Sansar News- Nepal's Fast Khabar Online News Portal

सीमा समस्याः नेपाली पत्रकारिताको अग्नि परीक्षा

संसार न्यूज़
६ दिन पहिले
सीमा समस्याः नेपाली पत्रकारिताको अग्नि परीक्षा

नेपाल सरकारले कालापानी, लिपुलेक र लिम्पियाधुरा सहितलाई समेटेर देशको नक्सा अद्यावधिक गर्याे ।
तथ्य र प्रमाणका आधारमा देशको नक्सा अद्यावधिक गरिएको सरकारले प्रष्ट रूपमा जनायो पनि । त्यति मात्र होइन, सरकारले भारतले हडपेको भूमि फिर्ता लिएरै छाड्ने उद्घोष पनि गर्यो । जसका लागि कुटनीतिक प्रयासलाई प्राथमिकतामा राखेको सरकारले बताएको छ । कुटनीतिक प्रयास सफल हुने सरकारको बिश्वास छ । कुटनीतिक प्रयास सफल नभए अरु बिकल्प पनि छन् तर ती विषयमा नेपाल सरकार मौन छ । मौन हुन जरूरी पनि छ ।

गुमेको जमिन फिर्ता लिनेकुरामा नेपाल सरकार र सरकारमा रहेको दल नेकपा मात्र होइन, प्रमुख प्रतिपक्षी दल नेपाली काँग्रेस पनि एक ठाउँमा छ । त्यसको दर्बिलो उदाहरण काँग्रेसका नेता मिनेन्द्र रिजालले हालै एक भारतीय टेलिभिजनसँगको कुराकानीमा दिएको अभिव्यक्ति हो । गुमेको नेपाली भूमि फिर्ताको लागि नेपाली नागरिकको समान धारणा छ । मतलब गुमेको भूमि फिर्ता लिनेकुरामा सिङ्गो नेपाल एक छ ।

विषायन्तरको प्रयास
नेपाल सरकारले कालापानी, लिपुलेक र लिम्पियाधुरा सहितलाई समेटेर देशको नक्सा अद्यावधिक गरेपछि भारतले यो मुद्दालाई विषायन्तरको प्रयास गरिरहेको छ । भड्काउको स्थिती सृजना गर्न भारत लागेको देखिन्छ ।

भारतीय जनतालाई राष्ट्रियताको सवालमा एक बनाई नेपाली मुलका भारतीय र भारतलाई कर्मथलो बनाएकालाई लगाम लगाउने प्रयास भएको देखिन्छन् ।

मनिषा किन भइन् शिकार ?

भारतीय मिडिया नेपाली मुल कि नायिका मनिषा कोइरालाविरुद्ध खनिएका छन् । कर्मथलो भारतलाई बनाएकी नायिका यतिवेला भारतीय मिडियाको सिकार भएकी छिन् । यति सम्मकी भारतीय नागरिक एकाएक मनिषा विरुद्ध खनिएका छन् । नेपालले देशको नक्सा अद्यावधिक गरेसँगै सो विषयमा टिप्पणी गरेपछि मनिषालाई भारतीय मिडियाले कटु आलोचना गरेका छन् । ‘भारतको खाएर चीनको गीत गाएको’ आरोप खेप्नु परेको छ मनिषाले ।

मनिषाको खेदो गरेको भन्दा पनि यो विषय उचालेर भारतबाट सेवा सुविधा लिनेलाई चुप राख्ने र बोली बन्द गर्ने योजनालाई भारतीय मिडियाको प्रयोग गराएका हुन् भारतीय थिन्क ट्यांकहरुले । जसले भारतीय सेवा लिने नेपालीलाई मौन राख्न दबाब दिएको छ । ‘भारतीय मिडियाको मनिषा आक्रमण’ भारतीय सुविधा लिने सयौं नेपाली नेतामाथिको दवावमूलक आक्रमण हो । यो विषयमा चुप बस नभए हालत खराव गरिदिन्छौं भन्ने संकेतका रूपमा लिनुपर्छ ।

मिडिया धर्म एकातिर काम अर्कोतिर

देशको सार्वभौमसत्ता, अखण्डता र राष्ट्रियताको सवालमा मिडियाले सम्झौता गर्दैन, गर्नु पनि हुन्न । तर आवश्यकता भन्दा बढी मिडियाले गर्नु हुदैन । मिडियाको आफ्नो छुट्टै धर्म छ जो हो ‘सत्य’ । तर भारतीय मिडिया सत्य भन्दा पनि टिआरपीमा ध्यान दिन्छन् । उग्रवादी शैली अपनाएका छन् भारतीय मिडियाले, अहिले मात्र होइन पहिले देखि नै यस्तो शैली पनाउँदै आएका हुन् ।

झुटको खेती गर्दै राष्ट्रियताको सवालमा लागेका भारतीय मिडिया
जसलाई भारतीय थिन्क ट्यांकहरुले नै हौसाईरहेका छन् । भारतीय थिन्क ट्यांकहरुले त्यहाँका मिडियाहरूलाई भारतलाई शक्तिशाली देशका रूपमा चित्रण गर्न भनेका छन्, सोहि अनुरूप भारतीय मिडिया लागेका हुन् । भारतीय मिडियालाई बिश्वका शक्ति राष्ट्रले बिश्वास नै गर्दैनन् । तर पनि अफवाह फैलाउन नै उद्दत छन् भारतीय मिडिया ।

नेपाली मिडियाको अहिलेको काम प्रमाण पेश गर्नु हो

नेपालले यथेष्ट प्रमाणका साथ देशको नक्सा अद्यावधिक गरेको छ । तथ्य र प्रमाण बिश्वलाई पेश गर्ने अभिभारा यतिवेला नेपाली मिडियाले पूरा गर्नु पर्नेछ ।

घटनालाई अतिरन्जित बनाइरहेका भारतीय मिडियाले । भारतीय मिडियाको सामु नेपाली मिडियाले खास पत्रकरिता के हो सिकाउन जरुरी छ । पत्रकारिता पढाएर होइन, गुमेको भूमि यसकारण फिर्ता हुनुपर्छ भन्ने प्रमाण पेश गरेर ।

नेपाली मिडियाको काँधमा ठूलो जिम्मेवारी

कुनै खास समयमा खास उपलब्धि हासिल गर्न मिडियाको भूमिका महत्वपूर्ण हुनेगर्छ । मिडियाको भूमिका प्रभावकारी हुन सक्यो भने उपलब्धि संस्थागत हुन सक्छ । सार्वभौमसत्ता, राष्ट्रियताका सवालमा त झन् मिडियाको भूमिका अहम रहन्छ । अन्तरास्ट्रिय प्रभाव जमाएका राष्ट्रिय संचार संस्थाहरु एक ठाउँमा उभिन जरूरी छ । प्रभावकारी कलम चलाउन सम्पादक सहितको टिमले सामुहिक छलफल गरेर प्रमाण सहितका समाचार, रिपोर्ट र रिपोर्टिङ गर्न जरुरी छ ।

अहिले सम्म भारतीय मिडिया विना प्रमाणका कुरामा विषय अन्त मोड्न लागेको देखिन्छ । नेपाली मिडियाले मिसन तय गरेर निर्णायक कलम चलाउन आवश्यक छ । नेपाली मिडियाको काँधमा ठूलो जिम्मेवारी आएको छ । मिडियाको ताकत पुष्टि गर्ने समय आएको छ । नेपाली पत्रकारिताको अग्नि परीक्षा आएको छ यतिवेला । अग्नि परीक्षामा पास हुने आधार प्रसस्तै छन् । परीक्षाको तयारीमा जुट्न ढिला गर्नु हुन्न ।

सेना संयमित हुन जरुरी

भारतीय सेनाले हालै विवादास्पद अभिव्यक्ति दियो । त्यो नेपाली सेनालाई विवादमा तान्ने मनशायबाट उद्दत भएको मान्न सकिन्छ । नेपाली सेना यस्ता विवादमा फस्नु हुन्न । दुई देशसँगको सिमा विवाद भएकाले नेपाली सेना संयमित हुन जरुरी छ ।
चीनको चासो, पाकिस्तानको फाइदा लिने प्रबृत्तिप्रति बहुत चनाखो हुन जरुरी छ । अन्तरास्ट्रिय शक्ति केन्द्रसँग सरकार जोगिएर अघि बढ्नु पर्छ ।

नागरिकको भूमिका

आफ्नो मातृभूमिको हक, हित र अधिकार अनि स्वाभिमानको पक्षमा उभिएर उल्लेखनीय सत्कर्म, राष्ट्रसेवा र देशभक्तिको अभिव्यक्ति दर्शाउनु नै नागरिको कर्तव्य हो । हालको परिस्थिति सहज र सजिलो मोडमा छँदै छैन । संयमित हुन सकिएन भने समस्या सुल्झाउन सहज हुन्न । तसर्थ नागरिक संयमित भएर परिस्थितिलाई सहज बनाउने भूमिकामा लाग्नुपर्छ ।

सर्बाधिक पढिएको

‘संक्रमित व्यक्तिले छुदैमा वा कुरा गर्दैमा कोरोना भाइरस सर्दैन’

‘संक्रमित व्यक्तिले छुदैमा वा कुरा गर्दैमा कोरोना भाइरस सर्दैन’ ७ दिन पहिले | संसार न्यूज़

कोरोना संक्रमण कसरी सर्छ ? कति खतरनाक छ ? मृत्युदर…

भारतबाट नेपाली फर्काउन प्रवासी नेपाली संघ भारतको अनुरोध

भारतबाट नेपाली फर्काउन प्रवासी नेपाली संघ भारतको अनुरोध ४ हप्ता पहिले | संसार न्यूज़

२० वैशाख । प्रवासी नेपाली संघ भारत केन्द्रीय समितिले भारतमा…

मन्त्री पदमा अर्याललाई एक शिक्षिकाको पत्र, नक्शा बारे के भनेर पढाऊँ ?

मन्त्री पदमा अर्याललाई एक शिक्षिकाको पत्र, नक्शा बारे के भनेर पढाऊँ ? २ हप्ता पहिले | संसार न्यूज़

विद्यार्थीले 'लिपु, लिम्पियासहितको नेपालको नक्शा आईसक्यो, अहिलेको नक्शा त गलत…

कोरोनालाई जित्दै नेपाल, आजपनि संक्रमणबाट मुक्त भएर २१ जना घर फर्किए

कोरोनालाई जित्दै नेपाल, आजपनि संक्रमणबाट मुक्त भएर २१ जना घर फर्किए ५ दिन पहिले | संसार न्यूज़

९ जेठ, काठमाण्डौं । नेपालमा पछिल्लोपटक कोरोना संक्रमणबाट निको हुनेको…