Sansar News- Nepal's Fast Khabar Online News Portal

बाल्टिमोरमा एक नेपालीको निधन

संसार न्यूज़
२ हप्ता पहिले
बाल्टिमोरमा एक नेपालीको निधन

१६ मे, बाल्टिमोर, अमेरिका । अमेरिकाको मेरिल्याण्डस्थित क्रफ्टनमा बस्दै आएका बैकुण्ठ लामिछानेको निधन भएको छ ।

४८ वर्षीय लामिछानेको बुधवार राती बाल्टिमोर वासिंगटन मेडिकल सेन्टरमा उपचाररत रहेकै अवस्थामा निधन भएको उनका पारिवारिक स्रोतले जानकारी दिएको छ ।

लामिछाने जन्डिसबाट पीडित रहेको र उपचारमै रहेको बताइएको छ । उनी केही साता पहिले पनि अस्पतालमा पुगेका थिए । लामिछाने आफ्नी श्रीमती र छोरीका साथ विगत केही वर्षदेखि क्रफ्टनमा बस्दै आइरहेका थिए । जन्डिसका कारण कलेजो र फोक्सो समेत ड्यामेज भएको र त्यही कारण निधन भएको बताइएको छ ।

उनको पुख्यौली थलो पर्वतको कुश्मा हो भने उनका परिवारका अन्य सदस्यहरु अहिले बसाई सराइ गरी चितवनमा बस्दै आएका छन् । लामिछाने १५ वर्ष देखि अमेरिकामा बस्दै आएका थिए ।

नेपाली मूलको पहिलो निर्वाचित जनप्रतिनिधिका रुपमा मेरिल्याण्ड राज्यका सांसद डेलिगेट ह्यारी भण्डारीले लामिछानेको दाहसंस्कारका लागि श्रोत जुटाउने र दाहसंस्काका लागि सहयोग गरेका थिए । ‘परिवारका सदस्य र छिमेकीहरुको अनुरोधमा’ आफूले सहयोग गरेको उनले बताए ।

डेलिगेट भण्डारी कोरोना संक्रमणका कारण न्यूयोर्कमा निधन भएका नेपालीहरुको दाहसंस्कारका लागि राज्यका सम्बन्धित सरकारी निकायसंग समन्वय गरी शवदाहको प्रबन्ध गराउन सक्रियतापूर्वक काम गरिरहेका छन् ।

क्रफ्टन आसपास बस्ने नेपालीहरुले लामिछानेकी श्रीमती र छोरीलाई सहयोग गर्न ‘फ्रेन्ड्स अफ क्रफ्टन’ मार्फत आर्थिक संकलन सुरु गरेका छन् ।

सर्बाधिक पढिएको

‘संक्रमित व्यक्तिले छुदैमा वा कुरा गर्दैमा कोरोना भाइरस सर्दैन’

‘संक्रमित व्यक्तिले छुदैमा वा कुरा गर्दैमा कोरोना भाइरस सर्दैन’ ७ दिन पहिले | संसार न्यूज़

कोरोना संक्रमण कसरी सर्छ ? कति खतरनाक छ ? मृत्युदर…

भारतबाट नेपाली फर्काउन प्रवासी नेपाली संघ भारतको अनुरोध

भारतबाट नेपाली फर्काउन प्रवासी नेपाली संघ भारतको अनुरोध ४ हप्ता पहिले | संसार न्यूज़

२० वैशाख । प्रवासी नेपाली संघ भारत केन्द्रीय समितिले भारतमा…

मन्त्री पदमा अर्याललाई एक शिक्षिकाको पत्र, नक्शा बारे के भनेर पढाऊँ ?

मन्त्री पदमा अर्याललाई एक शिक्षिकाको पत्र, नक्शा बारे के भनेर पढाऊँ ? २ हप्ता पहिले | संसार न्यूज़

विद्यार्थीले 'लिपु, लिम्पियासहितको नेपालको नक्शा आईसक्यो, अहिलेको नक्शा त गलत…

कोरोनालाई जित्दै नेपाल, आजपनि संक्रमणबाट मुक्त भएर २१ जना घर फर्किए

कोरोनालाई जित्दै नेपाल, आजपनि संक्रमणबाट मुक्त भएर २१ जना घर फर्किए ५ दिन पहिले | संसार न्यूज़

९ जेठ, काठमाण्डौं । नेपालमा पछिल्लोपटक कोरोना संक्रमणबाट निको हुनेको…