Sansar News- Nepal's Fast Khabar Online News Portal

अमेरिकाले १ हप्ता अघि मात्र लकडाउन सुरु गरेको ३६ हजार भन्दा कम नागरिकको मात्र मृत्यु हुन्थ्यो–अध्ययन

संसार न्यूज़
२ हप्ता पहिले
अमेरिकाले १ हप्ता अघि मात्र लकडाउन सुरु गरेको ३६ हजार भन्दा कम नागरिकको मात्र मृत्यु हुन्थ्यो–अध्ययन

८ जेठ । कोरोना रोकथाममा हामी सामाजिक दुरी कायम गर्ने, लकडाउनको पालना गर्ने कुरालाई गम्भिर रुपमा लिँदैनौँ तर कोरोना भाइरस विरुद्ध यो कति अनिवार्य हो भन्ने कुरा हालै सार्वजनिक भएको एक तथ्यले पुष्टि गरेको छ ।

अमेरिकाले १ हप्ता अघि मात्र सामाजिक दुरी कायम गर्न बन्दाबन्दी(लकडाउन) सुरु गरेको भए अमेरिकामा मर्नेको संख्या ३६ हजार भन्दा कम हुन्थ्यो भन्ने तथ्य एक अध्ययनले देखाएको छ । कोलोम्बो विश्वविद्यालयको एक अध्ययनले उक्त नयाँ तथ्य बाहिर ल्याएको हो ।

यदि अमेरिकाले शहरहरुमा मार्च १ देखि नै मान्छेहरुले लकडाउन सुरु गरेको भए, त्यहाँका नागरिकले घरमै बसेर लकडाउनको पालना गरेको भए अहिलेको मृत्युमा ८३ प्रतिशत भन्दा कम मात्र मान्छेको कोरोनाका कारण मृत्यु हुन्थ्यो भन्ने उक्त अध्ययनले तथ्य सार्वजनिक गरेको छ ।

अध्ययनका अनुसार पहिल्यै लकडाउन नगरी कुरेर बस्नुको परिणाम अमेरिकी नागरिकले ठूलो क्षति भोग्नु परेको हो । यदि बेलैमा लकडाउनका पालना गरेको भए न्यूयोर्क, न्यू अर्लिन्स र अन्य महत्वपूर्ण सहरहरुमा अप्रिलमा बढेको कोरोना संक्रमण यस्तो डरलाग्दो अवस्थामा पुग्ने थिएन ।

अझ अगाडिबाटै सामाजिक दुरी लागू गरेको भए अझ कम मान्छेको मात्र मृत्यु हुन्थ्यो भन्ने पनि उक्त अध्ययनले देखाएको छ ।

कोरोना संक्रमण बढिरहेको समयमै सानै निर्णय लिँदा पनि कति ठूलो फरक पर्दो रहेछ अर्थात् कति ठूलो संख्यामा मृत्यु घटाउन सकिने रहेछ भन्ने यो तथ्यले देखाएको अध्ययन टिमका जेफ्रि स्यामले बताएका छन् ।

अहिलेसम्म अमेरिकामा ९४ हजार बढी मानिसको मृत्यु भएको छ भने झण्डै १६ लाख नागरिकमा कोरोना संक्रमणको पुष्टि भएको छ ।

(एजेन्सी)

सर्बाधिक पढिएको

‘संक्रमित व्यक्तिले छुदैमा वा कुरा गर्दैमा कोरोना भाइरस सर्दैन’

‘संक्रमित व्यक्तिले छुदैमा वा कुरा गर्दैमा कोरोना भाइरस सर्दैन’ २ हप्ता पहिले | संसार न्यूज़

कोरोना संक्रमण कसरी सर्छ ? कति खतरनाक छ ? मृत्युदर…

भारतबाट नेपाली फर्काउन प्रवासी नेपाली संघ भारतको अनुरोध

भारतबाट नेपाली फर्काउन प्रवासी नेपाली संघ भारतको अनुरोध ४ हप्ता पहिले | संसार न्यूज़

२० वैशाख । प्रवासी नेपाली संघ भारत केन्द्रीय समितिले भारतमा…

मन्त्री पदमा अर्याललाई एक शिक्षिकाको पत्र, नक्शा बारे के भनेर पढाऊँ ?

मन्त्री पदमा अर्याललाई एक शिक्षिकाको पत्र, नक्शा बारे के भनेर पढाऊँ ? ३ हप्ता पहिले | संसार न्यूज़

विद्यार्थीले 'लिपु, लिम्पियासहितको नेपालको नक्शा आईसक्यो, अहिलेको नक्शा त गलत…

कोरोनालाई जित्दै नेपाल, आजपनि संक्रमणबाट मुक्त भएर २१ जना घर फर्किए

कोरोनालाई जित्दै नेपाल, आजपनि संक्रमणबाट मुक्त भएर २१ जना घर फर्किए २ हप्ता पहिले | संसार न्यूज़

९ जेठ, काठमाण्डौं । नेपालमा पछिल्लोपटक कोरोना संक्रमणबाट निको हुनेको…