२२ मे । अमेरिकामा कोरोना भाइरसबाट थप एक नेपालीको मृत्यु भएको छ ।
मेरिल्याण्ड जनरल एसेम्वलीका डेलिगेट हयारी भण्डारीले जानकारी दिए अनुसार कनेक्टिकट राज्यमा बस्दै आएका तनहुँ जिल्ला स्थायी घर भएका राज सेन ठकुरीको बुधवार साँझ कोरोन भाइरसका कारण मृत्यु भएको हो ।
५६ वर्षीय ठकुरी विगत १६ वर्षदेखि अमेरिका रहँदै आएका थिए । उनका साथीहरुले जानकारी दिए अनुसार उनी नेपालमा हुँदा कुसल राष्ट्रिय भलिबल खेलाडी थिए ।
ठकुरीको अन्तिम संस्कारका लागि हंगकंगमा रहेकी उनकी श्रीमतीसँग परामर्श गरि स्थानीय संगठनको साथ सहकार्यमा आबस्यक प्रक्रिया पुरा गर्न प्रयासरत रहेको जानकारी डेलिगेट भण्डारीले दिएका छन् ।
नेपाली अमेरिकी समाज, ब्रान्फोर्ड, कनेक्टिकटले ठकुरीको निधनमा दुःख व्यक्त गरेको छ । उनको असायमिक निधनप्रति दुख व्यक्त गर्दै शोकसन्तप्त परिवारप्रति हार्दिक समवेदना व्यक्त गरेको छ ।
वि.सं.२०७७ जेठ ९ शुक्रवार १०:२४ मा प्रकाशित