Sansar News- Nepal's Fast Khabar Online News Portal

आफ्ना नागरिकलाई सहजरुपमा देश फर्कने वातावरण बनाउ सरकार

संसार न्यूज़
२ महिना पहिले
आफ्ना नागरिकलाई सहजरुपमा देश फर्कने वातावरण बनाउ सरकार

कोरोना भाईरस (कोभिड-१९) र लकडाउनको कारणले भारत लगायत तेस्रो मुलुकमा लाखौ नेपाली श्रमिकहरुको रोजगारी गुमेको छ यतिबेला । खल्तीमा दाम छैन, थालमा माम छैन, अगाडि जान बाटो छैन । स्वदेश आउ भनेर राज्यको आधिकारिक धारणा आएको छैन । लकडाउन खुल्नुअघि नै मरिने हो कि, केही ठेकान छैन, सबैको चिन्ता छ ।

यहाँ सुत्केरी महिला पनि छन् । कलिला बालकालिका पनि छन् र अशक्त वृद्धवृद्धा पनि छन् । बीमारी पनि छन । चारजना बस्न मिल्ने कोठामा १५ जना भन्दा बढी बसेका छन् । कोचाकोच छ । खाना एक छाक, सुत्न चिसो भुइँ, कही चर्को गर्मी छ । उनीहरूलाई खानेपानी तथा शौचालयसमेतको अभाव छ । यहाँको कुरै नगरौं धेरैको कन्तबिजोक छ बयान गरिनसक्नु छ । यतिबेला ती सबैजसो बिरामी परेको देखिन्छ ।

यतिबेला नेपाल सरकारलाई मेरो यत्ति प्रश्न छ-सरकार, आफ्ना नागरिकलाई किन अर्काको देशमा सडाएर राख्छौं ? देख्ने आँखाले देखेपछि र सुन्ने कानले सुनेपछि बोल्न लागेको कुरा बोल्नुपर्छ । बोल्नैपर्छ । हामीले नबोले कल्ले बोल्ने ? बिदेशको भूमिमा रगत, पसिना र आँसु बगाएर थुप्रो रेमिट्यान्स देश भित्राउने श्रमिकहरुका लागि राज्यले संकटमा निभाउने भूमिका र अभिभावकत्व के यहि हो त ? राष्ट्रिय अर्थतन्त्रको जीवनमा यिनको स्थान अनि योगदान मूल्यांकन खोइ सरकार ? आफ्नै देशबाट रोजगारीको सिलसिलामा विदेशीएका युवाहरुको रगत, पसिना, नोट सबै चल्ने तर संकटका बेला उनीहरुको पुकार सरकारले किन नसुनेको हो ? के सरकारमा मानवियता छैन ?
?

नेपाल भारतका विभिन्न सीमा नाकामा ५० दिनसम्म क्वारेन्टाइनमा बसेका झन्डै दुई हजार नागरिक सम्बन्धीत स्थानिय निकायका जनप्रतिनिधिको लिखित कागजातले मात्रा उद्धार भएको छ । सीमा नाकामा हजारौको सँख्यामा अलपत्र नागरिकहरु थकाई, पीडा र भोक अनि चर्को घाममा छटपटिइरहेका छन् । यतिबेला ईमानदार टूर एण्ड ट्राभल्ससँग मेरो केहि गुनासो छैन । तर, नेपाल–भारतका केहि टूर एण्ड ट्राभल्स, झोलाछाप दलालहरूले नेपाली नागरिकको जीवन भन्दा ठूलो ब्यक्तिगत स्वार्थ पूरा गर्न गोरखधन्दा चलाएको समेत देखिन्छ । केहि दलाल तस्करले सेटिंग गरेर सीमा नाकाबाट ५ सय १ हजारका नोट लिएर सीमा नाकाका प्रशासन सँगको साठगाँठमा गोप्य तरीकाले र्बोडर कटाएको कÞुरा सञ्चारमाध्यमबाट सुन्न आएको छ । यो तरीकाले कोरोना रोकथाम होइन देश नै आगामी दिनमा सङ्कटमा धकेलिने देखिन्छ ।

यी दलाल तस्करले देशको कानूनको धज्जी उड़ाएका छन् । यस्ता दलाललाई कारबाही गरेर आफ्ना नागरिकलाई सहजरुपमा देश भित्राउने बेला राज्य भने यस्ता कुरामा बेखबर बनिरहेको स्थिति छ । नेपाल सीमा नाका पुग्न एकजना बराबर झन्डै १५ सय भन्दा माथि भाड़ा लाग्छ तर केहि समितिका ब्यक्तिले दिल्ली देखी नेपालको नाकासम्म ३३ सयदेखी ५ हजारसम्म र मुम्बईबाट ८ देखी १० हजार सम्म चर्को मूल्य लिएर कोरोनाको त्रास, भोक र थकाई लागेका मजदुरहरुलाई पीडा माथि झन पीडा दिइरहेको गुनासो मजदुरहरुबाटै आइरहेका छन् । यस्तो बेलामा सामान्य आर्थिक खर्च गर्नसक्नेले दलालले भने अनुसार यी रकम तिरेर सीमा नाका पुगेको पाइएको छ भने साँझ बिहान चुलो बाल्न नसक्ने लाखौ मजदूर कसरी आफ्नो देश पुग्ने सोचनिय विषय यो छ ?

रोजगारीको सिलसिलामा भारत लगायत बिदेशमा गएका नेपालीहरू मजदूर, अध्यनरत बिद्यार्थी , पर्यटकहरू लगायतलाई आफ्नो गाउँ-घर फर्काउन सरकारले अनिवार्य कदम चाल्नुपर्छ । उनीहरूलाई सुरक्षित तरिका ल्याउने र आवस्यक परेमा क्वारेन्टाइनमा राखेर परीक्षण पश्चात घर जाने वातावरण सरकारले बनाउन जरुरी छ । संकटका बेला आफ्नो माटो, आफ्नो घर र परिवार सम्झेर गाउँ पुगेको जो सुकैलाई पनि समाजले पनि हेयको नजरले हेर्नु हुँदैन । स्थानीयले पनि सामाजिक दूरी राख्न किन नपरोस् उनीहरुका लागि गाउँमा सहज वातावरण मिलाउन जरुरी छ ।

लेखक, खड्का प्रवासी नेपाली युवानेता हुन्

सर्बाधिक पढिएको

हाँसीखुसी विवाह मण्डपबाट विदा गरेकी छोरीले जब दुलाहाको घर नपुग्दै आत्महत्याको बाटो रोजिन्

हाँसीखुसी विवाह मण्डपबाट विदा गरेकी छोरीले जब दुलाहाको घर नपुग्दै आत्महत्याको बाटो रोजिन् ४ हप्ता पहिले | संसार न्यूज़

२ असार, काठमाण्डौं । हाँसी खुसी विवाहको मण्डपबाट विदा भएकी…

आज १४६२ जनाले कोरोनालाई जितेर घर फर्किए, निको हुनेको संख्या ४६५६ पुग्यो

आज १४६२ जनाले कोरोनालाई जितेर घर फर्किए, निको हुनेको संख्या ४६५६ पुग्यो २ हप्ता पहिले | संसार न्यूज़

१७ असार, काठमाण्डौं । नेपालमा पछिल्लो २४ घण्टामा १,४६२ जना…

वलिउड  नायक सुशान्तले आत्महत्या गरेसँगै अभिनेत्री वर्षाले गरिन् आफ्नो बारे यस्तो खुलासा

वलिउड नायक सुशान्तले आत्महत्या गरेसँगै अभिनेत्री वर्षाले गरिन् आफ्नो बारे यस्तो खुलासा ४ हप्ता पहिले | संसार न्यूज़

वलिउडका अभिनेता सुशान्त सिंह राजपुतले आत्महत्या गरेसँगै सामाजिक सन्जालहरुमा दुईथरी…

१ महिनामा पूनर्बीमाको सम्पत्ती ५ गुणाले बढ्यो

१ महिनामा पूनर्बीमाको सम्पत्ती ५ गुणाले बढ्यो २ दिन पहिले | संसार न्यूज़

२८ असार, काठमाडौं । नेप्सेमा सूचीकरण भएको १ महिनामा नेपाल…