Sansar News- Nepal's Fast Khabar Online News Portal

अफ्रिकी देश सिसेल्समा नेपालको नाम चम्काउँदै सुवेदी र छतकुली

संसार न्यूज़
२ महिना पहिले
अफ्रिकी देश सिसेल्समा नेपालको नाम चम्काउँदै सुवेदी र छतकुली

१३ बैशाख, अफ्रिका । भाग्यवादमा विस्वास गर्ने हो भने भाग्यले नै जुराएको हुन सक्छ चितवनका एकराज सुवेदी र रूद्रराज छुतकुलीलाई सिसेल्स पुग्न । हुन त भाग्यवादमा विश्वास नगर्नेहरुले देशमा विभिन्न बाध्यता, विवशता र बेरोजगारीका कारण नेपाली बलिया पाखुरालाई विदेश जानु परेको कारण बताउँछन् । तर, त्यहि भाग्यवादमा विस्वास गर्ने हो भने, भाग्यकै कारण ‘म यहाँ आए र यहाँ पुगे, यति काम गरे र यस्तो प्रगति गरे’ भनेर सन्तुष्ट हुने धेरै मानिसहरु छन् ।

हुन त, हामी नेपाली यी दुवै कुरामा विस्वास पनि गर्छौं । सायद त्यहि भाग्यले नै तानेर हो की, या त फेरि साहसी नेपालीको कर्म नै भनौं चितवन राप्ती नगरपालिका वडा नं ३ झुरझुरे निवासी ४० वर्षीय एकराज सुवेदी (पवन) र अर्का खैरनी नगरपालिका वार्ड नं. १२ का ३९ वर्षीय रूद्रराज छुतकुली (राज) यी दुबैका भाग्य अफ्रिकी देश सिसेल्समा त्यसरी नै चम्किएको छ । सिसेल्सका बहादुर नागरिकले गर्न नसकेको काम सुवेदीले गरेका छन् भने छुतकुलीले अतिरिक्त कृयाकलापमा आफुलाई उच्च स्थानमा राख्न सफल हुदै अफ्रिकी देश सिसेल्समा नेपाल र नेपालीको शान अनि मान राख्न सफल भएका छन् । सुवेदी र छतकुली दुबै पुर्व नेपाली सेना हुन् ।

छिटो अनि धेरै धन कमाउने सपनाले अन्य युवालाई जस्तै सुवेदी र छतकुली दुबैलाई सताउन थाल्यो । त्यहि सपनालाई साकार पार्नका लागि सन् २०१२ मा सुवेदी २०१६ मा छतकुली पूर्वी अफ्रिकाको सिसेल्स पुगेका हुन् । त्यहाँ दुवैजना सिसेल्स प्रहरीमा जागिरे भए ।

धेरै पैसा कमाउने सपना बोकेर विदेश पुगेका युवाहरुले आफूले सोचेजस्तो धन कमाउने सपना पूरा हुँदैन । तर, यी दुबैलाई सिसेल्सले धन मात्र नभएर मान सम्मान पनि दिएको छ । तर, त्यो त्यसै पाएको सम्मान होइन । सुवेदीले आफ्नो ज्यानको बाजी थापेर ३५ सिसेल्वा नागरिकको ज्यान बचाएको कारण उनलाई उक्त सम्मान मिलेको हो भने छुतकुलीलाई राष्ट्रिय दौड प्रतियोगिता (म्याराथुन) मा उच्चस्थान प्राप्त गरेका कारण मिलेको हो ।

सुवेदी २०१४ मा सिसेल्स पब्लिक ट्रान्सपोर्ट कर्पोरेशन क्एत्ऋ बसमा निजी कामको सिलसिलामा यात्रा गर्दै थिए । उक्त बसमा ३५ जना सवार थिए । बस उकालो बाटोमा गुडिरहेको थियो । यत्तिकैमा चालक गाडि रोकेर पसलतर्फ लागे । अचानक बस आफै ओरालो लाग्न थाल्यो ।

बसमा सवार सिसेल्सका नागरिक दुर्घटना हुन थाल्यो भनेर रुन कराउन थाले । त्यसमा यात्रु घाईते भए भने सुवेदी पनि अछुतो रहेनन् । तर, पनि उनले हिम्मत हारेनन् । सकि नसकी ड्राइभर बस्ने सिटमा पुगेर गाडीको स्टेरिङ समाएर गाडीलाई तत्काल नियन्त्रणमा लिएर आफूसहित ३५ जना सिसेल्वा नागरिकको ज्यान जोगाए ।

सुवेदीले तत्कालै बुद्धि नलगाएको भए त्यहाँ ठूलो दुर्घटना हुन सक्थ्यो । तर, उनले आफ्नो बहादुरीपन देखाएर सबैको रक्षा गरे ।

सुवेदीको यस साहसिक कार्यको उच्च मूल्यांकन गर्दै सिसेल्स सरकारले सिसेल्स प्रहरी विभागका तर्फबाट र विभिन्न प्राइभेट क्षेत्रबाट सुवेदीलाई विभिन्न मेडल र झन्डै १ लाख रुपैयाँ बराबर नगद सहित उच्च सम्मान गरिएको थियो । सुवेदीको उक्त साहसिक कार्यको सिसेल्सका विभिन्न संचारमाध्यमहरुले पनि खुब प्रसंसा गरेर लेखेका थिए । अर्कातिर छतकुलीले २०१८–०१९ र २०२० मा राष्ट्रिय दौड प्रतियोगितामा प्रत्येक वर्ष नगत सहित पदक विजेता भई नेपालीको सान राखेका छन् ।

छतकुली हाल रजत, कांस्य र स्वर्ण गरि ३ वटा पदक विजेता बनेका छन् भने झन्डै ३ लाख बराबर हात पारिसकेका छन् ।

विदेशी भूमिमा रहेर पनि एकल र साहसिक कदमले बसका ३३ यात्रुको ज्यान सम्भावित दुर्घटनाबाट बचाएर एकराज सुवेदीले र विदेशी जीवनको व्यस्तताका बावजूद राष्ट्रिय दौड प्रतियोगिता जस्तो खेलमा उच्च स्थान प्राप्त गरि नेपालीको राम्रो परिचय दिन सफल भएको भन्दै एनआरएनए सिसेल्सका अध्यक्ष राम प्रसाद पन्तले खुसी ब्यक्त गरेका छन् ।

सर्बाधिक पढिएको

हाँसीखुसी विवाह मण्डपबाट विदा गरेकी छोरीले जब दुलाहाको घर नपुग्दै आत्महत्याको बाटो रोजिन्

हाँसीखुसी विवाह मण्डपबाट विदा गरेकी छोरीले जब दुलाहाको घर नपुग्दै आत्महत्याको बाटो रोजिन् ४ हप्ता पहिले | संसार न्यूज़

२ असार, काठमाण्डौं । हाँसी खुसी विवाहको मण्डपबाट विदा भएकी…

आज १४६२ जनाले कोरोनालाई जितेर घर फर्किए, निको हुनेको संख्या ४६५६ पुग्यो

आज १४६२ जनाले कोरोनालाई जितेर घर फर्किए, निको हुनेको संख्या ४६५६ पुग्यो २ हप्ता पहिले | संसार न्यूज़

१७ असार, काठमाण्डौं । नेपालमा पछिल्लो २४ घण्टामा १,४६२ जना…

वलिउड  नायक सुशान्तले आत्महत्या गरेसँगै अभिनेत्री वर्षाले गरिन् आफ्नो बारे यस्तो खुलासा

वलिउड नायक सुशान्तले आत्महत्या गरेसँगै अभिनेत्री वर्षाले गरिन् आफ्नो बारे यस्तो खुलासा ४ हप्ता पहिले | संसार न्यूज़

वलिउडका अभिनेता सुशान्त सिंह राजपुतले आत्महत्या गरेसँगै सामाजिक सन्जालहरुमा दुईथरी…

१ महिनामा पूनर्बीमाको सम्पत्ती ५ गुणाले बढ्यो

१ महिनामा पूनर्बीमाको सम्पत्ती ५ गुणाले बढ्यो ३ दिन पहिले | संसार न्यूज़

२८ असार, काठमाडौं । नेप्सेमा सूचीकरण भएको १ महिनामा नेपाल…