गोलभेँडामा पातमा आक्रमण गरेको यो किराले विस्तारै बोट र फलसमेत खाएर नोक्सान गर्ने कृषि प्राविधिकले जानकारी दिएका छन् ।

पुत्ला जातको यो किराले किसानलाई बाली पाक्ने बेलामा सबैभन्दा बढी सताउने गरेको जलजला–७ का अगुवा कृषक सागर सुवेदीले जानकारी दिए । पकुवाका सूर्यबहादुर केसी, गणेश पौडेल र दीपेन्द्र क्षेत्रीको व्यावसायिक कृषि फार्ममा अत्यधिकरुपमा टुट्टाले आक्रमण गरेको छ ।

रोग नियन्त्रण गर्न कीटनाशक विषादीको प्रयोग गर्न सकिने कृषि ज्ञान केन्द्र पर्वतका प्रमुख वासुदेव रेग्मीले सुझाएकाछन । धेरै मात्रामा आक्रमण गरेको भए विषादी प्रयोग गर्ने र थोरै मात्रामा भए बजारमा पाइने किरा आकर्षण गर्ने एक प्रकारको पासो थापेर मार्न सकिने रेग्मीले बताए ।

आक्रमण रोक्न मोहनी पासो थापेमा नियन्त्रण गर्न सकिन्छ । प्रायजसो धेरै पानी परेको समयमा यो किराको आक्रमण बढ्ने कृषि प्राविधिक बताउँछन् । कोरोना भाइरस असिना र किराको प्रकोपले कृषक समस्यामा परेको ज्ञान केन्द्रले जनाएको छ । रासस

सर्बाधिक पढिएको

‘संक्रमित व्यक्तिले छुदैमा वा कुरा गर्दैमा कोरोना भाइरस सर्दैन’

‘संक्रमित व्यक्तिले छुदैमा वा कुरा गर्दैमा कोरोना भाइरस सर्दैन’ ७ दिन पहिले | संसार न्यूज़

कोरोना संक्रमण कसरी सर्छ ? कति खतरनाक छ ? मृत्युदर…

भारतबाट नेपाली फर्काउन प्रवासी नेपाली संघ भारतको अनुरोध

भारतबाट नेपाली फर्काउन प्रवासी नेपाली संघ भारतको अनुरोध ४ हप्ता पहिले | संसार न्यूज़

२० वैशाख । प्रवासी नेपाली संघ भारत केन्द्रीय समितिले भारतमा…

मन्त्री पदमा अर्याललाई एक शिक्षिकाको पत्र, नक्शा बारे के भनेर पढाऊँ ?

मन्त्री पदमा अर्याललाई एक शिक्षिकाको पत्र, नक्शा बारे के भनेर पढाऊँ ? २ हप्ता पहिले | संसार न्यूज़

विद्यार्थीले 'लिपु, लिम्पियासहितको नेपालको नक्शा आईसक्यो, अहिलेको नक्शा त गलत…

कोरोनालाई जित्दै नेपाल, आजपनि संक्रमणबाट मुक्त भएर २१ जना घर फर्किए

कोरोनालाई जित्दै नेपाल, आजपनि संक्रमणबाट मुक्त भएर २१ जना घर फर्किए ५ दिन पहिले | संसार न्यूज़

९ जेठ, काठमाण्डौं । नेपालमा पछिल्लोपटक कोरोना संक्रमणबाट निको हुनेको…