Sansar News- Nepal's Fast Khabar Online News Portal

बाँझो जग्गा सदुपयोगमा यसो गर्दैछ, महाशिला गाउँपालिका

कृष्ण शर्मा, पर्वत
४ महिना पहिले
बाँझो जग्गा सदुपयोगमा यसो गर्दैछ, महाशिला गाउँपालिका

३० वैशाख, काठमाडौँ । लकडाउनको सदुपयोग गर्दै पर्वत जिल्लाको महाशिला गाउँपालिका वडा न. ३ बालाकोटले बाँझो जमिनमा व्यवसायिक कफी र केरा खेती सुरू गर्ने भएको छ ।

कृषि क्षेत्रको लागि उपयुक्र्त क्षेत्र मानिने भएकाले सो वडामा कफी लगायत अन्य व्यवसायिक खेती सुरू गर्न लागिएको गाउँपालिका अध्यक्ष राजु पौडेलले बताए ।

महाशिलाको वडा न ३ बालाकोटका गाउँमा रहेका युवाहरूलाई रोजगारी दिन र बालाकोटमा कृषिको क्रान्ति गरि परिवर्तन गर्ने उद्येश्यले ५० रोपनी जग्गा भाडामा लिएर कफि उत्पादन सुरू गर्न लागेको वडा अध्यक्ष रोशन गुरूङले बताए ।

उनले आगामी बर्ष जग्गाको दायरा बढाएर गाउँमा बाँझो रहेको २०० रोपनी जग्गा भाडामा लिइ अन्य कृषिखेती समेत गरिने योजना रहेको बताए ।

वडा अध्यक्ष गुरूङ लकडाउनको सदुपयोग गरि गाउँका युवाहरूलाई भेला गरी बाँझो जग्गा फडानी, सिचाई लगायत बिरूवाहरू रोप्नका लागि खाडल खन्ने काममा कस्सिएका छन् । उनी वडाका युवाहरूलाई बिदेश जानबाट रोक्ने मुख्य उद्येश्य रहेको बताउँछन् ।

यसबर्ष जेष्ठ अन्तिमसम्ममा करिब ५ हजार कफिका बिरुवा रोपिने र कफिको छहारीको लागि व्यवसायिक रूपमै २५ सय केराका बिरूवा रोपिने वडा लेखा सहायक बिमल रिजालले जानकारी दिए । वडाको संयोजनमा अहिले अन्य तरकारी खेतीहरू पनि गरिएको छ ।

पछिल्लो केही बर्ष देखि व्यवसायिक रूपमै पर्वतमा कफी खेती सुरू भएको जिल्ला कृषि विकास कार्यालय पर्वतले जनाएको छ । गण्डकी प्रदेशमा ४ सय २२ मेट्रिक टन कफी उत्पादन हुँदै आएको छ । प्रदेशका ८ जिल्लामा कफीको व्यवसायिक खेती गरिँदै आएको सर्वेक्षणले पनि देखाएको छ । सबैभन्दा धेरै स्याङ्जा जिल्लामा ३७।८ प्रतिशत र सबैभन्दा कम म्याग्दीका ०।७ प्रतिशत किसानले कफीको व्यावसायिक खेती गर्दै आएका छन् ।

सर्बाधिक पढिएको

वैद्य र विप्लवको अगुवाईमा पूर्वमाओवादी एक हुँदै, सत्तारुढ नेकपामा जाँदैछ पहिरो

वैद्य र विप्लवको अगुवाईमा पूर्वमाओवादी एक हुँदै, सत्तारुढ नेकपामा जाँदैछ पहिरो ५ दिन पहिले | समर शर्मा

काठमाडौं । विभाजन र टुटफुटले सकिन लागेको माओवादी आन्दोलन फेरि…

३० वर्षे कलिलो उमेरमै बेलायतमा अस्ताए एक नेपाली युवा

३० वर्षे कलिलो उमेरमै बेलायतमा अस्ताए एक नेपाली युवा १ हप्ता पहिले | संसार न्यूज़

२५ भदौ, युके । बेलायतमा एक नेपाली युवाको मृत्यु भएको…

काण्डै काण्डले चर्चित बने कांग्रेस मेयर शिव गिरी, यस्ता छन् उनका ६ काण्ड

काण्डै काण्डले चर्चित बने कांग्रेस मेयर शिव गिरी, यस्ता छन् उनका ६ काण्ड १ हप्ता पहिले | संसार न्यूज़

काठमाडौं । स्याङ्जा जिल्ला चापाकोट नगरपालिकाका मेयरमा नेपाली कांग्रेशका पुराना…

निरन्तर ओरालो लाग्दै सुनको भाउ, हेर्नुहोस् कति छ त आज प्रतितोला ?

निरन्तर ओरालो लाग्दै सुनको भाउ, हेर्नुहोस् कति छ त आज प्रतितोला ? ३ हप्ता पहिले | संसार न्यूज़

९ भदौ, काठमाडौं । निरन्तर उकालो लागेर लाख नाघेको सुनको…