Sansar News- Nepal's Fast Khabar Online News Portal

दिल्लीमा अलपत्र पर्वेतेलीलाई अन्तराष्ट्रिय पर्वत समाजद्धारा खाद्यान्न र नगद सहयोग

संसार न्यूज़
२ हप्ता पहिले
दिल्लीमा अलपत्र पर्वेतेलीलाई अन्तराष्ट्रिय पर्वत समाजद्धारा खाद्यान्न र नगद सहयोग

१ जेठ,पर्वत । प्रवासी पर्वतेलीहरुको साझा संस्था अन्तराष्ट्रिय पर्वत समाजले लकडाउनका कारण भारतको दिल्लीमा अलपत्र परेका पर्वतेलीलाई खाद्यान्न सहित आर्थिक सहयोग गरेको छ ।

विश्वभर फैलिएको कोरोना भाइरस (कोभिड–१९) को संक्रमण नियन्त्रण र रोकथामका लागि जारी लकडाउनका कारण समस्यामा परेका महिला र बच्चाहरु सहित ४० जना पर्वतेलीलाई सहयोग गरेको हो । अलपत्र परेका मजदुर पर्वतको कुस्मा नगरपालिका १० पिपलटारीका बासिन्दा हुन् । उनीहरुलाई प्रतिव्यक्ति भारु १५ सय बरावरको खाद्यान्न र नगद ५ सय रुपैयाँ भारु वितरण गरेको अन्तराष्ट्रिय पर्वत समाजका अध्यक्ष पुरन गिरीले जानकारी दिएका छन् ।

काम गर्दै आएका होटल तथा उद्योगहरू बन्द भएपछि झन्डै ४० दिनदेखि एउटै ‘बिल्डिङ’ मा थुनिएर बसेको र कोहीसँग पनि रासन कार्ड नभएका कारण भारत सरकारले पनि कुनै सुविधा र चासो नदिएको कारण उनीहरुले लामो समयदेखी समस्या भोग्दै आएका थिए ।

समस्यामा परेका मजदुरले सरकारसंग उद्दारका लागि माग गरेपनि सुनुवाई भएको थिएन । दिल्लीमा पर्वतेली नागरिक लकडाउनका कारण अलपत्र परेको खवर अन्तराष्ट्रिय पर्वत समाजमा प्राप्तभए सँगै ८० हजार भारु सहयोग गरिएको अध्यक्ष गिरीले बताए ।

उक्त सहयोग सामग्री बिहिवार (आज) पर्वत आर्थर घर भै दिल्लीमा बस्दै आउनु भएकी समाजसेवी मेरी गुरुङ ‘सुश्मा’ र अर्जुन गुरुङको समन्वयमा उनीहरुलाई राहात स्वरुप खाद्यान्न र नगद वितरण गरिएको छ । पीडितहरु सँग अन्तराष्ट्रिय पर्वत समाजका मध्यपूर्व संयोजक कमल लामिछानेले समन्वय गरेका थिए ।

राहात पाएपछि पीडितहरुले खुशी व्यक्त गरेका छन् । ‘हामी गाँस न बासको अवस्थामा पुग्नै लागेका थियौँ, सबैको अवस्था हरेक दिन दर्दनाक बन्दै गइरहेको थियो, सोही समूहका नवीन दर्जीले भने,‘अधिकाँशले बषौँदेखि होटल तथा रेष्टुरेन्टहरुमा काम गदै आएका थियौँ भने केहीले बिद्युतीय सामग्रीहरु बिक्रि गर्ने पसलमा हेल्परको काम गदै आएका थियौँ,।’ ‘विश्वभरि महामारीको रुपमा फैलिएको कोरोना भाइरसको कारण भारत सरकारले लकडाउन गरेकाले हामी बेरोजगार भएका थियौँ । हामीले गरेको अनुरोध र हाम्रा अवस्थाप्रति सहानुभूति प्रकट गदै अन्तराष्ट्रिय पर्वत समाजले गरेको सहयोग प्रति अत्यन्तै आभारी छौँ,’–दर्जीले भने ।

समाजले यस पुण्य कार्यमा साथ दिने सम्पुर्ण सहयोगीमनहरु सगै हाम्रो अनुरोधलाई स्विकार्दै हस्तान्तरणमा समन्वय गरिदिएकोमा पर्वत आर्थर घर भै दिल्लीमा बस्दै आएकी समाजसेवी मेरी गुरुङ ‘सुश्मा’ र अर्जुन गुरुङलाई धन्यवाद सहित आभार व्यक्त गरेको छ ।

विश्वभरि फैलिएको कोरोना भाइरसको जोखिमलाई मध्येनजर गदै अन्तराष्ट्रिय पर्वत समाजले आपतकालिन राहात कोष स्थापना गरेको छ । कोष मार्फत कोरोनाका कारण अप्ठ्यारोमा परेको प्रवासी पर्वतेलीहरुलाई सहयोग गदै आएको छ ।

समाजले केही दिन अगाडी जिल्ला अस्पताल पर्वतलाई समेत ३२ थान पीपीई लगायतका स्वास्थ्य सामग्री हस्तान्तरण गरिसकेको छ ।

समाजका महासचिव गुणराज शर्माले यो हामीले गरेको सानो सहयोग हो। सधै सबैलाई यसरी सहयोग गर्न पनि हामी सक्दैनौं तसर्थ स्थिति विकराल बन्दै गएको अवस्थामा नेपाल भन्दा बाहिर रहेका आफ्ना जिल्लाका नागरिकका समस्याको समाधानका लागि उचित पहल गर्न स्थानीय निकाय , निर्वा्चित प्रतिनिधिहरुलाई अनुरोध गरेका छन् ।

सर्बाधिक पढिएको

‘संक्रमित व्यक्तिले छुदैमा वा कुरा गर्दैमा कोरोना भाइरस सर्दैन’

‘संक्रमित व्यक्तिले छुदैमा वा कुरा गर्दैमा कोरोना भाइरस सर्दैन’ ६ दिन पहिले | संसार न्यूज़

कोरोना संक्रमण कसरी सर्छ ? कति खतरनाक छ ? मृत्युदर…

भारतबाट नेपाली फर्काउन प्रवासी नेपाली संघ भारतको अनुरोध

भारतबाट नेपाली फर्काउन प्रवासी नेपाली संघ भारतको अनुरोध ३ हप्ता पहिले | संसार न्यूज़

२० वैशाख । प्रवासी नेपाली संघ भारत केन्द्रीय समितिले भारतमा…

मन्त्री पदमा अर्याललाई एक शिक्षिकाको पत्र, नक्शा बारे के भनेर पढाऊँ ?

मन्त्री पदमा अर्याललाई एक शिक्षिकाको पत्र, नक्शा बारे के भनेर पढाऊँ ? २ हप्ता पहिले | संसार न्यूज़

विद्यार्थीले 'लिपु, लिम्पियासहितको नेपालको नक्शा आईसक्यो, अहिलेको नक्शा त गलत…

कोरोनालाई जित्दै नेपाल, आजपनि संक्रमणबाट मुक्त भएर २१ जना घर फर्किए

कोरोनालाई जित्दै नेपाल, आजपनि संक्रमणबाट मुक्त भएर २१ जना घर फर्किए ४ दिन पहिले | संसार न्यूज़

९ जेठ, काठमाण्डौं । नेपालमा पछिल्लोपटक कोरोना संक्रमणबाट निको हुनेको…