Sansar News- Nepal's Fast Khabar Online News Portal

कविताः जेय पथ

दीनानाथ पोख्रेल,इलाम
२ महिना पहिले
कविताः जेय पथ

कोरोना अति फैलियो भुवनमा ढाकेर चारैतिर ।
जित्ने साहससाथ जम्न म सकूँ फ्याँकी नराम्रा पिर ।।
हो के जीव अजीव ? छन् बहसमा विज्ञानका पारखी ।
खोजी विश्व भरी हुँदै छ अहिले भेटिन्छ रे औषधि ।।०१।।

सारा विश्व भरी घुमी फनफनी लाखौँ लुट्यो मानव ।
फ्याँकूँ त्रास बसेर नित्य घरमा सङ्लिन्छ सिङ्गै भव ।।
आशा निम्न बने रहन्न सँगमा सामथ्र्य आफ्नै बुझी ।
आशाभाव विचार उच्च म धरूँ जित्ने छु पक्कै उठी ।।०२।।

मान्छे लिन्छ जिजीविषा भय बढी गाल्ने छ आफ्नै हियो ।
मैले जित्दछु भावना दृढ लिए गाडिन्छ पक्की मियो ।।
हाहाकार विनास भाव द्विविधा चित्कार छ्न् त्रास छन् ।
कालो भाग्छ बिहान खुल्छ रविको न्यानो सही आश छन् ।।०३।।

आफैँले दिलमा लिएर द्विविधा मिल्दैन सङ्लो पथ ।
बिग्रोस् मर्मत गर्नुपर्छ अनि पो गुड्नेछ सप्री रथ ।।
कोरोना अब त्रास छर्न भवमा सक्दैन धेरै दिन ।
आफ्नो चेत यही सुचिन्तन धरोस् फर्कन्छ रम्ने दिन ।।०४।।

वर्षा शीत तुषार पात हिमले खाँदा निराशा थियो ।
आयो योग्य वसन्त सौम्य भवमा बालेर आशा दियो ।।
गर्छन् खोज अवश्य औषध नयाँ नासिन्छ यो कोभिड ।
आफू स्वस्थ हुने सुयोग्य घर हो भित्रै बसे भो हित ।।०५।।

खुल्ला स्थान अपार खुल्छ महिमा शिक्षा नयाँ पाइयो ।
डुल्ने कर्म विनाश गर्छ यसले सद्भावना गाइयो ।।
कोरोनासित युद्ध जित्न घरमा हाँसूँ र गाऊँ बसी ।
साँच्चै कोभिड हार्छ देख्छ मन यो विज्ञानका छन् दसी ।।०६।।

चुँड्दै लान्छ अनेक मानव लुटी खप्नै छ मैले सब ।
छन् विज्ञान कला सुवासित भला सङ्लिन्छ सिङ्गै भव ।।
कोरोनासित लड्न दिव्य पथमा आभा सुनौलो छरूँ ।
आफ्नै चेत अयोग्य बोक्दछ भने फ्याँकी उज्यालो धरूँ ।।०७।।

औँसीका पछि पक्ष फिर्दछ सुदी जाने बुझेको सब ।
हूस्सूझैँ मन यो विकार नधरोस् खुल्ने छ राम्रो पथ ।।
चिन्ता दूर गरूँ सुभाव दिलमा राख्दा खुसी खुल्दछ ।
कोरोना भवबाट भाग्दछ बुझूँ उल्लासले चुम्दछ ।।०८।।

छन्दः शादूर्ल्विक्रीडित

सर्बाधिक पढिएको

हाँसीखुसी विवाह मण्डपबाट विदा गरेकी छोरीले जब दुलाहाको घर नपुग्दै आत्महत्याको बाटो रोजिन्

हाँसीखुसी विवाह मण्डपबाट विदा गरेकी छोरीले जब दुलाहाको घर नपुग्दै आत्महत्याको बाटो रोजिन् ४ हप्ता पहिले | संसार न्यूज़

२ असार, काठमाण्डौं । हाँसी खुसी विवाहको मण्डपबाट विदा भएकी…

आज १४६२ जनाले कोरोनालाई जितेर घर फर्किए, निको हुनेको संख्या ४६५६ पुग्यो

आज १४६२ जनाले कोरोनालाई जितेर घर फर्किए, निको हुनेको संख्या ४६५६ पुग्यो २ हप्ता पहिले | संसार न्यूज़

१७ असार, काठमाण्डौं । नेपालमा पछिल्लो २४ घण्टामा १,४६२ जना…

वलिउड  नायक सुशान्तले आत्महत्या गरेसँगै अभिनेत्री वर्षाले गरिन् आफ्नो बारे यस्तो खुलासा

वलिउड नायक सुशान्तले आत्महत्या गरेसँगै अभिनेत्री वर्षाले गरिन् आफ्नो बारे यस्तो खुलासा ४ हप्ता पहिले | संसार न्यूज़

वलिउडका अभिनेता सुशान्त सिंह राजपुतले आत्महत्या गरेसँगै सामाजिक सन्जालहरुमा दुईथरी…

१ महिनामा पूनर्बीमाको सम्पत्ती ५ गुणाले बढ्यो

१ महिनामा पूनर्बीमाको सम्पत्ती ५ गुणाले बढ्यो १ दिन पहिले | संसार न्यूज़

२८ असार, काठमाडौं । नेप्सेमा सूचीकरण भएको १ महिनामा नेपाल…