Sansar News- Nepal's Fast Khabar Online News Portal

नेपालमा हालसम्म ६४ हजार बढी पिसीआर परीक्षण, १२१२ संक्रमित, मृतकको संख्या ६ पुग्यो, यस्तो छ अन्य अपडेट

संसार न्यूज़
१ महिना पहिले
नेपालमा हालसम्म ६४ हजार बढी पिसीआर परीक्षण, १२१२ संक्रमित, मृतकको संख्या ६ पुग्यो, यस्तो छ अन्य अपडेट

१६ जेठ, काठमाण्डौं । नेपालमा बिहिबार (१६ जेठसम्म) र्यापिड र पिसीआर प्रविधि दुवैबाट १ लाख ६९ हजार ६३२ वटा कोरोनाको नमुना परीक्षण गरिएको छ । जसमा पछिल्लो २४ घण्टामा दुवै प्रविधिबाट ६,६८२ वटा नमुना परीक्षण गरिएको स्वास्थ्य तथा जनसंख्या मन्त्रालयले जानकारी दिएको छ ।

मन्त्रालयका अनुसार आजसम्म पिसीआर प्रविधिबाट ६४ हजार १५४ र आरडिटी प्रविधिबाट १ लाख ५ हजार ४७८ वटा नमुना परीक्षण गरिएको हो । जसमा पछिल्लो २४ घण्टामा ३,२३८ पिसीआर र ३,४४४ र्यापिड परीक्षण गरिएको छ ।

प्रदेश परीक्षण विवरण
त्यसैगरी प्रदेश नं १ मा ११,४०६ प्रदेश नं २ मा ६,६७३, बाग्मती प्रदेशमा २५,१०९ गण्डकी प्रदेशमा ७,९५० प्रदेश नं ५ मा २०,१८५ कर्णाली प्रदेशमा १२,७९९ र सुदूरपश्चिम प्रदेशमा २१,३५६ वटा नमुना आरडिटी प्रविधिबाट परीक्षण गरिएको हो ।

क्वारेन्टाइनमा रहनेको संख्या
हाल सातै प्रदेशमा विभिन्न क्वारेन्टाइनमा ९९ हजार ३३६ जना रहेका छन् । जसमा प्रदेश नं १ मा २,७४७ प्रदेश नं २ मा १६,६७८ बाग्मती प्रदेशमा १,९५४ गण्डकी प्रदेशमा २,८१४, प्रदेश नं ५ मा ३२,३७३, कर्णाली प्रदेशमा ३२,३७३ र सुदूरपश्चिम प्रदेशमा २५,७६५ जना रहेको स्वास्थ्य मन्त्रालयले बुधबार (जेठ १६ गते) को नियमित पत्रकार सम्मेलनमा जानकारी दिएको हो ।

आइसोलेसन र रेडजोनमा
हालसम्म ७ प्रदेशका ५२ जिलाका विभिन्न अस्पतालमा १ हजार जना आइसोलेसनमा रहेका छन् । जसमा प्रदेश १ मा १२७, प्रदेश २ मा ३८७, बाग्मती प्रदेशमा २२, गण्डकी प्रदेशमा १८, प्रदेश नं ५ मा ३८३, कर्णाली प्रदेशमा ४७ र सुदूरपश्चिम प्रदेशमा १६ जना रहेका छन् । उनीहरुको अवस्था सामान्य रहेको बताइएको छ ।

त्यसैगरी हालसम्म रेडजोन (संभावित संक्रमित) मा रहनेको संख्या ४७३ पुगेको छ । पछिल्लो २४ घण्टामा ५ जना रेडजोनमा थपिएका छन् । उनीहरु काठमाण्डौ, ललितपुर, सुनसरी र झापाका रहेका छन् ।

आज १७० नयाँ संक्रमित थपिएसँगै संक्रमितको संख्या १,२१२ पुग्यो

नेपालमा आजमात्रै १७० जनामा कोरोना संक्रमण पुष्टि भएको छ । स्वास्थ्य मन्त्रालयका अनुसार आज थपिएकामा कोशी अस्पतालमा गरिएको परीक्षणमा २७ जनामा पुष्टि भएको छ । उनीहरुमा झापा कचनकवलका २४ जना १८ देखि ४१ वर्षका पुरुष रहेका छन् भने, झापा तयारीभिट्टाका तीनजना २४ देखि ५४ वर्षीय पुरुष रहेका छन् ।

त्यसैगरी वीपी कोइराला स्वास्थ्य विज्ञान प्रतिष्ठान धरानमा गरिएको परीक्षणमा सप्तरी राजविराजका ५ जना २० देखि २६ वर्षीय पुरुष र झापा भद्रपुरका ३४ वर्षीय पुरुष रहेका छन् ।

नारायणी अस्पताल विरगन्जमा गरिएको परीक्षणमा ९ जनामा संक्रमण पुष्टि भएको छ । उनीहरु बारा पचौटा राष्ट्रिय माविको क्वारेन्टाइनमा रहेका ४ जना २७ देखि ४५ वर्षीय पुरुष रहेका छन् । साथै पर्सा पोखरीयाका २१ देखि ४२ बर्षीय पुुरुष, जिरा भवानीका ३४ वर्षीय पुरुषमा पनि संक्रमण देखिएको छ ।

त्यसैगरी ललितपुरको पाटन अस्पतालमा गरिएको परीक्षणमा सर्लाही घर भई सोहि अस्पतालमा कार्यरत १ जना महिलामा पनि संक्रमण देखिएको छ ।

गण्डकी अस्पतालमा पोखरामा गरिएको परीक्षणमा म्याग्दी मालिकाका ३० वर्षीय पुरुष र भेरी अस्पताल दाङमा गरिएको परीक्षणमा बाँके डुडुवाका १० जनामा संक्रमण भेटिएको छ । उनीहरु १७ देखि ४१ वर्ष उमेर समुहका पुरुष रहेका छन् ।

त्यसैगरी भरतपुर अस्पतालमा गरिएको परीक्षणमा ६ जनामा संक्रमण देखिएको छ । उनीहरु कपिलवस्तु नगरपालिका २३ देखि २६ वर्ष उमेरका ४ जना र नवलपरासी सुस्तापूर्व देवचुलीका १९ र २१ वर्षीय पुरुषमा पनि संक्रमण देखिएको छ ।

काठमाण्डौंको टेकुस्थित राष्ट्रिय जनस्वास्थ्य प्रयोगशालामा गरिएको परीक्षणमा ८४ जनामा संक्रमण पुष्टि भएको छ । जसमा कपिलवस्तु यशोधरा कृष्णनगरमा रहेको भृकुटी माविको क्वारेन्टाइनमा रहेका २३ जना पुरुषमा संक्रमण देखिएको छ । उनीहरु ७ वर्षका बालकसहित ५२ वर्ष उमेर समुहका रहेका छन् ।

त्यस्तै रौतहट राजपुर फरदवा जनतामावि डुमरियाका ५६ जना रहेका छन् । उनीहरुमा २ बालिका र ५४ जना पुरुष रहेका छन् । उनीहरुको उमेर समुह २२ देखि ७० वर्ष रहेको छ ।

सर्लाही मलंगवाका ४ जनामा संक्रमण पुष्टि भएको छ । उनीहरुमा तीन पुरुष र १ महिला रहेका छन् भने उनीहरुको उमेर समुह १९ देखि ३० वर्ष रहेको छ ।

रुपन्देही प्रादेशिक अस्पतालमा गरिएको परीक्षणमा १६ जनामा संक्रमण भेटिएको छ । जसमा कपिलवस्तु गौतमबुद्ध माविको क्वारेन्टाइनमा रहेका १५ जना पुरुष रहेका छन् । उनीहरु १७ देखि ४४ वर्ष उमेरका रहेका छन् । साथै सैनामैनाका २७ वर्षीय पुरुषमा पनि संक्रमण भेटिएको छ ।

त्यस्तै राप्ती स्वास्थ्य विज्ञान प्रतिष्ठानमा गरिएको परीक्षणमा ११ जनामा संक्रमण भेटिएको छ । उनीहरु दाङ गढवाका २ जना २८ र ४१ वर्षीय पुरुष र कपिलवस्तु विजयनगरका ९ जना १७ देखि ५२ वर्षीय पुरुष रहेका छन् ।

नेपालमा आज देखिएका १७० जनासँगै नेपालमा कूल संक्रमितको संख्या १,२१२ पुगेको छ । जसमा १,१०३ पुुरुष र १०९ जना महिला रहेका छन् ।

कुन प्रदेशमा कति संक्रमित ?
स्वास्थ्य मन्त्रालयका अनुसार आजसम्म संक्रमित व्यक्ति भेटिएका मध्ये प्रदेश १ का ८ जिल्लाका १५७ जना, प्रदेश २ का सबै जिल्ला (८ जिल्ला) का ४९० जना, बाग्मती प्रदेशका १२ जिल्लाका ४४ जना, गण्डकी प्रदेशका ५ जिल्ला (आज थपिएको म्याग्दी) का २० जना, प्रदेश नं ५ का ९ जिल्लाका ४३३, कर्णाली प्रदेशका ३ जिल्लाका ४७ जना र सुदूरपश्चिम प्रदेशका ५ जिल्लाका २१ जना रहेका छन् । हालसम्म कूल १,२१२ जना संक्रमित रहेका छन् भने हालसम्म ५२ जिल्लामा मानिसहरुमा संक्रमण पुष्टि भएका छन् ।

आज १७० जनामा कोरोना संक्रमण भएको पुष्टि, नेपालमा संक्रमितको संख्या १,२१२ पुग्यो

आज १९ कोरोना मुक्त भएसँगै निको हुनेको संख्या २०६ पुग्यो
नेपालमा आज १९ जना कोरोना संक्रमणबाट मुक्त भएका छन् ।
आज निको भएर डिस्चार्ज हुनेमा टेकु अस्पतालमा उपचाररत २ जना, पाटन अस्पतालबाट ७ जना, बलम्बु युनिफाइड कोभिड १९ अस्पतालबाट २ जना, कोरोना विशेष अस्प्ताल बेलझण्डी दाङबाट ८ जना गरी जम्मा १९ जना आज कोरोना संक्रमणबाट मुक्त भएर घर फर्किएका हुन् ।
उनीहरुसँगै नेपालमा कोरोना संक्रमणबाट मुक्त हुनेको संख्या २०६ पुगेको छ । जसमा १६२ पुरुष र ४४ जना महिला रहेका छन् ।

आज १९ जना कोरोना संक्रमणबाट मुक्त, निको हुनेको संख्या २०६ पुग्यो


कुन प्रदेशमा कति निको भए त ?
स्वास्थ्य मन्त्रालयका अनुसार आज (शुक्रबार) डिस्र्चाज भएका १९ जना सहित नेपालमा कोरोना संक्रमणबाट निको हुनेको संख्या २०६ पुगेको छ ।
जसमा प्रदेश नम्बर १ का ३०, प्रदेश २ का १०२, बाग्मती प्रदेशका २० जना, गण्डकी प्रदेशका २ जना, प्रदेश ५ मा ४७ र सुदूरपश्चिम प्रदेशमा ५ जना गरी जम्मा २०६ जना हालसम्म डिस्चार्ज भएका छन् । जसमा १६२ पुरुष र ४४ जना महिला हालसम्म कोरोना संक्रमणबाट मुक्त भएर घर फर्किएका हुन् ।

नेपालमा थप एकको कोरोना संक्रमणबाट मृत्यु, मृतकको संख्या ६ पुग्यो

कोरोना संक्रमणबाट हालसम्म ५ को मृत्यु
नेपालमा कोरोना संक्रमणबाट मृत्यु हुनेको संख्या ६ पुगेको छ । पछिल्लोपटक मृत्यु भएका अर्घाखाँचीका युवा हुन् ।

अर्घाखाँचीको भुमिकास्थानका ३५ वर्षीय युवाको भारतमा मजदूरी गरेर नेपाल फर्कने क्रममा जेठ १० गते मृत्यु भएको थियो । उनको जेठ ११ गते श्वाव संकलन गरेर भैरहवाको प्रयोगशालामा परीक्षण गरिएको थियो । विहिबार आएको रिर्पोटमा उनमा कोरोना पोजेटिभ भएको पुष्टि भएको थियो । उनको शबको दाहसंस्कार भइसकेको छ ।

उनीसहित नेपालमा कोरोना संक्रमणबाट मृत्यु हुनेको संख्या ६ पुगेको छ ।  जसमा बुधबार (जेठ १४) गते ललितपुर बुङमति २२ का ५६ वर्षीय पुरुषको मृत्यु भएको थियो । उनको कलेजोमा समस्या भएका कारण जेठ ११ गते ललितपुरको ग्वार्कोमा रहेको किस्ट अस्पतालको आइसीमा भर्ना भएका थिए ।

उनको जेठ १२ गते कोरोना परीक्षण गरिएको थियो । जसमा रिर्पोट पोजेटिभ आएको थियो । उनको बुधबार मृत्यु भएको स्वास्थ्य मन्त्रालयले पुष्टि गरेको छ ।

त्यस्तै जेठ ४ गते मृत्यु भएका ७० वर्षीय पुरुषमा कोरोना संक्रमण भएको पुष्टि भएको छ । उनको संक्रमणबाट मृत्यु भएको पुष्टि स्वास्थ्य मन्त्रालयले जेठ १२ गते गरेको थियो ।

यसअघि जेठ ४ गते विरगन्जको नेशनल मेडिकल कलेजमा भर्ना भइ उपचार गराएका ७० वर्षीइ पुरुषको मृत्यु भएको थियो । श्वास प्रश्वासमा समस्या भएर आइसीयुमा उपचार गराएका उनको उनको मृत्यु पश्चात गरिएको श्वाव परीक्षणमा कोरोना संक्रमण भएको पुष्टि भएको थियो ।
जेठ ७ गते गुल्मी मदानेका ४१ वर्षीय शिक्षकको रुपन्देहीको क्रिमशन अस्पतालमा उपचारका क्रममा मृत्यु भएको हो ।

जेठ ४ गते बाँके नरैनापुरका २५ वर्षीय युवाको क्वारेन्टाइनमै रहेका बेला मृत्यु भएको थियो भने जेठ १ गते सिन्धुपाल्चोककी २९ वर्षीया सुत्केरी महिलाको धुलीखेल अस्पतालमा उपचारको क्रममा मृत्यु भएको थियो । उनको कोरोना संक्रमणबाट मृत्यु भएको घोषणा जेठ ३ गते गरिएको थियो । उनी कोरोना संक्रमणबाट नेपालमा मृत्यु हुने पहिलो व्यक्ति हुन् ।

नेपालमा कोरोना अपडेटः ६०,६९६ पिसीआर परीक्षण १०४२ संक्रमित, ५ को मृत्यु र आइसोलेसनमा ८५० जना

सर्बाधिक पढिएको

हाँसीखुसी विवाह मण्डपबाट विदा गरेकी छोरीले जब दुलाहाको घर नपुग्दै आत्महत्याको बाटो रोजिन्

हाँसीखुसी विवाह मण्डपबाट विदा गरेकी छोरीले जब दुलाहाको घर नपुग्दै आत्महत्याको बाटो रोजिन् ३ हप्ता पहिले | संसार न्यूज़

२ असार, काठमाण्डौं । हाँसी खुसी विवाहको मण्डपबाट विदा भएकी…

आज १४६२ जनाले कोरोनालाई जितेर घर फर्किए, निको हुनेको संख्या ४६५६ पुग्यो

आज १४६२ जनाले कोरोनालाई जितेर घर फर्किए, निको हुनेको संख्या ४६५६ पुग्यो १ हप्ता पहिले | संसार न्यूज़

१७ असार, काठमाण्डौं । नेपालमा पछिल्लो २४ घण्टामा १,४६२ जना…

वलिउड  नायक सुशान्तले आत्महत्या गरेसँगै अभिनेत्री वर्षाले गरिन् आफ्नो बारे यस्तो खुलासा

वलिउड नायक सुशान्तले आत्महत्या गरेसँगै अभिनेत्री वर्षाले गरिन् आफ्नो बारे यस्तो खुलासा ३ हप्ता पहिले | संसार न्यूज़

वलिउडका अभिनेता सुशान्त सिंह राजपुतले आत्महत्या गरेसँगै सामाजिक सन्जालहरुमा दुईथरी…

आज पनि ८२३ जना कोरोना संक्रमणबाट निको भएर घर फर्किए, हेर्नुहोस् कुन प्रदेशमा कति निको भए त ?

आज पनि ८२३ जना कोरोना संक्रमणबाट निको भएर घर फर्किए, हेर्नुहोस् कुन प्रदेशमा कति निको भए त ? ७ दिन पहिले | संसार न्यूज़

१९ असार, काठमाण्डौं । नेपालमा कोरोना संक्रमणबाट ८२३ जना मुक्त…