Sansar News- Nepal's Fast Khabar Online News Portal

तराईका जिल्लामा २ सय शैथ्याको आइसोलेशन बनाउने प्रदेश ५ को निर्णय

संसार न्यूज़
३ हप्ता पहिले
तराईका जिल्लामा २ सय शैथ्याको आइसोलेशन बनाउने प्रदेश ५ को निर्णय

३ जेठ,परासी । प्रदेश नं ५ का मुख्यमन्त्री शङ्कर पोखरेलले कोरोना सङ्क्रणको महामारीलाई ध्यानमा राखी प्रत्येक जिल्लामा आइसोलेशन सेन्टर बनाइने बताउनुभएको छ । तराईका जिल्लामा २०० शय्या र पहाडी जिल्लामा कम्तीमा ५० शय्याको आइसोलेशन सेन्टर बनाउने प्रदेश सरकारले निर्णय गरेको उनले बताएका छन् ।

नवलपरासी(बर्दघाट–सुस्ता पश्चिम) जिल्लामा कोभिड –१९ रोकथाम तथा नियन्त्रणका सन्दर्भमा भइरहेका पहल र आगामी रणनीतिका विषयमा आज सुनवलमा सरोकार पक्षसँग छलफल गर्दै मुख्यमन्त्री पोखरेलले भने, “कोरोना सङ्क्रमित बढ्दै जाँदा कोभिड अस्पतालमा क्षमता कम रहेकाले लक्षण नदेखिएका सङ्क्रमितलाई आइसोलेशन सेन्टरमा र लक्षण देखिएकालाई कोरोना विशेष अस्पतालमा राखेर उपचार गर्ने व्यवस्था मिलाएका छौँ, तपाईहरु भोलिदेखि नै उचित ठाउँमा आइसोलेशन सेन्टर बनाउन लाग्नुस् ।”

कोरोना सङ्क्रमितको उपचारको जिम्मा प्रदेश सरकारले लिने बताउँदै मुख्यमन्त्री पोखरेलले आइसोेलेशन सेन्टरमा हुने खानपानलगायत नियमित खर्च प्रदेश कोभिड कोषबाट उपलब्ध गराइने बताए । मुख्यमन्त्री पोखरेलले बन्दाबन्दीका कारण प्रभावित अतिविपन्न नागरिकलाई सिँत्तैमा नभई रोजगारीमा आधारित राहत प्रदान गर्न स्थानीय तहका प्रमुखलाई आग्रह गरे । उनले कोभिड –१९ विरुद्धको सङ्घर्षसँगै उत्पादनलाई जोड दिनुपर्ने उल्लेख गर्दै भन्नुभयो, “सामाजिक दूरी कायम गरी कृषि कार्यलाई अगाडि बढाउन प्रेरित गर्नुहोस्, राजनीतिक दलले स्थानीय तहले गरेका कोरोना नियन्त्रणमा गरिरहेका काममा सहयोग गर्नुहोस्, स्थानीय तहले पनि दलसँग आवश्यक सल्लाह लिनुहोस्, यो प्रतिस्पर्धा गर्नेभन्दा सहकार्य गर्ने बेला हो ।”

उक्त अवसरमा भौतिक पूर्वाधार विकासमन्त्री वैजनाथ चौधरी, जिल्ला समन्वय समितिका प्रमुख शिवशङ्कर राय, प्रमुख जिल्ला अधिकारी वासुदेव दाहाल, स्वास्थ्य कार्यालय प्रमुख गौरव ढकाल तथा सातै स्थानीय तहका प्रमुखले जिल्लामा कोरोना नियन्त्रणमा भइरहेका प्रयासबारे जानकारी गराउँदै शङ्कास्पदको पिसिआर परीक्षणको दायरा बढाउन माग गरेका थिए । रासस

सर्बाधिक पढिएको

‘संक्रमित व्यक्तिले छुदैमा वा कुरा गर्दैमा कोरोना भाइरस सर्दैन’

‘संक्रमित व्यक्तिले छुदैमा वा कुरा गर्दैमा कोरोना भाइरस सर्दैन’ २ हप्ता पहिले | संसार न्यूज़

कोरोना संक्रमण कसरी सर्छ ? कति खतरनाक छ ? मृत्युदर…

मन्त्री पदमा अर्याललाई एक शिक्षिकाको पत्र, नक्शा बारे के भनेर पढाऊँ ?

मन्त्री पदमा अर्याललाई एक शिक्षिकाको पत्र, नक्शा बारे के भनेर पढाऊँ ? ३ हप्ता पहिले | संसार न्यूज़

विद्यार्थीले 'लिपु, लिम्पियासहितको नेपालको नक्शा आईसक्यो, अहिलेको नक्शा त गलत…

कोरोनालाई जित्दै नेपाल, आजपनि संक्रमणबाट मुक्त भएर २१ जना घर फर्किए

कोरोनालाई जित्दै नेपाल, आजपनि संक्रमणबाट मुक्त भएर २१ जना घर फर्किए २ हप्ता पहिले | संसार न्यूज़

९ जेठ, काठमाण्डौं । नेपालमा पछिल्लोपटक कोरोना संक्रमणबाट निको हुनेको…

वीरगन्जबाट आयो खुसीको खबर, आज एकैपटक ४३ जना कोरोना संक्रमित डिस्चार्ज

वीरगन्जबाट आयो खुसीको खबर, आज एकैपटक ४३ जना कोरोना संक्रमित डिस्चार्ज १ हप्ता पहिले | संसार न्यूज़

१२ जेठ, काठमाण्डौं । वीरगन्जको नारायणी उपक्षेत्रिय अस्पतालमा उपचाररत ४३…