Sansar News- Nepal's Fast Khabar Online News Portal

फोटो पत्रकारद्धारा मुगुका अपाङ्ग तथा असाहयलाई राहत सहयोग

संसार न्यूज़
४ महिना पहिले
फोटो पत्रकारद्धारा मुगुका  अपाङ्ग तथा असाहयलाई राहत सहयोग

१ जेठ, मुगु । धन कमाउन बिदेशतिर गएका एक फोटो पत्रकारले मुगुको छायाँनाथ रारा नगरपालिकाभित्रका ५६ जना गरिव,अपाङ्ग असहाय ब्यक्तिलाई राहत सहयोग गरेका छन् ।

नाइजेरियामा रहेका हिस्टोरिज अफ नेपालका फोटो पत्रकार जयदेब पौडेलले लकडाउनको अबस्थामा बिहान बेलुका छाक टार्न कठिन भएका अपाङ्ग, असहाय तथा एकल महिलालाई जीवन निर्बाह गर्न मुश्किल नहोस् भन्ने हेतुले खाद्यबस्तु उपलब्ध गराएका छन् ।

नगरपालिकाको वडा नं १ देखि १४ सम्मका अपाङ्ग एकल महिला असहाय गरि करिव ५६ जनालाई १५ किलो चामल, ४ किलो दाल, एक लिटर तेल, ३ वटा नुहाउने सावुन र १ केजी नुन उपलब्ध गराएका हुन् ।

पत्रकार पौडेलले नेपाल पत्रकार महासंघ मुगु शाखासँग समन्वय सहकार्य गरी नाइजेरियाबाट रकम उपलब्ध गराएर महासंघले जिल्लामै खाद्य बस्तु खरिद गरि महासंघकै पदाधिकारी प्रत्येक गाउँमा पुगेर राहत बितरण गरेका छन् ।

उक्त राहत बितरण कार्यक्रममा नेपाल पत्रकार महासंघ मुगु शाखाका अध्यक्ष नृपेन्द्र बहादुर मल्ल, कान्तिपुर दैनिकका उपसंपादक राजबहादुर शाही, अन्नपूर्ण पोष्ट दैनिकका संवाददाता जीवन सेजुवाल, न्यूज २४ का संवाददाता दान बहादुर बुढा र हिरिस्डेक संस्थाका कार्यकारी निर्देशक मिन बहादुर रावल लगायत टोली खटिएको थियो ।

लकडाउनले उकुस-मुकुस भइरहेको अबस्थामा दैलोमै बिपन्न ब्यक्तिले राहत पाउदा हर्षित भएका छन् । लकडाउनले पेट पाल्न मुश्किल भएको बताउँदै नगरपालिका-५ कि अपाङ्गता भएकी नानीभाउ कामीले भनिन्,’ राहत पाउदा धेरै खुशीलाग्यो ।’

पौडेलले १ लाख ७ हजार ८ सय बराबरको खाद्यान्न मुगुका अपाङ्ग, असाहय र एकल महिलालाई सहयोग गरेको राहत बितरणमा सहभागी संचारकर्मी जीवन सेजुवालले बताए ।

नगरपालिकाभित्रका वडाअध्यक्षले गरेको सिफारिसका आधारमा राहत बाड्ने काम गरिएको हो ।
लामो समयदेखिको लकडाउनले गर्दा छाक टार्न मुश्किल भएका गरिव परिवारलाई फोटो पत्रकार पौडेलको राहतले गर्दा सहज भएको नेपाल पत्रकार महासंघ मुगु शाखाका अध्यक्ष नृपेन्द्रबहादुर मल्लले बताए ।

आगामी दिनहरुमा पनि पौडेलले मुगुका गरिव असाहय परिवारलाई सहयोग तथा बिकास निर्माण सहयोगको थप अपेक्षा गरिएको उनको भनाई छ । सोही राहत बितरण कार्यक्रममा नगरपालिका वडाअध्यक्षहरुले पनि सहभागीता जनाएका थिए ।

सर्बाधिक पढिएको

वैद्य र विप्लवको अगुवाईमा पूर्वमाओवादी एक हुँदै, सत्तारुढ नेकपामा जाँदैछ पहिरो

वैद्य र विप्लवको अगुवाईमा पूर्वमाओवादी एक हुँदै, सत्तारुढ नेकपामा जाँदैछ पहिरो २ हप्ता पहिले | समर शर्मा

काठमाडौं । विभाजन र टुटफुटले सकिन लागेको माओवादी आन्दोलन फेरि…

३० वर्षे कलिलो उमेरमै बेलायतमा अस्ताए एक नेपाली युवा

३० वर्षे कलिलो उमेरमै बेलायतमा अस्ताए एक नेपाली युवा २ हप्ता पहिले | संसार न्यूज़

२५ भदौ, युके । बेलायतमा एक नेपाली युवाको मृत्यु भएको…

काण्डै काण्डले चर्चित बने कांग्रेस मेयर शिव गिरी, यस्ता छन् उनका ६ काण्ड

काण्डै काण्डले चर्चित बने कांग्रेस मेयर शिव गिरी, यस्ता छन् उनका ६ काण्ड २ हप्ता पहिले | संसार न्यूज़

काठमाडौं । स्याङ्जा जिल्ला चापाकोट नगरपालिकाका मेयरमा नेपाली कांग्रेशका पुराना…

निरन्तर ओरालो लाग्दै सुनको भाउ, हेर्नुहोस् कति छ त आज प्रतितोला ?

निरन्तर ओरालो लाग्दै सुनको भाउ, हेर्नुहोस् कति छ त आज प्रतितोला ? ४ हप्ता पहिले | संसार न्यूज़

९ भदौ, काठमाडौं । निरन्तर उकालो लागेर लाख नाघेको सुनको…